إيه ياقلبي توكّل واتبعه
يستحق تْحبه من بيّن وفاه




سكّنه بأعلى المراتب وارفعه

خابرك وافي ولا تبغى وصاه




إن حكى أنصت لحكيه واسمعه

وإن سكت أحكي له عن حبّه وغلاه




ولا تبي بالمختصر رهن إصبعه

يأمر وينهي على كيفه ورضاه




من غلاه أغليك وأغلي إلي معه

وإلي ضدّه ذي عيوني لا تراه




ماعشقت مْن الحروف إلا أربعه

وماهويت من الوجيه إلا بهاه




من عرفته والفرح فيني ازرعه

أقطف البسمة وضحكاتي معاه




والحزن من خافقي شاله انزعه
مثل ورد ٍ اختفى لونه وشذاه




أجمع جْروحي والآهات أمتعه

خلها تْسافر مع الماضي وعناه




وأنت في خلّي لأوصّيك اتبعه

خابرك وافي ولا تبغى وصاه