اليانقطع بي وصلهم وش بقي لـي ** مــثــل الـيـتـيـم اللـي تـيـتـم مـع الناس
دنــيــاك هذي مثل قـيـض المحيلي ** ضــاع الصميل ولا بقي من الـبـشر ناس
لا واخــلــيــلي راح لا واخــلــيــلـــي ** وين الــصــديــق اللـي يخفف من الباس
الياضاق صدري وطـاح يالقرم حيلي ** وضــاقــت بـي الـدنـيـا من قــل الاونـاس
الــقــاه الـيـابــغــيــتــه والقاه حولي ** ما يــنــشــدن عن حــاجــتي دوم فرّاس
اعـلل الـنـفـس الـشـقـيـة بـلـيـلـي ** عــيــنــي سـهـيـرة والـعـرب كلها انـعاس
لا واغـلـيـل الــنــفـس لا واغـلـيـلـي ** لا واعــذاب الــقــلــب من كـــل هوجاس
الناس ما تدري وش اللي يجي لي ** نــضــحــك مــع الـحـيـيـن والبال محتاس
وكم واحد من العرب يـشـتـكـي لي ** اشـــيــل هــمّــه مـا دري ويـــش بالراس
صـبـر صبرته يا عـرب وش حـصـيـلي ** دام الــحــصــاد اللـي حصدتـه هو الياس
وين الفطين اللـي يـفـسّـر عـويـلـي ** ويسمع قنيب الذيب من فوق الاطـعاس
يفهم بـــلاي ويـفـتـهـم بـتـحـلـيـلـي ** ويفهم سبب بلواي ويحس الاحـسـاس
جـرحـي عـطـيـب ومن قـديـم نزيلي ** ولاهــمّــنــي فــــي مقصدي كل ـميّاس
لي هــمّــة ابـعــد من شيوخ جيلي ** هــمــة ولــد مــا يــا صـلـه كـل قـرنـــاس
الياصاح صــيّــاح العرب بالــنــزيــلـي ** وضــاقــت بـه الـدنـيـا على مـرّ الاتـعـاس
يفرح ان كــانــه بالـعـرب هو دخيلي ** نـصـبر عـلـى بـلـواه لـو كـانـت اعـمــاس
الـمـرجـلة تـبـي لـهـا صـفّ خـيـلـي ** بـنـت الـحـصـان الـعـايـزة وقــبّ الافــراس
والـمـرجـلـة يـبـي لـها المستحيلي ** بذل الـنـفـيـس وبذل مـالك والانــفــــاس


من وسيط الخيّال التغلبي .