أبي أتزوج والله العظيم أبي أتزوج تعبت 😭

[مشكلتي]

السلام عليكم ورحمة الله وبركاته.
انا بنت عمري 28 سنه قريب بدخل 29 وباقي ماتزوجت الى الان مو ناقصني اي شي حلوه وطيبه وجسمي متناسق وطويله وجامعية بتخصص حلو كثير حاجتي للزواج من عمري 18 متخيلين ولا مره أنخطبت والله ولا مره مدري وش فيني هو صح انا شايفة خيره كثير كل سنه تمر علي أشوف خيره كبيره من الله بس أوقات أضعف وأقول ليه ماتزوجت وليه وليه مو بس عشان الرجل ( أحتاج علاقه ( حميمة) جدا جدا جدا الشي ذا عندي مهم وعالي مااقدر اعيش بدونه كل يوم ادعي ربي بالحلال حافظه نفسي من زمان وابكي بكاء لين ربي ينسيني الموضوع ذا ) أبي أطفال أعشق الأطفال من كل قلبي خصوصا البنوتات الصغار قلبي يموت اذا رحت محل اطفال اشتري واخليهم عندي لين الله يفرجها ( ابي مسؤلية بحياتي حلو وجود الزوج بالحياة انا جربت كل شي الدراسه الدورات الوظيفه اكثر شي احتاجه الزواج خصوصا الزوج الطيب الكفووووو الصالح وهذه دعوتي دايماااا أكرهه من قلبي اللي تقول الزواج مو مهم ولاتخليه محور حياتك ؟كان أنتِ ماتزوجتي ي روحي.. انا انسانه ابي الزواج كل يوم ادعي كل يوم والله مابالغ بمطر يوم عرفه رمضان دعوتي الزوج .. خايفه أوصل 40 وانا ماتزوجت خايفه خايفه حقيقه من كلشي فيه طريقه اتزوج فيها لحد يقول خطابات جربت وحده جابت لي واحد عمره 45 متزوج وعنده 2 عيال ويبي عيال مستحيل اوافقققق ... شايفه كثير شباب بعمري اكبر مني 4 سنين ماتزوجو يكونون أنفسهم اطمح لمثلهم لاني عارفة عندهم خبرة .... اش الطريقه كيف اتزووووووج اش اسوي تعبت تعبت تعبت احد يحسس في حرقة قلبي اهلي ي عيني يبون يفرحون فيني اليوم قبل بكره ولا عمرهم ضايقوني بالعكس يقولون لي كل ماتاخرتي احسن وعيتي وحافظتي على بيتك اقسم بالله بدون مبالغه مو ناقصني شي والله والناس تحبني اعرفها ولا مااعرفهااا احيانا آكون بمول او مشفى تجي تسولف معاي اي وحده وكأني اعرفك زمان دخلتي قلبي ونتعرف ومقعد سنين مع بعض حتى وحده اعرفها تقول والله غريبه فلانه ماتزوجت الا هي انا فعلا نصيب 😭😭😭ي ناس محد قد جااااني ولا فيه أقارب عندي بموت غبنه😭😭😭😭 واللي يشوفني من برى يشوف الزواج اخر همي لاني مستحيل ابين حزني لو قلبي ينكسسسر مستحيل ومستحيل أشكي لحد عن حاجتي .. صرت اخاف فيني شي روحي مع اني محافظة على سورة البقرة واذكاري والحمدلله مو باين فيه شي وأحلامي كلها مبشرات بس وسوست تاخر الزواااج .💔😭

[M.ahmad]

لا تصرين على قدر من أقدار الله لأنه حتماً بإصرارك سيعطيك ولكن لن يجعل فيه خير وبركه لأنك تعجلتي على موعده المكتوب

لذلك لا تستعجلي على الأقدار المكتوبه لك ، وعليك ان تعي بأن كل تأخيره قد تكون فيها خيره إن شاء الله

كل مافي الأمر إرفعي يديك لله وأطلبي منه بأن يعجل لك بالفرج القريب بما فيه صلاح .

[هاشم هاشمي]

توكلي على الله
وتقربي الى اقرب دكتورة في علم النفس واقتنعي بالذي تقوله لكي

===
انا اتكلم من واقع اعيشه


34سنة للرجال هو السن المتوسط للزواج والبنات متوسط الزواج هو 32سنة وجدوا علماء النفس ان هذه الفترة

يرتفع فيها الزواج ويقل فيها الطلاق لان الانسان خلاص ناضج وشابع من رايه يريد الارتباط الان وتحمل المسؤولية .



===
نرجع للموضوع
=======
فهمت ان لديك حاجة ماسة للامومة والامومة لازمها زواج الحلال والزوج الحلال الصالح ياتي لك


اوصيك بالنذر لله تعالى بمعنى تقولين يارب اذا جبت لي الزوج الصالح الطيب الذي يعينني على الحلال وبناء الاسرة فاني

س ....وتكملين العبارة بمعنى ساتصدق بكذا دينار او افعل كذا وكذا



اوصيك ب افراح الاولاد الصبية الصغار تدخلين السرور عليهم .

اوصيك بقرءان القرءان وكثرة الاستغفار وتخصيص دعاء خاص كل ليلة

‏﴿فَقَالَ رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

وجاته احداهما تمشي باستحياء تقول ان ابي يدعوك ليجزيك اجر ما سقيت لنا .


الشرط اساسي
=========
اطردي الوساوس والاوهام واستعملي الرقية الشرعية وصلاة قضاء الحاجة وتاكدي ان الله هو اللطيف بك وهو

المجيب لك وهو الواسع لك برحمته تتزوجين وتقضين ما في بالك .


الصدقة لتيسير شيء معين نفع جدا تصدقي من مالك اليسير لنفع غيرك من الناس .

)))
الاندماج والتيسيير
==========
بما انك جامعية فهذا يسهل عليك الاندماج الاجتماعي اذهبي الى صديقاتك اسئلي بمن تثقين فيهن عن اخوها

او اي انسان صالح في داءرتها وتقربك اليه .خذي هذه المنافذ الاجتماعية ووسعي علاقتك مع من تحبيين

واسئليهم عن اي انسان صالح يصلح للزواج يوصلون له معلومة التقرب اليكي.


التيسير
===
اقصد به من اتاك من ترضين دينه وخلقه تزوجيه لا تطلبي مهرا غاليا اطلبي اليسير وعيشي في سعادة واجلبي

لكي احلام الامومة لكي تكون واقعا اماك ويرزقك الله بالذرية تربينها امامك


اخيرا
===
نصيحة سن 29 مازال فيه الخير .اعرف واحدة سنها 36 وتزوجت وانجبت ولدين وتحلم بالثالث .

ما يوجد عند الله خير من ما يوجد عند الناس

[جملة مفيده]

خذي لفه بهذا القسم واقرأي المشكلات اللي فيه رح تنسد نفسك عن الزواج...
الزواج بطيخه يا بنتي يا تطلع حمره وحميمه وحلوه يوم ونص... يا اما بيضا وما الها طعم العمر كله.
لا تستعجلي،، ولا يكون الزواج طموحك الأول،، وإلا رح تفشلي بكل حياتك.
عموما ربنا يوفقك.

[العـ(احمد)ـالمي]

كلنا نعرف ونحفظ المقولة اللي تقول (الزواج قسمة ونصيب)
اختي الكريمة قد يكون تاخير زواجك ابتلاء من الله ليعرف مدى
رضاك وصبرك لأن الله يبتلي عباده الصالحين واكبر دليل الرسل
واتمنى تصبرين ولايكون هذا الموضوع محور تركيزك
فقط استعيني برب العالمين وادعيه وهو اللي بيفرج همّك

ربي يرزقك على قد نيتك

[طيف الأمل]

ماراح ازيد على كلام اللي سبقوني
فهم كفو بالكلام ووفو
,
حتى وإن كان العمر كبير
وان كانت رغبتك بهذا الشيء ضرورية
,
الزواج يبقى استقرار ومشاركة
انتي انسانة اجتماعية والمحيطين بك يحبونك
,
الله ماكتب لك هالشيء وغالباً يكون ابتلاء من العزيز الحكيم لصبرك
وقربك له فعليك بالاستغفار وقراءة الادعية والاهتمام بواجباتك الدينية
,
وان كان من باب الحسد والعين فرقي نفسك وربي يكتب لك كل التوفيق

بالتوفيق

[ام تركي]

لاتستعجلي بنصيبك
صدقيني نصيبك بيجيك اذ مو اليوم بكره
خلي املك بربك كبير
اقري سورة البقره بنية الزواج والرزق صدقيني بيرزقكك ربي ان شاءالله

[جرافيتي]

مقدر ظروفك ،
بس ما يمنع أمك تذكرك عند النآس ..
تكلم خالاتك ولا عماتك ..
علشآن هم يوصلونك للمعرس ..
بصياغة على لسآن أمك ..
"اللي تعرفونه للزواج دلوهـ على بنتي"
هذي منتشرة في المناسبات و العروس و الحفلات ..
وأمي اذكرت بنآت واجد لأم المعاريس كثآر ..
هذي الحركة ما فيها عيب ..
لأن ممكن نظرة النآس لك انتي اللي ما تبين تتزوجين ..
النآس راح يذكرونك عند أم اي شخص بيتزوج ..
وبإذن الله راح يكون نصيبك قريب ..

[انفآس]

اصبري ي اختي وبيجيك رزقكك اللي ربي مقدره لك واتركِ عنك الوسوسه
يمكن يجيك واحد مايعرف قدرك ولاقيمتك وتندمين قد شعر راسك ع هالزواج
أنا عمري 34 والحمد لله صابره لأني راضيه بقدري
وكمان أنا مو مع اللي يقولوا ايش تبغين بالزواج احسن لك كذا لاتتزوجين
مع انهم دايم يمرون علي ويسمعوني هالكلام لكن اخذها بالمزح
واقولهم مافي لازم أجرب اللي جربتم

ويااختي رزقك مكتوب فلا تقنطي من رحمة الله ،

وبالأخير الله يرزقك الزوج الصالح اللي يصونك ويعرف قدرك
ويرزقك بكل اللي تتمنينه ..

[م ستريح البال]

الزمن تغير اختي 29 الى 35 هو اكثر عمر تتزوج فيه البنات الان عيل ام 40 سنه وش تقول
تفائلي خيرا ولابد ان تكثري من المناسبات الاجتماعية زواج وو الخ صراحة لا الومك مع الارقام
التي نسمعها عن كمية العنوسة بالبلد شي يخوف لا اعرف اين آدم وماهي ظروفه
امنتى لك التوفيق وتاكدي مرة اخرى 29 الى 35 او 36 سنه هو زواج اغلب بنات هالايام :MonTaseR_222:

[سافانا]

في البدايه احب ان الفت نضرك

إلى ان نبره حروفك وطريقه السرد والشكوى

نبره ذكوريه عااااليه

الأنوثه مفقوده يا فتاااااه

فالكتابه ليست مجرد حروف

انتي تضعي جزء من شخصيتك بكل حرف يكتب

هذه الحروف تجعل المتلقي يشعر بكاتب الكلمات ويلمس شخصيته

حاولي تكوني اكثر رقه
حرقه قلبك بهذا الشكل حسستني
انك شغوفه ومتلهفه على الإرتباط
حاله لا تقبل التاجيل

واتفاجاء انك رفضتي عريس لمجرد انو مرتبط

انتي انتقائه و عجوله كيف تقدري توفقي بين الصفتين المتناقضتين

راجعي نفسك يا حلوه يا المقهوره


انتي بتقولي


(( اللي يشوفك من برى يشوف ان الزواج اخر همك ))

انتي جاوبتي على نفسك
ما في احد يقدر ذاته يتقدم لوحده تقول الزواج اخر همها حتى لا يقابل طلبه بالرفض

عدلي سلوكك

قشره الجبروت والقوه الي بتغلفي بها شخصيتك
ربما كانت هى السبب
الشخصيه القويه مخيفه للأخرين
لأنها تعطي انطباع بالتسلط
ولا اعتقد ان فيه ام ترغب ان يقترن ابنها بهذه النوعيه من البنات


بعض البنات اذا جلست في قعده
تبروز نفسها بكثر المدح والإعتزاز بالنفس
وتظن انها بهذي الطريقه تحبب الأخرين فيها
هذي الطريقه تخيف الأخرين وتعطيهم انطباع ان هذه الإنسانه متسلطه ومغروره

او تفكها مع الناس وتكون جرئيه

وهذاايضاً يعطي انطباع مخيف ان لها تجارب مخفيه

لا تتلهفي ولا تظهري عكس مشاعرك

قدمي نفسك بشكل انساني بسيط وبتعدي عن الإبتذال

نصيبك متعلق بسلو كياتك
وباسلوب معاملتك مع الناس
طول منتي حمشه
العرسان بتهرب منك
ابعدي عن الغرور
ونصيبك سياتي في موعده المحدد .

[صعفق طاش كندي]

اكثري من الاستغفار

[مسكك الغلا]

كل انسان مقسوم له رزقه وحياته من وقت نفخ الروح فيه فلا تستعجلي
ان كان نصيبك في الزواج والانجاب سيكون ذلك . اكثري من الاستغفار والحوقله

وكوني متواضعه جدا فبعض التصرفات تبعد الخاطبات عزيزتي

[شاهستا]

تعرففي ايش مشكلتك ؟

*،

هنا ياعزيزتي

""واللي يشوفني من برى يشوف الزواج اخر همي""
بطلي غرور ، بطلي تظهري مظهر المستغنيه وكأنه مو من ضمن احتياجك
خليك انسانه عاديه لا تبيني انك مشفوحه ولا تظهرهي استعلاءك على سنه من سنن الحياه
هذا الاسلوب ينفر الخاطبات وانا اولهم ب اكون صريحه معك كنسلت وحده بس شفتها شايفه نفسها
ليش اجيب لأخوي الهم ولاهي بسيطه وقنوعه ..والحين ما شاء الله اخوي خطب و ملك

وهي قاعده والله مو شماته فيها لكن ساعات انت تقطعي رزقك بيدك محد غيرك



حاول تسوي فحص على سلوكياتك واسلوبك مع اللي حولك

وخذيها نصيحه مني والله مابتموتين والله نصيبك ماخذته ليش القلق والخوف

ماعليك الا تدعي وتصبري واستغفري .

[غير مهتم]

فقط ادعي الربك كل لللي نفسك فيه

الله يكتب الخير

[غير مهتم]

مقدر ظروفك ،
بس ما يمنع أمك تذكرك عند النآس ..
تكلم خالاتك ولا عماتك ..
علشآن هم يوصلونك للمعرس ..
بصياغة على لسآن أمك ..
"اللي تعرفونه للزواج دلوهـ على بنتي"
هذي منتشرة في المناسبات و العروس و الحفلات ..
وأمي اذكرت بنآت واجد لأم المعاريس كثآر ..
هذي الحركة ما فيها عيب ..
لأن ممكن نظرة النآس لك انتي اللي ما تبين تتزوجين ..
النآس راح يذكرونك عند أم اي شخص بيتزوج ..
وبإذن الله راح يكون نصيبك قريب ..


هههههههه ضحكتني تقول الحركه ما فيها عيب

يمكن عندكم مافيها عيب بس عندنا فيها عيب لما ام تكلم عن بنتها تدور لها معرس

نصيحه صاحبه مشكله لا تسوين شي هذا