يا الأرواح الـبـارحـة راعـنـي حـــوت
أقـفـيـت عَـنْــهُ وكـنِّــي أقبلت يـمّــه

يسبـح مـع الجـوزا وتجديـفـه سـكـوت
و الـشـمـس فــــي جِـرْيَـانَـهـا مـاتـهـمّـه

لــه زعـنـف بصنـعـا و الأخر في بـيـروت
يــاوســع مــدبــاره و يـاضـيــق فــمّـــه

تـزعّـمو حــولــه ثـلاثـيــن طــاغــوت
واستـاسـر بجـوفـه مـــن الـجــن أُمَّـــة

و بطراف ذيله واقفن (هاذار )و(النوت)
و(الـقـاضـي) الـلــي لاضـمـير وذمَّــــه

فـــي عـيـنـه الـزرقــا تنـاثـيـر يـاقــوت
فــي حِـجـر حـوريّـه الـيـا اقـفـى تـلـمّـه

ياليتـهـا مـاهـي مــن اسـحـار هـــاروت
أو صـــرت لـجـنـون الـلـيـالـي مـخـمّــة

يا أخوي لاجـتك القصيدة علـى الـنوت
أنـــت الخـبـيـر الـلــي يـحــل الـمـهـمَّـة

سراب فـي لـغـزه مكلـبـش ومكـبـوت
أسـيـر قافن و يسـمــع صـــوت عـمّــه

يـافـزعـة الـخـاطـر ويـانـزعـة الـمــوت
وياحـالـة الضيـقـة ويــااشـنـع مـطِـمّـة

يـافـارج الـكـربـة ويـاسـامـع الـصــوت
رجـواك فـي حـالـي عــن ادنــى مـذمّـة

يـاخوي شوف الحرف بالصـدر منحـوت
والعـجـز فـــي جـرحــي ويقـفِّـيـه دمّـه

يـشكـي سراب الـشـعر و يكـتب بيوت
و يـنـظـم جُمَـلـهـا لـجــل ينزاح همه

{ سراب الشعر }