ابي نصيحه☹💔

[حلم عمري]

انا معلمة بمدرسة اهلية وطلبات المدرسة كثيرة لدرجة الى الان صرفت عليهم اغلب الراتب اللي اعطوني والشغل الي مطلوب علي كثير وماني عارفة كيف اقسم وقتي احس كل ماخلصت شي طلع لي شي ولاني قادرة اوفق بين شغلي و البيت واحس اني مهمومه وبس متضايقه وبالي مشغول لدرجة اني بالليل ما انام بسرعه ما ابي يطلع علي الصبح واروح للدوام وش تنصحوني اسوي بليز ابي لو كنتم مكاني وش تعملون مقدر اشكي لاهلي اخاف يتضايقون من ضيقتي ومقدر اتركها و الله انا بحاجة الراتب ولو القى الوظيفه الحكوميه ارتاح ويرتاحون كل اهلي 😭😭

[إحسآس]

حياك الله ..

ياقلبي هاذي مشكلة كل المدارس الاهليه طلبات ماتنتهي
ولكن انتي حاولي قد ماتقدرين تجيبين شي على مقدرتك
مثلا لو طلبوا هدايا للبنات او لوحات ارشاديه او تغيير لوحة الاعلانات
جيبيها من محلات رخيصه ولا تجيبين شي غالي
اما سالفه انك تتركينها وانتي محتاجه لا ما انصحك مره .

وداومي على صلاة الضحى فضلها عظيم ..

والله يرزقنا ويرزقك ياقلبي بالوظيفه الحكومية اللي تغنينا عن القطاع الخاص ..

لك ودي ..

[مستحيل]

المدرسه سواء اهليه او حكوميه ملزمه
بدفع مصاريف طلباتهم
وانتي لست ملزمه بدفع اي مبالغ من راتبك ابدا


بعض المدرسين بالمدارس الخاصه يخافون من لجلجة مدراء المدارس وتهديدهم بالفصل ويخضعون لتلك التهديدات والخوف من القرار


لكن لتعلمي انهم لا يستطيعون فصلك او الاستغناء عن خدماتك الا بسبب حقيقي او اهمال حقيقي ( مهني يعني )

نصيحتي لك لا تصرفي من راتبك شيئا
اخلصي بعملك كمدرسه باستغلال الاشياء المتاحه لك

واحتفظي بمالك لكي فانتي احق به منهم

[M.ahmad]

واضح أنك من النوع الدفيع

مادامك إعتدتي على ذلك فالله يعينك ماراح تستطيعين تجمعين فلوسك لنهاية كل شهر

ولكن إذا كنتي مصره تتغيرين لابد عليك تعتادين على كلمه (( مطفره )) أو (( ماعندي فلوس ))

يعني إذا قيل لك في المدرسه إدفعي قطيه قولي لهم (( كحيانه سددت برابتي ديون كانت علي ))

وخليك من الطيبه الزايده

[الحر الأشقر]

.




اللهً يـرزقك بوظيفةِ حكوميةِ
بسً غلطٍ تكدينً عليهمُ طمعوً فيكك الححينً
راتبكً لك مبً لهمُ
الطيبةِ الزايدةٍ تنقلب ضدككُ

[صعفق طاش كندي]

فيه مثل دايم أردده إذا رحت لشفت أو وظيفه اللي فيها ماناسبوني

إذا لم تستطع الهرب فاستمتع :0005:

عيشي حياتك

وحاولي تتخلصين من التذمر لانه دمار لكل شي

[جرافيتي]

اختي الغالية ،
راتبك هو حقك ..
نتيجة اتعابك في التدريس ..
ابدا مو من حقك تصرفين ريال واحد على المدرسة ..
المدرسة لها مدخولها الخآص ..

والتهديد بالفصل او شيء ..
ما يقدرون لشرطين :-

1- مكتب العمل يرفض هذا الشيء ..
2- نص راتبك تدفعه الحكومة كمساعدة للقطاع الخآص ..



اذا انتي فعلا تعبتي من انك تصرفين عليهم ..
قولي لهم " انا أكد على عميآن ..؟ " ..!

[مستحيل]

للاخت اللي عقبت لى كلامي بالتقييم


اقول

ليس من حقهم ابد الاخذ او الخصم من راتب اي معلمه او معلم لغرض شراء لوازم التدريس

وان حصل وفعلوا

لابد للمعلم او المعلمه ابلاغ الوزاره
وهناك قوانين وانظمه منصوص عليها بالوزاره بهذا الخصوص

وهناك قوانين الخصومات فلو حصل وبلغ احد المعلمين
وجاء تفتيش او تحقيق ووجدوا ان هناك خصومات غير نظاميه تعاقب المدرسه كامله


وقد حصل هذا وتم تعويض المعلمين

[أورانوس]

حبيبتي انتي ..
حابه أقلك أول شيء مرحباً بك في عالم القطاع الخاص المستنزف للطاقات والقدرات والجيوب


ثاني شيء هذي طبيعة المدارس الأهلية والروضات
نظامهم / نعطيك راتب وتصرفينه على طلباتنا
وإن ماعجبك وظفنا غيرك ..
وكل ما زادت صرفياتك عليهم وخدمتيهم زادوا راتبك ورفعوك عندهم


فكري ( هل تحتاجي الوظيفة هذي قضاء وقت فراغ ؟ أم لحاجة مادية ؟ أم للحصول على خبرة عمل ؟)

فإذا كانت لوقت فراغ : استمري فيها حتى تلقي شيء أحسن واستمتعي واستفيدي من الخبرات الموجودة

أما لو كان لحاجة مادية فحاولي دايماً تاخذي من أرخص الأشياء ولا تخجلي تطلبي الإدارة ميزانية للوسائل التعليميه والهدايا وما إلى ذلك وإن رفضوا قوليلهم عن حاجتك وإن الراتب مايكفي ((بس لحد يعرف غير المديرة عشان تساعدك)) ولا تكتفي بالوظيفة اشتغلي معاها أي شغله من البيت
بما إنك معلمه ممكن تصيري معلمه خصوصية وتاخذيلك عالبنت الوحده 100 ريال بالساعه
صدقيني تكسبي 30 ألف وانتي ببيتك
أو مشروع خاص لشيء تحبيه والأفكار كثير

وآخر شيء إذا كان عملك لاكتساب خبرة فاصبري كلها سنتين وتروحي مكان أفضل بإذن الله

الله يرزقك ويسخر لك