المساعد الشخصي الرقمي

مشاهدة النسخة كاملة : / هل الأمومة صعبة ولا أنا كسولة


حكايا الحب
09-09-19, 02:05 AM
 



السلام عليكم جميعا


بنات سؤال للي عندها اكثر من طفل


هل الأمومة صعبه ؟؟؟
هل تحسين ان الأمومة حمل ثقيل؟؟
ها جاك شعور بيوم من الأيام انك حملتي نفسك فوق طاقتها بانك جبتي عيال؟؟
بقولكم ايش مناسبة هالكلام
اليوم اتفرج على برنامج بريطاني من برامج الواقع
المهم الأم جايبة ١٧ طفل وتبي تجيب الين ٢١ طفل
المهم ان اكبر بناتها حامل وهي حامل معها
يعني الأم والبنت حوامل بنفس الشهر
والأب يعمل بمخبز يعني وضع عادي لا عندها مربية ولا خادمه ولا احد يساعدها نهائي


أنا عندي بس اثنين وكلهم كبار ومراهقين
اعد .... اعد ...... الأيام متى يكبرون ويستقلون
احس المسوليه والأمومة جدا صعبة
لدرجة اني اعرف انهم قاعدين كم ساعه على الايباد بس
ما ابي اناقشهم
احس مافيني طاقة نهائي لعوار الرأس والملاهد
اطلب الواحد يقوم يذاكر مره مرتين
ماقام مع نفسه أحسه استهلك طاقتي
احس الأمومة صعبه جدا جدا
وأكثر شي استهلكني نفسيا
الشعور بالذنب
اني ممكن ادفهم اكثر عشان يتقدمو
يجيني شعور ان مو كل الناس تستمتع بدور الأم
الحمدالله الله يخلي لنا عيالنا ويحفظهم
بس احس اني ما انفع نهاىي لدور الأم
السؤال مين عندها ها الإحساس غيري
والأمهات السنعات المربيات
اقول لاهلي اذا اتزوجت اجيب 3 بالكثير
عماتي وخوالى 8 او9 وكثر واحسهم فيهم طاقه والله اعظيم
شلون ذا كلها سبحان الله
امانه عطونا من نصايحكم من وين تجيبون طاقة تقابلون وتربون
هل هو روتين معين تسوونه ولا تنظيم

ملامح فرح
09-10-19, 05:07 AM
انا ام لثلاثة اطفال
بنت و ولدين
البنات الكلام القاسي يأثر عليهم بس الاولاد نادر في مرحلة مبكره
من تجربه اكبر عيالي جربت معه من البداية اني اخطها موضع مسئولية رغم انتي تزوجت بعمر 18
طلعت البنت مسئوله جدا و محافظة و طيبه و خدومه

الولد ما يتهدد هذا الكلام فهمني اياه ولدي نفسه قد ما اهدد و اضرب يصير اقوى ادركت متأخر انه رجل غصب عني ما يتهدد يتسايس زيه زي اي رجل بالغ
الرجال واجهيه مثلا سالفة الدراسه عندي نظام ما اطلبه يذاكر مستحيل ما اقول له قوم بس امر عليه اقول بكرة تجلس جنبي لا وظيفة و لا مستقبل لا تقوم خلك :Bromista: و الله الحين ثاني متوسط يرجع يخل واجباته بعد الدوام على طول و يذاكر من نفسه

فدام عيالك كبار بطلي تجاهلي شعورك قم عشان تنجح لا اسمعي كلام الدكتور جاسم المطوع عن المراهقين
خليه يحسس انك طفشتي منه طنشي خليه يواجه نتايج افعاله ينضرب ينضحك عليه يفشل هو لانك تدفعينه ما اعطيتيه فرصه ينلسع من سوء تدبيره لاموره
هذي حركة عندي ههههه اعتمد اسويها اذا طلبت الواحد شي و طنشني و تجاهلني متعمد ثلاث مرات اقوم اسويه
بس بالمقابل لما يصير عنده طلب مهم و يبغاه ضروري اسوي نفسي ميته امي تكفين لا لا انت ما تسمعني ليش اسمعك ليش طلبات لازم لها تم و انا لا راسي براسك :ههه:



خلااااصة الهرج
المرااهق قاعد يكتشف نفسه و يقلب خياراته يشوف نفسه انه خرج من الطفولة و طبعا محيطه و المدرسة و الشارع كلها توريه زوايا اوسع من زاويتك لذلك دفعك له بقوة و اصرار يزيد عناده خليك مرنه لا تكن قاسيا فتكسر و لا لينا فتعصر

و عليك بالدعاء لهم ايااااك تدعين عليهم استغفري لهم

اسأل الله الذي فلق البحر لموسى ان يسخر لك ابنائك و يرزقك لذة برهم و لا يحرمك رضاك عليهم يا رب يا كريم

مرجانة
09-10-19, 05:17 AM
التربية تحتاج صبر و صبر و صبر ..
أكذب عليك لو قلت لك ما سبق راودني هالاحساس

لكن أنا أصنف نفسي إن ظروفي مو عادية لذلك طبيعي يراودني هالشعور
عموماً برضو طبيعة الاولاد له دور

يعني في اطفال ما يتعبون و في اطفال يتعبون

و بالأخير اولادنا يستاهلون هالتعب
و الأم ما جعلت الجنة تحت اقدامها عبث

يعني كل شي تقدمينه لاولادك احتسبي فيه الاجر
و تذكري انهم راح يكبرون و بيصادقونك و يخاوونك

ربي يقدرنا على تربيتهم التربية السليمة


SEO by vBSEO 3.6.1