يامعدي المرقاب [الأرشيف] - منتديات مسك الغلا

letk t7s

10-02-19, 08:14 PM

دام الكلام اليوم ماعاد ينطاق
بين الولايف نبرة الشوق غرقا

قال السديري عقب ماخاطره ضاق
بيتن يخلي ضامي القلب يشقا

ياليت ربي ماخلق حب وفراق
والا خلق حب(ن) على غير فرقا

واليوم ضاعت بالمواجيب الاخلاق
صار الغزل بين المواليف يرقا

دارت دواليب الزمن بين الاشواق
.يالصاحب اللي من سبايبك نشقا

عنيت لك في عالي الرجم مشتاق
وغنيت لك مع تالي العصر طرقا

عن شوف غيرك شح شوفي ولالاق
وسرقت ماتحت المحاديب سرقا

واليوم طعت اللي بالاشوار بوَاق
واللي بقى لك بالمحاجير يبقا

من عانقوا دربك قليلين الاوفاق
.حالك تغير والبلا وين نلقا

محدن يعالجني سوى شوف برَاق
واقول مابين الغنادير فرقا

ياهيه يالمشتاق لاعاد تشتاق
ويامعدَي المرقاب لاعاد ترقى

آخر نصيحه واحفظه وسط الاعماق
خل الرجم وانزل على راس برقا

منقول ..

أعد النجوم

10-03-19, 12:16 AM

الله عليك

دايمن انتقائك رائع

يعطيك العافية

letk t7s

10-03-19, 02:50 PM

اشكرك ع التواجد الدائم الذي يسعدني ..

حمدفهد

11-03-19, 12:56 AM

أحسنت الاختيار تسلم لنا الأيادي البيضاء والقلوب الصافية على مدى الدهر يحفظك ربي وين ما كنت في الحل والترحال وفي كل مكان وزمان اتمنى لك السعادة.
اخوك/ حمدفهد

letk t7s

11-04-19, 03:14 PM

نورت يالغالي
وسعيد جدا بتواجدك