12-09-15, 12:02 AM
|
#1 |
| | | | | | | | | | | | | | | | | | | | | | | | | | | | | | | 
,,, خليك بعيده ,,,
تـوك تجينـي .. تـرجعـين وتبينـي
هالحين فكرتي في حُبـي وتبينه
توك ذكرتي شوق قلبي وحنيني
هالحين قلبي .. جـاز لك تذكُرينه
وينـك ويو إنـي ارتجـي ترحمينـي
يوم اشكي .. شـوق قلبي وأنينه
يوم إن قلبي يقـول .. لا تتركينـي
تـري بدونـك .. كل نبضـه حـزينـه
أذكـر ضحكتك .. يومها من أنينـي
وأظـن ضحكـك .. بـاقيـه تذكرينـه
ما .. باقـي إلا لك أحنـي جبينـي
ما عاش من يحني لمثلك جبينه
خلِـك بعيـده .. لا تعنـي وتجينـي
ما عـدت أنا ذاك .. الـذي تعرفينه
لقيـت غـيرك .. من أبيـه ويبينـي
لا غِبـت عنـه يحـترق مـن حنينه
لا شاف دمعي حايره بوسط عيني
يمسح دموعي الحايره باطراف إدينه
سلمته قلبي وكل إحساس فيني
واهداني عمره وما بقى من سنينه
أهداني قلبه .. وصـار مِلك بيميني
وعمـري عطيته وصـار مِلك بيمينه
وأصبحتي ذكرى من عجاج السنيني
قلبـي يقـول اليـوم .. ما تـلـزميـنـه |
|
|
|