المساعد الشخصي الرقمي

مشاهدة النسخة كاملة : دمحتها لك .. حصرية


أنا فداهم
09-02-19, 01:43 PM
-

-

ان شفت عيني قاصرة عنك الشوف
لا تحسب إني بالفعل ما أشوفك

أنا إذا شفت الخطأ منك مكشوف
ألدّها .. ما ودي .. إنها تشوفك

أنا أدري إنك راح تبلشني حلوف
ويلحقك ذنب .. ولا أصدق حلوفك

لكن بطوّفها، مدام ..إنها .. تطوف
وأبيك .. تفهم.. حاجةٍ / ما تطوفك

دمحتها لك يابن عمي مهو خوف
وان خفت أخاف لسمعة آخر حروفك

أنا ..ولـد عمـك .. إذا جـارت ظـروف
معاك أوقف .. قبل تشرح / ظروفك

أجيك وأحوف الرجاجيل لك حوف
وتبطي الرجال اللي تحاول تحوفك

وليا لحقك من الرجاجيل .. معروف
أبحث و أدوّر .. لين أرد .. مْعروفك

قلْ للزمن لامن بغى يدحم كتوف
يدحم كتوفي .. قبل يدحم .. كتوفك

وشلون .. تبغاني .. أخليك .. وآشوف
كف الزمن .. يلوي أصابع .. كفوفك

لا صار جيبك خالي و عندك ضيوف
حرمت نفسي لجل أعشي ضيوفك

-

-

alwafa
09-02-19, 01:48 PM
،,












وشلون .. تبغاني .. أخليك .. وآشوف
كف الزمن .. يلوي أصابع .. كفوفك
كفوفك ,


صح لسسـآنكك ي الششـآعر ,
كلمآت حزين ي آفدآهم ’
و مكسور ’


ف آنتظظآر يديدكك

احلام عابره
09-02-19, 02:58 PM
كفو والله
قول وفعل يافداهم
يفداك الردى وكل ردي

صح صح لسانك يغالي
وياليتني ابن عمك

احترامي

مساحة قلم
09-02-19, 08:18 PM
مايروقني في قصائدك انها قويه
المعنى ولها دلائل كثيره
راقتني يا طهر


تختم ل3ايام

وهج
09-03-19, 08:28 AM
أيا نبيل الحرف ما هذا الجمال !
صوّرت الموقف الإنساني بطريقة رائعة


أنا إذا شفت الخطأ منك مكشوف
ألدّها .. ما ودي .. إنها تشوفك
/


أنا ..ولـد عمـك .. إذا جـارت ظـروف
معاك أوقف .. قبل تشرح / ظروفك

جميل ..جميل


قلْ للزمن لامن بغى يدحم كتوف
يدحم كتوفي .. قبل يدحم .. كتوفك

وشلون .. تبغاني .. أخليك .. وآشوف
كف الزمن .. يلوي أصابع .. كفوفك

وهنا تجّلى الإيثار بأبهى حلّة

ما زلت تمارس الإبهار

صح بوحك المتوّهج

الشاذليه
09-17-19, 02:57 AM
ياجاهلن فكري تري فكري بها معروف
اسيد روسن صعيبه ماتبا معروفك
لكن وين الخطا ياذيب من عوف
سنين تمضي بنا وانا ماني بكم عوفك
مما جاز لي دمت بود ولكن حرمتني الكلمه وانا قدامهم لاتذوق من جزيل الشعر لاطاب لي


SEO by vBSEO 3.6.1