قالو حبيبك

[letk t7s]

الشاعر/متعب التركي المطيري شآعر كبيـــــر من شعراء جيل الثمانينات
التــزم وتوقف عن الشعر لاكن لم يتوقف البحث عن قصائده ولم تتوقف
روعت اشعاره وستمتاعنابماتركه لنا وبتوقفه يعتبر الشعر هو الخاسر






قالوا حبيبك يسمع الشعر قلت أيه
يـقـراه بعـيـونـي قـبــل تسمـعـونـه

لولاه حتـى طـاري الشعـر مـا ابيـه
مير أكتبـه مـن شـان خاطـر عيونـه

هـو روح شعـري وأمنياتـه وماضيـه
جذع الشجر وش كان لـولا غصونـه

اكتـب لغيـره والقصايـد تجـي فـيـه
كــن القصـايـد حالـفـه مـــا تـخـونـه

هـذاك لا منـه زعـل قـمـت أهـاديـه
حتـى وهـو مخطـي تـعـذرت دونــه

يمكن لـو أنـه يلمـس الجـرح بيديـه
يستغرب ان اللـي لمسهـا طعونـه

ابطـى وهـو غـايـب وزلــت حـراويـه
وأنــا مــن الـعــام آتـحــرى مـزونــه

هو مادرى اني فـي غيابـه محاتيـه
ليته نشد عـن حالـي اللـي يجونـه

واقلبـي اللـي تــوه أفـلـت عـراويـه
كيف انسرق وضلوع قلبي حصونـه

عـجـزت أرده كــان مـانــي بـراعـيـه
يوم انتثـر شوقـه وهاضـت شجونـه

يبسـن عروقـي لكـن اللـي يعـزيـه
ان اكـثــر الـعـالــم تــــردد لـحـونــه

خـافـو مــن الله لا تجيـبـون طـاريــه
لا صــرت أنــا مـوجــود لا تـذكـرونـه

لــو كــل غـالـي جـابـه الله لغالـيـه
ما شفت لك مخلوق تبكـي عيونـه






مما راق لي

[خفوق الروح]

اكتـب لغيـره والقصايـد تجـي فـيـه
كــن القصـايـد حالـفـه مـــا تـخـونـه

خـافـو مــن الله لا تجيـبـون طـاريــه
لا صــرت أنــا مـوجــود لا تـذكـرونـه

لــو كــل غـالـي جـابـه الله لغالـيـه
ما شفت لك مخلوق تبكـي عيونـه




الله الله
صح السان شاعرها ولاهنت ع النقل الجميل ..'
بانتظار جديدك ..'

:رحيق:

[letk t7s]

شاكر لك المرور ..

[العـ(احمد)ـالمي]

لــو كــل غـالـي جـابـه الله لغالـيـه
ما شفت لك مخلوق تبكـي عيونـه

هذا بيت عن الف قصيدة بصراحة
قصيدة كل بيت لحاله قصيدة
ليته مااعتزل الشعر ومازال يكتب
تسلم يدك على هذا النقل الفاخر

ودي لك

[مستحيل]

لا هنت على النقل
وصح لسان شاعرها
جزل الشاعر ما فيه كلام

[letk t7s]

كل الشكر لكم ع المرور ..

[قيثارة]

مشكووور ع الانتقاء الجميل
وربي يعطيك العافية