يا نفس تــوبــي واقـبـلي توبة الغير ** وكــــل على ما قـيــل عنده ذنــوبـــة
نوب نغرّد مثل صـــوت المــعاصـير ** ونوب يا دوب الصوت ويا دوب دوبه
نفسي تزوم وودّها صـفـعـــة الطـير ** وطيورنا مــا هــي عـلـى كــل نـوبــة
يا نفس توبي واعلني نية الخــــيـر ** وتعــايشـــــي مع الملأ يا امغضـوبــة
عجزت انا يا نفس عن جمع تكسير ** وخليك بالـــــــســـالم وجمعه ولوبـــه
والجاهة اللي ســــاقــهــا سيّد النير ** رعبوبة صبت على القلب شـــوبــــة
يا نفس يا نفس الشقاء والمقــاهير ** الياوين وانتي للمصـــــــايب جلوبـــة
يا نفس توبــي عن كثير المحــاذير ** وصبرت على الزلّات لو هي عطوبــة
غـــديـــت كني حدر ضغط الجنازير ** وإلّا بحدود المملكة مـــــع الخــــوبـة
يا اللـــه من عقب الصعوبة تياسير ** يسر لنا يا رب عقب الـــصـــعــوبــة
ويا اللـــــه من مدات جودك مغاتير ** الحرّة حرّة والـحــلــوبـــة حــلــوبــة
بقلم : الخيّال / التغلبي