مشاهدة النسخة كاملة : ×_×~~jokerr ~~×_×
السلام علييييكم
الجوكر هنا بعد الان
7/سبتمبر/2019
معلوماتي البسييطه
اسمي: الجوكر
العمر: ما اعترف بالعمر هو بس رقم يمشي
النادي: الاهلي الملكييي
الحالة: اعززب الى الابد
الشغل: ابحث عن عمل اذا لقيته بتركم
وووبس اشوفكم بعدين
ياااخي سبحان الله فيه واااحد غاثني من دخلللت
ياااهو ثقيييييل الله لا يثقل علي بس
المهم خل يتلايط
وش قصتنا مع ذا اللللحر الناس تمطر عليهم و حنا شمس ودي ابادلهم ابي اسافر ابي اروح من هنا
و المصيبه حر و زحمه يعني الله يعين الوكاد انا حزين من الحين قبل بكرا الظهر يعني اسبق الاحداث بالحلطمة
و بعد يا زيين المدونه تحش على راحتك ولا احد يقاطعك الحمدلله جعلها دوووم
ادري ادري ادري بتسالووون ليه اسمي الجوكر
والله يا طويلين العمر لانه مجنون و انا احب المجانين صراحتا احسهم ما خذين ابو الحياه يارب اصير زيهم يوما ما
ف انا الجوكر بعد الان لن اختفي الا اذا توظف ادعو اتوظف و افتك منكم و تفتكون مني
ليه احتسي هنا كثيير عشاني بكثر مشاركات و اصير مطنوخ مشاركات
تدرون ليه زخرفت مدونتي اتحداااكم تعرفون ههههههههههههه
ما شاء الله علي 30 مشاركااات
الى الاخوة الكرام في هذا المنتدى الرجاء ابعاد الاعلانات لان قسم بالله انها غاثتني اغث من ذااك الوغد لا جيت بدخل صفحه ثانيه ادخل اعلان وش هذا يا عياال اتقوا الله فينا الصبر قاعد يرووح
لكن ما ابي اصير بجيح و اشكركم على هذا المنتدى لانه افضل من تويتر اللي غاث ابو العالم بمشاكله اللي ما تخلص
ابي تقييمات تقومني عشر سنين قدام
ابهجو اخوكم المسلم هذا
جد قد ايش التقييمات مفرحااات مره
يعني زي التويتر قلب
و يوتيوب يجون يكتبون تحت الله يوفق اللي يعطيني لايك
انا اقولكم فجروووووها لايكات :MonTaseR_110:
اااااااول لااايك فجرهاا
احس اني عرفت المقيم بس ماني قايل لكم عشان تموتوون قههر
اذا وصل 20 لايك اقولكم من :Bromista:
ههههههههههههه
توني تذكررت شيء
فيه ناس بعد ساعه ونص تقريبا بيقومون تدرون ليه الباص ينتظرهم براا :MonTaseR_187:
ياااارب لا تبلانا
الحمدلله اني ماني وغد والله اكبر نعمه بنام بعد شوي و اسمع موسيقى البواري تبون تعرفون وش البواري بعدين اقولكم اذا تذكرت
لا تروحون تبحثون في قوقل ولا يوتيوب هذي خاصه في الجوكرر
ورااه زوار 2 ابي ناس حيين
بشوف مدونات البشر و ناخذ لفة و خبره يمكني غلطان
فييه مشكله وراه معلق كذاا !!
يعني اطلع من مدونتي القى واحد تقييم فوق انط عليه مبسوط يطلع مافيه شيء
وراه يونسني عقبه يهون ؟
الحين شلون تروح عضو جديد ماهيب حلوه والله مابيها
عندي سالفة للبيع تبونها ؟
ترا صعب التأليف
وش بوووه ذا شادن حيله علي انا بس علقت على تعليق سخيف منه بس و صار يبي يدعسني خير يابوي وين حنا فيه ترانا ما حنا بجبل تنطخ و تمشي
امش لا ادعسك هنا و اخليك عبرة لغيرك
ما ودي ادعسك مو عشانك خوفا ع عشرة نفر ينقرضون والله
انا اعطيكم من الاخر
انا اسف لان ما عندي الا الكذب :MonTaseR_163:
صرت عضو فعال والله اني سناااايدي
كفو علي والله بطل انا اذا حطيت شيء براسي اسووويه رغم عن انف بعض الناس
الوكاد قلتها مابيه هالعضو الجديد صرت فعاال :MonTaseR_196:
الخوي اللي جنبي
وشدعوى يااامعوود ما بقى الا انت يوظفك يا اخر حبه يالمنقرض ما ينلام عشرة نفر خايف ينقررض
حطووه في المتحف الحيواني في الجيزه والله توا بحثت عنه :MonTaseR_163:
ترا الحيوانات النادره في ذا المتحف بالدور الثاني ترا للي يبي يروح
المنقرضه مدري وين اسالو اللي يشتغلون يعلمونكم ان شاء الله
لا رحتو قولو من طرف الجوكر يعطونكم 5 نجوم :MonTaseR_43:
الساعه 5 و نص اللحين يقومون الوغاد
تتوقعون لو صرت ممثل وش بصير ؟؟
مجااانيين بحب الاهلي مجااانين :MonTaseR_96::MonTaseR_171:
تدرون ليه اسولف معكم كذا ؟
عشان تردون علي بالتقييم بس ماش لازم خطة ثانيه بفكر بعدين اقولكم بس ذكروني بالتقييم
الرجاء من الزوار الكرام التسجيل ثم التقييم شاكرين لكم رحلة ممتعة :ah11:
ابي احتسي بس مدري شقول اقترحوا علي هناك بالنجمه فوق
جبت طريقة سههله حتى الزوار يمديكم تحشون فيني
ادخلو الرابط :MonTaseR_197:
https://Jokerr4.Sarahah.com
الى ابنائنا وبناتنا الطلاب اتمنى لكم دروس موفقه باذن الله
اذكروني بدعوة
الحين الساعي البريد وش وظيفته هنا في المنتدى ؟
سآنآم وترسل روحي للسمآء
فآن كتب آلله لهآ آن تعود
فتسجدونني
وآن آمر ربي بقبضهآ
فحللوني
اعجبني فاقتبسته احتاج دعواتكم في ظهر الغيب مع السلامه
ياشينك وانت ما تعرف انقليزي
يارب الللهجة السعوديهه تصير لهجة العالم
يا ذا الوغد لاحقني حتى بالتقييم اتق الله يا شيخ
وغدان اخر زمن والله
اقترحوا علي اسماء بساس ابي اسمي اللي عندي طفشت لاني مسميهم كلهم اسم واحد البنات دعبوسة و العيال دعباس و جمعهم دعابيس لان عندي الام و الابو اضن انه ابوهم مدري لكن لونه مره مو زيهم شكله مو هو المهم و المراة ذي دعبوسه جاها ثلاث وغدان 2 عيال 1 بنت سميت العيال دعباس و دعباس زي ابوهم و البنت دعبوسه زي امها ف اقترحوا اثابكم الله .
فييه واحد زعلان وش عنده
يا الدلخ يا وغد وش بكك يا الخفيف
بعطيك درس مبسط لانك منقرض
كلمة وغد من المصطلحات الشمالية و اتوقع القصمان يقولونها بعد
الوغد نحطها عند اي بزر موجود على بقاع الارض :xss:
و شكرا
سبحان الله دارت الدنيا بسرعه
انا مؤمن ان الدنيا دوارة بس بهالسرعه !!
امس فيه مخلوق يكاد ان ينقرض كان يتشمت اني اشحذ لايكاات الوكاد انه يتشحذ الحين شف شف دعوتي وصلته الحمدلله دائما و ابدا
هذا درس ثاني لليوم لا تتشمت لانك بتاكل نفس اللي كلاه هو و شكرا
:MonTaseR_57:
اتحداكم تعرفون ليه ضحككت ؟ :9:
هههههه وش عنده الخوي تطوع اللهم ثبته و ثبتني
هلا والله ب اقحوان تو ما نورت المدونه :وحده مون:
درسنا الثالث اليوم
الى طلابنا و طالباتنا ناموا بدري بكرا الاثنين دراسه و بعد تسحروا عشان تصومون
والله لو اقدر اعطي الزوار شاهي و حليب مع بسكوت الاحمر ذاك كان عطييت
اتمنى من الاخوة الكرام عدم زيارتهم للملف الشخصي بسبب احتوائه شيئا لا يسر العين
^
عشان كذا ضحكت
يالله قلت لكم هالمرة بدون لا تقيموونن
فيه احد عنده تفسير منطقي لييه حرر كذا
مدري شفيني احترر في الليل
ابي احد داخل علوم يفسر لي ذي النظريه ترا مو لازم تقييم ارسلي خاص او نزلها مدونتك و علمني يعني نشوف خبرتكم شوي
انا اقول و العلم عند الله فيه بحر عندنا بالرياض بس مدري وينه انا قايل من زمان لزوم ندور عليه يالربع والله الجو يصير رطوبه لازم اكسجين معكك
واذا اكتشفته ما بيدخله الا انا و الدعابيس باذن الله
والمنقرض بعد بدخله معي عشان اعلمة كيف الهياط :MonTaseR_186:
والله اني احتسي وااجد ادعو الحين اني القى وظيفة وتفتكون
لا يحبيبي تبي توظفني عشان تفتك مني امعصيي :MonTaseR_194:
دايم يقولون في ثلث الليل تقول كل شيء بقلبلك
طيب السؤال يقول وراه ما بووه سوالف عندي
في النهايه ما تعرفوني ابي اسولف و اطلع اللي بقلبي
:MonTaseR_127:
حرام اسولف ولا احتسي عن دعابيسي
كيف تقابلت انا و دعبوسة ؟
بقول نبذه بسيطه عني انا سبق وجني بساس و المصيبه مو هنا المصيبه ان ما يلقني الا الحريم و تعرفون يخلفن و وغدانها يقروشن والله ف اوديهن عند الحديقة و المصيبه بعد انهن شيرازيات 3 جني تقريبا كلهن ربيتهم سنه و عليها و وديتهن هن و عيالهن بعد ما كبروا المهم نرجع للسالفه هالدعبوسه امها جابتها في بيتنا في الحوش ورى الخيمه و امهم عندها نقص او شيء المهم بها بلا الوكاد جابت اثنين كلهم بنات وحده منهن ما تكبر عندها نقص نمو اتوقع لان دغيتها بالحليب ولا فيه فايده و نظفتها و نومتها بس ماش
المهم و دعبوسه عيونه طايحات تحت يعني اذا تبي تشوفك ترفع راسها ههههه
ف ربيتهم شهر و ماتت اختها اللي عندها نقص نمو و اللي صامله و دبيبه ما شاء الله وهل يخفى القمر و متمسكة بالحيااة دعبوسة
الوكاد امهم هربت و تركتهم حطيتهم كلهم بالحوش و خليت امهم حولهم جات عندهم و سحبت و من هنا قلت قسما ما تشوفين بناتك و الى اليوم و انا اشوف امهم و اطردها
لانها قليله خاتمه كيف تترك عيالها كذا و اذا كانو تعبانين وين المشكله مافيه احلى من دعبوسه
تبون تعرفون كيف جاني دعباس ؟؟
بما ان الاخ المجاوور قال انه بيعرف التكمله ما عاد بوه سالفة دعبااس عشان ينقهر اذا انقهر بقول سالفه دعباس :MonTaseR_85:
ابي اعطي درس
انتظرو علي بدور لي درس و الخصه لكم
هههه عطاكم درس هو يقول الحر يضمي :Kq600697:
قل قسسسم
صح نسيت اقولكم موسيقى البواري
قصدي وانا نايم اسمع بواري الباصات من جمال هالصوت صرت اقول عنه موسيقى
ادري بايخه بس خلاص طولت وانا اشوقكم
ابي اعرف من ماسك المسدس على راسي ويقولي اكتب في المدونه ولا بتموت بعد شوي
تخيلو فيه واحد زي ما قلت ماسك مسدس على راسك و يقول سولف كنه مافيه شيء وش تكتبوون كيف تعلم الناس ان بووه بلا هههههههههه
ذي السالفه للحين بمخي
شوفوا اذا انحشرت و نشب لي واحد بمسدسه برسل ذا الفيس :MonTaseR_181:وانتم افهموا عاد و ادعولي وقتها لاني بصير قااتل
ياخي الجاثوم هو صدق جني يمسكك ولا الاعضاء نايمه !
الجن وما ادراك ما الجن يخرشوون والله
بس جد هو فيه قبلهم الحن و الخن وهم تذابحوا مع الجن و عقبه الجن اختفوا و جينا حنا و دي اشوف اللي قبل الخن و الحن بعد منهم بعدد
وودي اروح الفضاء يعني
المهم شوي و اكمل سالفة الطيب دعباس اذا لم يغلبني النوم
هههههههه الحين الوغدان او البزران اللي هو المهم بيروحون للمدرسة يارب لا تبلانا
دعباس النشبة
شلون تعرفت عليه كان يمكن عمره شهر و نص او شهرين اكبر من دعبوسه بشهور
الوكاد شلون تعرفت عليه ابد والله فتحت الباب و دخخل و كان صغير و عجزت لا امسكة شاف دعبوسة و حسيت انهم ممكن يصيرون اخوان و يتونسون و يتعللون
ف دخل و خليته معها و ربيته يوم كبرو صار ذيله طويييل و منفوش بس ذيله شكله نص شيرازي
و بس
القصة الجايه ان شاء الله ان كنت حي
بعلمكم كيف كافحت دعبوسه انها ما تطلع من البيت في شهرهم المخيس عشان ما تجيب وغدان و ابتلش فيهم بس منك لله يا دعبووسه جابت 3 موب واحد المهم بعدين احتسي بالسالفة ذي .
والله حركات صرت عضو نشييط عقبال vip
الساعه 6 باقي نص ساعه على الطابووور
يلي تقرأ اعطني دعوة بظهر غيب
حب الذات حيوان غريب، يستطيع النوم تحت أقسى الضربات، ثم إنه يستيقظ وقد جرح حتى الموت بخدش بسيط
اقتباس غير جيد ما فهممت بدور شيء ثاني
الشاب يشفى بالنوم والعجوز ينتهي بالنوم.
^
ليييش وشدعوى اقتباسات مخيسه او انا ابي احاارش
الشاب يشفى بالنوم والعجوز ينتهي بالنوم.
^
ليييش وشدعوى اقتباسات مخيسه او انا ابي احاارش
والله النت يرفع الضغط فصل علي وانا بدور اقتباسات و سحبت عليكم ما عليه بكرا اضبطكم و بعد مكرر على الاقل خلونن اعدل كذا كني ببغاء :298:
ايه وشدعوى العجوز ينتهي بالموت وش قصدده حسبي الله عليه بكرا حنا نشيب و بيقصدناا
الحين اللي يقمونن تطلع اسماؤهم صح انا كنت ادري بس الحين متاكد اني كنت ادري لاني شفت ذاك المخلوق و ضاقت فيني الوسيعه ولا عاد ابيه يقيمني الجار وش الحل :MonTaseR_166:
ورااه المنتدى يعلق ويفضحني زي كذا يكرر في موضوع هاجسي ف 4 ردوود وش اصرف فييها حسبي الله عليك طيب قلي معلق لا تصير ببغاء موب كذا جاي اتهاوش و عقبه انفضح ما عاد ادخل ذاك القسم
سبحااااان الله امس نمت بدري و لا كنت صايم و قمت 8 الليل يعني مصحصح
و اليوم نمت 7 و نص و حولها و صايم و الحين قمت لييه فيه تفسير ولا بي جني
بروح اشوف تويتر اذا فيه احداث وعقبه بجي اسواف هنا
حسيييت بخموول شكل الوظيفه حولنا ان شاء الله
صحح رحتت تويتر مامن سوالف
جد عندي سؤال وراه اكل البوفيات عند الحي احلى بكثييير من المطاعم الفخمه
واحلى شيء لا شافو البوفيه قالو وسخين
يا فينا بلا يا طعم الوساخه حلوو
الحين وساخة ولا وصاخة
ان قلت وساخة اذكرهم يقولون لي ياي يالكياته
وان قلت وصاخة قالو وش الدفاشة مالقينا لكم حل العتب علي يوم اني اعطيكم وجه و احسب كلامكم الف حسااب امشوووا
اعزائنا القراء في مدونة الجوكرر هنا اليوم في جعبتنا الكثير لنتحدث عنه حلقة اليوم العوودة الى الطفولة البريئة .
اذكر كنت اتابع سالي و اذا جت لحظة يعلمونها ان ابوها مات اغمض عيوني لاني ادري بحززن مليون مره شفته
و عشق لا متناهي يوم يجيبون لها طاولة طعام جيرانهم والله اني كنت احبهم
و ريمي تمنيت اكوون واحد منهم و ادق كاسبر الوغد
احسهم رخووم كلكم دقووه والله من كثره لو كلهم تجمعو عليه و الكلب و القرد والله انه يتووب و يوكلهم مجانا
بس يوم صارت غنيه تحس ودك تحتفل معهم يوم خذتهم كلهم بطلللة ما تنسى الجمييل ليتها خذتني معهم .
وفيه هذلكم ابطال الكراتيه مدري تكواند اللي يلبسون ابيض و يحطون شريططه على بطنه المهم كانو على قناة اماراتيه ناسيها والله
و اذكر هاله بعد في قناة اماراتيه هاله و عندها حيوان مدري وش هو بس كان فللة الكرتون
اتوقع انهم كشافه مره ناسيهم موب حييل اذكرهم
واذكر كابتن رابح اللي ما خسر ولا مره هههههه
ولا الملعب اللي عيو ياصلون للمرمى من كبره
احلى ما فيه انه لاعب عربي مغربي اتوقع مدري هو بس بالدبلجه كذا بس كنت محزن عليه يوم عرفت انه يتيم و قاعد عند عمته
مدري انتو زيي او لا كنت خاق على ام شعر قصير موب كاترين اتوقع اسمها انّا احب البنت الزاحفه
و كونان مدري كيف مشت علينا ينوم توقوموري السؤال يقول وراه محد كشف انه نايم على الاقل هو وراه ما يسال وش فيني ما قد حضرتهم و هن يمسكون المجرم كله نايم
تخيل تقوم من النوم تلقى نفسك مشهوور هههههه
السؤال الاكبر كييف حط صوت توقوموري في الجهاز وصار يتكلم من صوته !!هههههه
انصدمت يوم عرفت انه للحين ينزله حلقات
و اكيد فيه واجد بس طفشت من ذا الفقرة
نرجعلها بعدين اذا حجت البقرة
ياااخوي نبي دردشه سواالف افتحوا موضوع زي كذا موب لعب بسس
ابي اتعرف على اعضاء المنتدى لزووم مجلس سوااالف ابيي احتسي و واحد يرد علي و اتهاوش معه و اطلع ضغط اليوم كله علييه
فكوووني ابي اتهااوش حتى الجار ماعاد له حس عقب التنبيه الله يصلحكك يا اقحوان :(
تقييمك لي عن الللللف تقييم يا المنقررض
كييفكم مع الحر متى بيجي الشتااء يالربع ابي اتلحفف بالبطانيه و اتمشى في البيت
ابي اصير ابو مثاالي لاني دايم اسحب على دعابيسي ف هذا يخليني اصير ابو غير جيد في المستقبل البعيد
شوفو كيف تطورت بالاسامي و الله كنت اسمي البساس اللي يجنا اسامي اوادم
جتنا بسه و ربيناها سميناها هيجاء
و عقبه جابت 3 وغدان سميناهم عويد و عايد و عيد بدون ما نعرف جنسهم
و عقبه راحو ذولا جتنا بسه سميناها معياض يوم نحسبها ولد و عقبه سميناها عيضه تدرون ليه لانها لا جت تشرب تعيض
و بعدين بدت قصة الدعابيس .
انتظروا مع التطور وش بيصير العلم عند الله
vBulletin® , Copyright ©2000-2024,