هذا الليل بارد ومكتظ بحنين ..
يشعل ذكريات واماني / غافيه

حتى صنع داخلي طفل(ن) حزين ،
ثوبة مقطّع ورجلينه حافيه .

راحت امه عن عيونه من سنين -
وانظلم من مرت ابوه الجافيه *

ي وقتن تبلاني وبعثرني / إلين
خاب ظني ب القلوب الصافيه ..

حلمي اللي وهو توه فطين ،
مات وهو قبل يومين بعافيه .

يامدعين الامل هذا الامل وين ؟
مافادني يوم المواجع لافيه ..

كثر ماكتمت بداخلي جرحن دفين !
عشت فالدنيا مواجع كافيه ..

ب اطلق امواج بوحي / وربي يعين
عساني القى مواني دافيه

من يوم ماقفوا عن عيوني راحلين !
قفت احلامي وراهم هافيه ^

حتى الشعر وانا اكتبه هاللحين ..
للأسف مو مقتنع بالقافيه !

خلل ولا ادري هالخلل من وين -
يمكن فيوزات فكري طافية ؟

بس الاكيد ابتلاني هالحنين !
الله يعوضني خير وعافيه ~



كمآ هي / شليويح