ابي حل وتفسير لحركاتها

[للبحر اسرار]

السلام عليكم ورحمه الله
اول موضوعي يخصني اطرحه هنا وان شاء الله الاقي منكم حل وتفسير وجواب
انا ادرس ف الجامعه وسنه واتخرج تمام ومجتهده مره الحمد لله من المتفوقات ومتدينه وهاديه ومرحه وصداقاتي كثير .. بس فيه بنت من بدايه الترم الاول تراقبني كثير وين مااروح مااعرفها ولا قد كلمتها ولاهي من قاعتنا او المستوى مااهتميت قلت يمكن مشبه علي او مضيعه وطنشششت على السنه الثانيه صارت ف الكلاس تبعي وداايم تجي جنبي او اذا مالقت مكان تكون بالخلف والاحظ من طرف عيني بس تناظرر ماشلت عينها اكثرر من مره بيني وبينكم خفت من نظراتها قلت لا هذي فيها شيء يمكن تعرفني زمان وانا ناسيه او تأذت مني بدون قصد او ..او..بس وجها غريب علي وبيني وبينكم مارتحت لهاا ابدااا نغزني قلبي سبحان الله المهم مع الايام هي حاولت تصادقني بشتى الطرق مرات تبي تدخل معي ف المجموعه ف عمل مشروع او تقرب تبي تحكي معي وتتبسم او او .. يعني تبي تحتك معي بأي طريقه ..ياناس والله ماارتحت ل هالادميه ف ماابي اصادقها موب غصب احرجتني قدام البنات بنظراتها لدرجه بنات الكلاس وصديقاتي الشله الي معاي يقولون تعرفينها! لبسها سبورت ولها شعبيه وشللها كثثير وصديقاتها يناظروني فيني نظرات غريبه وين مااروح ومره من المرات كانت الدكتوره تشرح وكانت هي قبالي بس تناظر طولت الاخت والاستاذه حست وقامت تسألها سؤال عن المحاظره بشكل مفاجى تبيها تحس على دمها تلبكت وجاوبت قالت الاستاذه يافلانه انتبهي معانامره ثانيه ..احس تصرفاتها مو تصرفات انسان عاقل ..وكذا مره تسوي الحركه هذي انا صديتها كثيرر مااعطيتها مجال من البدايه اساسا بس هي ماتفهم الا تبي تصادق وليش انا بالذات ! فيه بنات كثير تقدر تصادقهم ماجت الا علي! كنت ادعي ربي يجنها عني ويكفيني شرها اذا كان فيها شر لاني ابدا مارتحت الها المهم مع الايام ماصرت تجي لمحاظراتها الي انا فيها ابدا واذا شافتي تهرب وتطلع من المكان الي انا فيه بعصبيه ..ارتحت والله فكه استغفر الله بس مازالت تراقبني من بعيد واذا طاحت عيني بعينها تلف بسرعه وصديقاتها يراقبوني كثيير كني مسويه جريمه ليش مادري!! ..انا والله خايفه الله يستر منهم 😭 توقعون وش تبي او وش تدل عليه تصرفاتها!؟ قد واجهتو احد ف الحياه زي كذا ؟
وش الطريقه الافضل لحتى تبعد عني ابد لامراقبه ولا غيره ؟! لان نظراتها مسبب ازمه لي ضايقتني صراحه
والله لادعي لكل وحده تفيدني طمنوني

[M.ahmad]

روحي عندها وقولي لها بكل جراءه (( وش معك قاعده تناظريني وتتابعيني بإستمرار ؟ ))

ولكن حاولي تقتنصي الوقت المناسب الذي تكون فيه مع صديقاتها حتى تفهمي منها او من صديقاتها إجابه صريحه وواضحة توقف مشكلتكم

وبهذي الطريقه ستقطعين الشك باليقين وتكوني أنتي وهي في صورة واحده وأمام أمر واقع يا تصادقون بعض أو يا تفترقون عن بعض .

[سحاابة عطر]

من حركاتها هي وصديقااتها اببعدي عنها. احسها انساانه. شااذه وضعها مو طبيعي ابد كثيير بناتت نفسس طبعها يبغون اعجاب وصداقة حبيني واحبك عافانا الله. ومن حركااتها لما شافتك ما عطيتها وجه وتطلع بعصببيه تبغى تلفت انتباهك وتركضين وراها تسوي نفسها مو مهتمه بس صديقاتها تركيزهم عليك ويمكن هي مسويه الحركه هذي عشان نتبيهن لها

انتبهي من هالاشكال سووي نفسسك مو يممهم ابد لا تناظرين فيهم كانهم مو موجودين. ولا تتكلمين ولا تتحكين معاهم لاهي ولا صديقاتها رووحي. مع نااس طبيعيه مثلك العالم هذي ابتعدي عنها صحبيتهم فوق أنهم مو صاحين تجر المشاكل لك ابعدي عنهم بالمره

[مرجانة]

مثل ما قال المدير
او طنشيها و حقريها بزيادة

الان هي صارت تتجنبك
شوي شوي و تهون ما تراقبك

[الحر الأشقر]

يمكن معجبه بشخصيتك وتبي تزبطك وتخطبك لاخوهااا


الـزبدة
امسكيها من شوشتها وقل شفيك تقزين وتعلمك

[العـ(احمد)ـالمي]

هذي واضح انها معجبة فيك وعندها شذوذ
وبتحاول تصادقك باي طريقة ويمكن بعد تستعمل مخدرات
لذلك ابتعدي عنها كلش ولا تعطيها وجه
ربي يحفظك

[صعفق طاش كندي]

هههههههههه

ابعدي عنها ولاتحاولين تفكين معها اي حوار

هذي نيتها شينه

والله يحماك من هالاشكال

[غير مهتم]

وين ذي جامعه ؟!

[للبحر اسرار]

من حركاتها هي وصديقااتها اببعدي عنها. احسها انساانه. شااذه وضعها مو طبيعي ابد كثيير بناتت نفسس طبعها يبغون اعجاب وصداقة حبيني واحبك عافانا الله. ومن حركااتها لما شافتك ما عطيتها وجه وتطلع بعصببيه تبغى تلفت انتباهك وتركضين وراها تسوي نفسها مو مهتمه بس صديقاتها تركيزهم عليك ويمكن هي مسويه الحركه هذي عشان نتبيهن لها

انتبهي من هالاشكال سووي نفسسك مو يممهم ابد لا تناظرين فيهم كانهم مو موجودين. ولا تتكلمين ولا تتحكين معاهم لاهي ولا صديقاتها رووحي. مع نااس طبيعيه مثلك العالم هذي ابتعدي عنها صحبيتهم فوق أنهم مو صاحين تجر المشاكل لك ابعدي عنهم بالمره


كلامك خوفني معقوله فيه بنات كذا!! ياربي الدنيا وش صار فيها انا الي اعرفه الاعجاب يكون بين الولد والبنت
هذي وراها شيء وشكلها مدزوزه من احد اجل 3سنوات تراقبني !
الله يكفيني شرها

[للبحر اسرار]

هههههههههه

ابعدي عنها ولاتحاولين تفكين معها اي حوار

هذي نيتها شينه

والله يحماك من هالاشكال

امين
بس ليش الضحك الموضوع مايضحك لهدرجه !

[للبحر اسرار]

وين ذي جامعه ؟!

ايه ..شكلك ماقريت وش انا كاتبه بالاول!

[شطرنج]

اذا كانت صديقاتها بنفس اسلوبها
(فهي انثى سلعتها رفاهية رخيصة )التربية سيئة
اما اذا كانت البنت صامته وشخصيتها غير مستقلة وضعيفه
فهي ترى فيك المثل الاعلى

اما بنسبة لشعور الريبة الذي شعرتي به
فكل شعور غريب لا يعني انه شر
فبعض الخير بدايته غريبه
فالرسول صلى الله عليه السلام
حينما نزل عليه الوحي
ذهب لخديجه وقال لها دثورني
المهم
( الموضوع شاغل بالك يا اما تواجهيه او تنسيه مثلما قال الأعضاء )

[سافانا]

ببساطه
انتي وهم تتبادلون النظرات
وكل طرف يعتقد ان الطرف الأخر
مهتم بطريقه ما بالأخر

وانتي وهم ايضاً تحتفظو بصور المواقف وتغذو بها مخيلاتكم
وبطريقه لا شعوريه
اصبح الموضوع صراع يومي مع مواقف لربما انها عفويه

لا تشغلي تفكيرك ولا تنظري لشئ يربك كيانك
بما انها لم تتعرض لك بسؤ
لا تتبادلي النظرات بالنظرات
انتي ايضاً مشتركه في ارباكهم
وربما انهم يفكرون مثلما انتي تفكرين
وربما ايضاً ان نظراتك تزعجهم

انتي شريكه في الموضوع إذا استمريتي في مراقبتهم وتحليل تصرفاتهم

بكل بساطه كفي بصرك وريحي وارتاحي من وهم الإسترسال في تحليل ادق تفاصيل تحركاتهم

[احمدتحمد]

حررت المشاركة لمخالفة القوانين

[للبحر اسرار]

ببساطه
انتي وهم تتبادلون النظرات
وكل طرف يعتقد ان الطرف الأخر
مهتم بطريقه ما بالأخر

وانتي وهم ايضاً تحتفظو بصور المواقف وتغذو بها مخيلاتكم
وبطريقه لا شعوريه
اصبح الموضوع صراع يومي مع مواقف لربما انها عفويه

لا تشغلي تفكيرك ولا تنظري لشئ يربك كيانك
بما انها لم تتعرض لك بسؤ
لا تتبادلي النظرات بالنظرات
انتي ايضاً مشتركه في ارباكهم
وربما انهم يفكرون مثلما انتي تفكرين
وربما ايضاً ان نظراتك تزعجهم

انتي شريكه في الموضوع إذا استمريتي في مراقبتهم وتحليل تصرفاتهم

بكل بساطه كفي بصرك وريحي وارتاحي من وهم الإسترسال في تحليل ادق تفاصيل تحركاتهم

عزيزتي من قالك اني ابادلهم النظرات وشريكه معهم ومهتمه ومدري ايش!انا مبادلتهم نظرات ولا واحد بالميه لامراقبه ولاغيره كااافه بصري عنهم ومتجاهله ومطنششه لكن الي حولي وصديقاتي والي ف القاعه لاحظو هذا الشيء وقامو يسألوني تعتقدين انا اتوهم !!!!
الحين خليتيهم وحطيتي كل اللوم علي واني انا المخطيه وازعجتهم بنظراتي !
على العموم انتي حللتي الموقف غلط وجهه نظرك لكن مااسمح لك تتهميني بشيء ماشفتيه بعينك وتتحللين فيني ع كيفك!! ستوب✋🏻
يشهد الله ماسويت اي شيء من الي قلتيه انا مسالمه وف حالي مااحب احتك فيهم ولا اناظرهم ..اجل ليش انا جايه وفاتحه الموضوع ؟؟مو ابي حل وافتك من هالادميه والي معاها

[غير مهتم]

وش فيها لو تناظر لك ؟!

اذا تعطيك نظارات طوال الوقت عادي دامها ما غلطت عليك او سبتك

نفرض انها معجبه سلوبك او حبت تكون صدقتك مو عارفه كيف تقولها

مو شرط تفكير يروح بعيد اذا عندك فضول ليه تنتظرك تكلمي معها شوفي وش تبي

واضح انها شغلت تفكير جدا الدرجه كتبتي الموضوع هذا
انتي كبيره ع ما أظن مرات عليك الأشياء ذي

[غير مهتم]

اذا كانت صديقاتها بنفس اسلوبها
(فهي انثى سلعتها رفاهية رخيصة )التربية سيئة
اما اذا كانت البنت صامته وشخصيتها غير مستقلة وضعيفه
فهي ترى فيك المثل الاعلى

اما بنسبة لشعور الريبة الذي شعرتي به
فكل شعور غريب لا يعني انه شر
فبعض الخير بدايته غريبه
فالرسول صلى الله عليه السلام
حينما نزل عليه الوحي
ذهب لخديجه وقال لها دثورني
المهم
( الموضوع شاغل بالك يا اما تواجهيه او تنسيه مثلما قال الأعضاء )


اول شي مو شرط صديقتها تكون نفس سلوبها

اذا صديقك. وسخ. تصير انت وسخ زيه ثانيه اذا فيكم نفس الطبع. يكون تفكير مختلف

شي الثاني وش كلام رخيصه مدري ايس ترا كلها نظرات. ثالث الا تدخل الأهل في تربيه

اهنئك ع تفكير ؟!

[أقحوان]

اذكر حين كنت في الثانوية حدث لي نفس الشيء
لكن مع معلمة ما تدرس فصلنا
واستمر الوضع، فرحت سألتها
واجابتني اني اذكرها بشخص قديم فارق الحياة
وللحين انا وياها ع تواصل وسؤال
،.....
الخلاصة
التمسي لها سبعين عذراً
لربما كنت تشبهين احد اشخاصها الراحلين
او انها معجبة بشخصبتك وتريد ان تصادقك
اما ان تواجهيها وتسكتي شكوكك
او تصمتي وتبقي بحيرتك دون اي ظن منك!

احذري اختي من ظن السوء
...
الله يهديك لما فيه الخير

[شطرنج]

اول شي مو شرط صديقتها تكون نفس سلوبها

اذا صديقك. وسخ. تصير انت وسخ زيه ثانيه اذا فيكم نفس الطبع. يكون تفكير مختلف

شي الثاني وش كلام رخيصه مدري ايس ترا كلها نظرات. ثالث الا تدخل الأهل في تربيه

اهنئك ع تفكير ؟!


اهلا فيك غير مهتم
علاقة الصداقة بشكل عام
تكوين فكرة عن الشخصية
فتتجاذب الصفات المشتركة
سواء ايجابيه او سلبيه

قال الرسول
(المرء على دين خليله فلينظر احدكم من يخالل)
الانسان بطبعه يميل لمن يعكس مرآة نفسه
اما التربية
اهم مرحلة فيها (ما بين ميلاد الطفولة الى سن 15 سنة)
كل ما يحمله الاب والام من صفاته تتجلى في هذه المرحلة
وبعد سن 15 تبدأ عملية تصفيه الصقل على حسب الوعي
فيبدأ الشخص في الاستقلال بقناعاته الشخصيه
اما ماذا اعني بسلعه رخيصه فأنه احتمال وليس بلصق الصفة بالفتاة
مقصدي فيه (الطبقه المتحررة عشوائيا لا يمتلكون معنى لحياتهم يتسابقون لموضة العصر )

ولكن اؤيد الخير في الفتاة
لو كانت نواياها سيئة لما تقربت منها

دمتي بود

[غير مهتم]

البنت ع ما اظن ما سوت شي غير نظارات كل طول راح تفكيرك بعيد

اذا فيها شتراك مشترك عادي ترا اذا تعارف مع بعض كل وحده لها تفكيرها مو شرط فيها نحراف
بعدين ترا بنت مع بنت. وش راح تسوي مثلا؟!

[سافانا]

عزيزتي من قالك اني ابادلهم النظرات وشريكه معهم ومهتمه ومدري ايش!انا مبادلتهم نظرات ولا واحد بالميه لامراقبه ولاغيره كااافه بصري عنهم ومتجاهله ومطنششه لكن الي حولي وصديقاتي والي ف القاعه لاحظو هذا الشيء وقامو يسألوني تعتقدين انا اتوهم !!!!
الحين خليتيهم وحطيتي كل اللوم علي واني انا المخطيه وازعجتهم بنظراتي !
على العموم انتي حللتي الموقف غلط وجهه نظرك لكن مااسمح لك تتهميني بشيء ماشفتيه بعينك وتتحللين فيني ع كيفك!! ستوب✋ï؟½ï؟½
يشهد الله ماسويت اي شيء من الي قلتيه انا مسالمه وف حالي مااحب احتك فيهم ولا اناظرهم ..اجل ليش انا جايه وفاتحه الموضوع ؟؟مو ابي حل وافتك من هالادميه والي معاها





التعصيب لا يليق بالجميلات
هكذا تعلمنا وهكذا نفعل

يا ارق من بتلات الورود
اتمنى ان تعيدي قراءه ردي مره اخرى
ولكن بعد ان تتناولي كوب من عصير البرتقال
و شطيره سلمون بارده لعلها تبرد على قلبك المرهف
عندها ستري ردي بشكل اخر مختلف
لم تريه وانتي متوتره

انا لم اتهمك ولن اتهمك انا احلل ماكتبتي
واعطيك رائي بكل صدق
إذا لم يناسبك تحليلي ولم تجدي ماكنتي تأملي ان تجدي
فهذا لا يعني انه خاطئ ولا يعني ايضاً انه صواب

خذي من كل شئ ما يفيدك ويجعل افقك اوسع

تعدد الأراء تعطيك فرصه للرؤيه بشكل اعمق هذا كل شئ

لاحظي انك ثرتي على ردي وحملتيه مالا يحتمل

نظرتي لردي بنفس الطريقه التي نظرتي لهم بها

راجعي نفسك وحاولي تكوني إيجابيه
في نظرتك للأمور


ما اريد ان قوله كثير وكثييييير جدا
لتحليل طريقتك في التفكير

ولكني اشعر انك متعبه لسبب ما
لذلك ساكتفي بهذا الرد

فأنا مجرد عابره على موضوع وقعت عيني عليه
لا اعرفك وبتالي لا احمل لك ضغينه
فخذي كلماتي من باب حسن الظن
لعل وعسى تستفيدي
ولو شئ بسيط .

[Tell him]

الأخت للبحر أسرار,



قريت قصتك و أظن هناك احتمالات لتفسير الموقف.

- أعتقد أنها تحب أو كانت تحب واحد من عائلتك و لم تستطع الوصول إليه .

وجودك يذكرها فيهو صديقاتها يعلمون بهذا. و يوم طنشها هذا الولد اتعصبت عليك.

- أو أنها مصابة بشذوذ و تريد تتقرب منك. حكت لصديقاتها و راهنوها على ذلك و لما فشلت في الرهان تعصبت عليك.

- أو أنك تشبهين لشخص عزيز عليها فقذته.




أنصحك أن تتركيها تتقرب منك و تجلس جنبك لكي تكسري حاجز الخوف منها

و حين تكونوا لوحدكم إسأليها مباشرة عن ما تلاحظينه منها و بكل هدوء .
لا تحسسيها بخوفك لكي لا تستغله ضدك و تتماذى.


مجرد أن تتكلمي معها سيذهب ذلك الخوف أو جزء كبير منه . أنت خايفة من المجهول.
اتركيها تقرب و تتكلم معك . عندما تعلمين السبب سيتلاشى خوفك.



لن أنصحك بتجاهل الموضوع لأنني أرى أنه قد لعب بأعصابك و لن تهدئي إلا إذا عرفتي السبب.

موفقة

[للبحر اسرار]

يعطيكم العافيه ماقصرتو جميع
اشكركم ربي يسعدكم
والله لايحطكم بذا الموقف يارب