زوجتي ودورتها الشهريه

[مشكلتي]

السلام عليكم .
انا متزوج قريب أحبها وأعشقها وكل شي تمام بس لاحظت بزوجتي بعض التصرفات ماعرف هو دلع ولا شي طبيعي ولا ايش لان كل بعد فتره طالعة لي بشي . المهم .
الدورة تتعبها مره مره ماعاد تقدر تسوي اي شي بس سادحة خصوصا اول يوم الشهر اللي فات اهلي عازمينا قالت انااااا ماأقدر اروح تعبانه قسم مافيني نفسيتي بخشمي وحالتي حاله انتَ روح وأنا بفهم أمك وأتصلت على أمي وأمي عاد طيبه ماقالت شي بس بعدين قالت زوجتك مدلعه حبتين ... الشهر ذا اخوياي بيطلعوا مخيم يبعد عن البيت 70 كيلووو واخوياي مع عوائلهم على أساس بنروح قالت وربي مافيني تعبانه جتها امس انت اقعد مب لازم تروح انا مافيني اسوي اي شي والبر مافي حمام وحاله قلت طيب قالت اقعد لاتروح وجلست ماعاد رحت قعدت أخدم فيها 🙂😅، مرا مويا حارة مره مدري ايش وطبخت عشاء .. كله ترتاح . كل شهر تطلع لي بحاجه تشوفون تصرفي صح ولا غلط .. أمي تقول كلنا تجينا الدورة مانسوي مثل سوااااااة حرمتك . احس تفشلت عند أهلي ماغير عصبيتها وتكلمني بجفاء وتسال تحبني انت ماعاد تحبني زي أول يعني ع اللي كتبته لكم فوق مااحبها مستحيل . كل شي تمام ماعاد وقت دورتها . ولا عاد تشتغل ولا تطبخ ولاتسوي اي شي تخيلو 3 ايام الأكل من برى ولا اروح لأهلي حتى هيا ماتاكل بس على السرير تتروش وتجي تنسدح وتناااام ..💔 بعدين تصير طبيعه عكس ذي 180 درجة
مادري هل ذا الشي طبيعي ولا لا .... ودورتها ذي طبيعيه ولا لا ...

[M.ahmad]

اذا كانت تستخدم حبوب منع الحمل خلها تتخلى عنها وراح تزين نفسيتها اثناء الدوره

صحيح ما أفهم في مثل هذي الأمور ولكن اسمع الناس يقولون كذا

[إحسآس]

وعليكم السلام ورحمة الله ..

حيا الله اخوي ..

هي تتعب صح بس مو لهالدرجة المبالغ فيها جداا ..

عموما الناس يختلفون .. فـ احسن لك واسلم لك
خذها لدكتوره نسائية
باي مستشفى خاص عشان تقدر تدخل معاها الكشف
شوف وش تقول الدكتوره لها ..


لك ودي ..

[شاهستا]

وعليكم السلام
شووف بَ اكون معك بمصداقيه ترى اوجاعها
تختلف من بنت لبنت فيه البعض تجيهم خفيفه
ولا كأن شي صار وفيه لا والله تجي وجعها
شديد لدرجه تكون منسدحه ماتقدر تتحرك
والله اقول كلامي هذا وما ابالغ فيه ، لاني
عايشت وشفت حالات ..
بس للمعلوميه مو شرط كل شهر
تجي بنفس الوجع مره تكون خفيف
ومره تكون شديده على حسب ..
لكن بس اليوم الاول تكون قويه لكن
بقيه الايام عادي مو مثل كلامك تقعد بثلاث ايام
ماتتحرك لا بالعكس تقدر تقوم بواجباتها على افضل
مايكون ، لكن زوجتك لها امرين:
*/ اما ان تكون شخصيتها انطوائيه وتتهرب عن الجمعات بسالفه الدروة .
*/ او انها فععلاً توجعها صح وتعكر مزاجه ومالها خلق احد وفي هذي انا معها ومعذوره.
لكن نصيحه مني انت جرب واعزمها
بيوم ماتكون عليها دورة وشوف
هل تتهرب او لا وهنا تحكم ..


والله يهدي سريرتكم ويخليكم لبعض ..

[سحاابة عطر]

وعليكم السسلام

لا زوجتك ما تدلع حرام عليك تعبانه جد
اعرف نااس قريبين مني حييل نفسها يتعبون ويروحون المستشفى بعد
هذا انت قلتها الا ايام العاديه تمام. يعني مو دلع
بعدين ترا كلها ثلاث أيام مو سنه كاامله ارحم. المسكينه

[الحر الأشقر]

.






تتغير الحرمة بوقت الدورة ووقت الوحام
اصبر وتحمل

[وسن]

؛

وعليكم السلام ورحمة الله وبركاته

أشوفه طبيعي جداً من قرايبي ثنتين أعوذ بالله كانوا يدخلون المستشفى من وجع الدورة وع المهدئات كل شهر دموع وتعصار
بس بعد ما اتزوجو وخلفو خف الألم كثير وصار طبيعي

يعني أن شاءالله تجيب اول طفل وترتاح من وجع الدوره
بالنسبة للنفسية غالباً قبل الدورة بيومين تتغير وثاني او ثالث يوم منها تصير طبيعية
لكن برضه مثل مانصحوك ودها لدكتوره وادخل معها
دمت اخوي والله يوفقك يارب

،، ،،

[أورانوس]

كلها أمور طبيعيه بسبب تغير الهرمونات وارتفاع هرمون الأستروجين وقت الدورة
اقرأ عن أعراض الدورة في قوقل وتثقف شوي
ويختلف طبعاً من مرأة للثانية حسب صحتها
وحط خطين تحت صحتها
زوجتك والله أعلم عندها فقر دم أو نقص فيتامين عشان كذا تتألم
لكن لا تخليها تتألم ولا نص يوم
عطها بندول وان ما فاد ودها الطواريء
يا كثر ما تجيهم حالات يطلبوا ابرة الدورة وشيء معروف جداً عندهم
بعد ما تاخذها حتقوم حصان ولا تشتكي بإذن الله
وترا بعد الولادة كل هذا بيروح بس اصبر عليها هالفترة
أنا كنت أتلوى من الألم زمان وأنهار بكاء وما أهدأ إلا اذا ودوني آخذ إبرة
والحين الحمدلله بعد ما حملت وولدت راح بقي شيء خفيف يخف بالبنادول
لأن الهرمونات عندي عاليه وأتوقع زوجتك نفس الشيء

أهم شيء هي لازم تمشي على غذاء صحي قبل الدورة بأسبوع
ممنوع المشروبات الغازية والقهوة والشاي والحلويات والشطة وغيره
ولازم يومياً فاكهة وطبق سلطه

وتستمر كذا حتى لما تجيها الله يكرمك
وتتدفى زييين بدون مكيفات باردة وتلبس جكيت وشراريب عشان أغلب الألم من هواء بارد يدخل جسمها
أمك مع احترامي ماعندها خبره أو ما جاها بنات يتألموا فماله داعي انها تقلك كذا
بالعكس شيء جداً طبيعي وحيروح أو يخف عالأقل بعد كل ولادة

[أورانوس]

أعراض آلام الدورة الشهرية ما يلي:

آلام في البطن، وأحياناً تكون بالغة الشدة.
الشعور بالضغط في البطن.
ألم في الفخذين.
آلام أسفل الظهر.
اضطراب في المعدة، وأحياناً يحدث القيء.
التعرق.
الضعف والدوخة.
إسهال أو إمساك



اسباب الم اسفل البطن اثناء الدورة الشهرية :

إن الرحم في فترة الدورة الشهرية يحوي كمية كبيرة من الدم والأنسجة التي يجب أن يتخلص منها الجسم؛ لذلك يقوم الرحم بانقباضات متتالية لطرد الأنسجة والدم تحت تأثير هرمون يسمى “البروستاجلاندين”، و كلما زادت نسبة هذا الهرمون، فإن التقلصات والآلام تزداد أيضاً، وقد تكون هناك أسباب أخرى لهذه الآلام، كما ذكرنا من قبل مثل الأورام الليفية، أو الإلتهابات المزمنة في الحوض، أو ضيق عنق الرحم، أو حدوث حالة بطانة الرحم المهاجرة.



مشكلة الام الدورة الشهرية هي مشكلة عامة لجميع الإناث تقريباً، و لكن هناك مجموعة من الإناث يكنّ أكثر عرضة لهذه الآلام مثل:

أن يكون عمر الأنثى أقل من 30 سنة.
البداية المبكرة للبلوغ، أي أقل من 11 سنة.
النزيف الشديد أثناء الدورة.
الدورة الشهرية غير المنتظمة.
الأنثى التي لم تنجب بعد.
التدخين.
وجود حالات مشابهة في العائلة “تاريخ عائلي”

[صعفق طاش كندي]

بحكم أني اشتغلت بمستشفى قبل كذا

هذا الشي يختلف من امرأه لاخرى

البعض يأثر فيها تأثير طفيف
والبعض تصرخ من الالم

كم حاله كنت أشوفهاوادعي الله يكون بعونها
واسال أقول وش فيها ذي يقول جاتها اللي مدري وشسمه
كل الصراخ عشان وش اسمه ؟!
المهم

راعها وقت وشسمه وتحملها ولاتقسى عليها

ترى البعض تاثر فيهم نفسيا وحسديا ومعنويا
والبعض لا عادي مو ذاك الزود
وأفضل لك تسال أهل الاختصاص

وترى الدلع ماله شغل
هذا شي خارج عن ارادتها على حسب ماكنت اشوف

[jrm99]

اول شي حابه اقوله
لو انها صدق بتدلع كان لقيتها كل الايام تدلع وكل الايام تاكل من برا وكل الايام متسدحه
لكن انت قلت وقت الدوره فقط
هذا دليل كافي ان زوجتك صادقه
ثاني شي
الدوره فعلا تألم الم ظهر وبطن وغير تغير بالهرمونات
اشياء جدا متعبه
كون لزوجتك حنون بهالفترهه
راعيها احتويها احضنها
ع فكره تكون احساسها ومشاعرها جدا مترفه
وبس يعني

[غير مهتم]

عطها بس حبه بسكوبان خلاص يروح كل الوجع الدلع ع قولتك ههههههه

[حنين النوارس]

ثلاث ايام في الشهر وعامل مناحة
آه الله يكون في عونا نحن النساء
كن على يقين ان هذا ليس دلعا ولو جربت نصف جرعة من بعض الام الدوره الشهريه لعلمت بمعاناتها وقرف الانسان من نفسه والحمد لله
هناك من تكون دورته عبارة عن الام الطلق كالولادة وعليك بتخيل ذلك كل شهر
هناك نسوه يؤخذنا للمستشفى
وهناك من ياخذ ابر ل التهدئه
وهناك من لا يحسن باي شيئ
وليس لها اي دخل باقراص منع الحمل او اي شيئ اخر
اذا كانت تتدلع ثلاث ايام فهناك من يتدلع اسبوع
فقط كن متفهما وكنصيحة في هذه الايام وخاصة الثلاث الاولى ليس جيدا المشي كثييرا لانه تكون تنزف وخطوره النزيف وماادراك مالنزيف
ومنه لا تسمع لاحد لان كل مرأة وجسمها وهرمونتها ولي ايدو في النر ليس مثل من يده في الماء
الله يخليكم لبعض ومازالت الحياة طويله امامكم وان لم يكن يوم لك ويوم عليك فصعب استمرار هذه السفينة ومع الايام والاولاد هناك اشياء كثيرة تتغير فقط اسراركم اتركوها بينكم ومشاكلكم لا تدخلوا فيها طرفا من العوائل

[العـ(احمد)ـالمي]

اخي الكريم
اولا اشكرك على اهتمامك فيها وطبخك لها
وهذا دليل على حبك لها واحب اقول لك
ترى هذا شي طبيعي , ونختلف اعراض الدورة من
بنت الى اخرى وكل ماقلت ايام الدورة كل مازاد الالم
وزوجتك اللي معها شي طبيعي وانت قلتها بعد
ماتنتهي الدورة ترجع طبيعية
راح تتحسن بعد الولادة واذا كانت تتناول حبوب منع الحمل
انصحك تبعدها عن استخدامها

ربي يوفقك

[ملامح فرح]

تدري اللي زيك من الرجال وش اتمنى لهم اتمنى يذوقون الم الدورة و طلق الولادة بس يوم واحد :MonTaseR_124:

ناس تكون عندها لخبطة و تتعبها و ناس لا الحريم مو سوا
بعدين لا تعلم امك بذا الشي انت كذا تسوي فجوة بينهم

الحين الموضوع ابسط من ان تسأل حرمه زيها
قوقل

الله بعزته و جبروته عذرها من اعظم ركنين ف الاسلام الصلاة و الطواف بالبيت الحرام
ينخفض ضغطها
صداع تقلبات مزاجيه قلق اكتئاب بشرتها تنعدم تشنجات بطن
شي مو بيدها و تتفاوت ناس جددد يتعبون و ناس ماشاء الله لا زد على ذلك اذا عندها فقر دم
انسى سالفة تتنشط و تطلع و يصير مزاجها زين


نشكر خدماتك الجليله بس تاكد انها ما تتدلع بالعكس يمكن ورا مبالغتها ادوية تاخذها تاثر
هرمونات تحتاج طبيبة نسا و هكذا

ارجع اقول لا تسبب فجوة بين امك و زوجتك حتى لو امك طيبه يظل بنفسها اني ما اخترت صح لولدي
و تشغل الثنتين وببعض و تكرههم في بعض

[سافانا]

باختصار شديد
امك كلامها صحيح وزوجتك ايضاً كلامها صحيح
والكشف الطبي هو الفيصل في الموضوع
والأمر بسيط جدا
زياره سريعه لطبيبه نساء
راح تعطيك خارطه طريق لحل المشكله من جذورها ان كان هناك مشكله حقيقيه
البعض من البنات فعلاً تكون الدوره مؤلمه جدا
وهذا يكون بسبب ضيق شديد في عنق الرحم
البعض قد يصل بها الأمر قبل الزواج تعمل عمليه كشط لعنق الرحم وتاخذ شهاده من الطبيب انها عملت العمليه لانها تفقد عذريتها في هذه الحاله
وهيا حالات نادره جدا جدا ولكن موجوده

والبعض بمجرد الزواج تنتهى المشاكل
والبعض لا تنتهى إلا بعد ان تنجب مولودها الأول


انا انصحك بزياره طبيبه وهيا بتقرر
ممكن تعمل عمليه كشط عنق الرحم
وفوراً راح تنتهي كل متاعبها



اما إذا كان الأمر مجرد تحايل نسوي
فا الحل الجميل
وفر لها متطلباتها واستمتع بوقتك خارج المنزل بدون اي تعليق
لا تبخل عليها بالعبارت الجميله التي تطرب مسامعها
ولكن لا تكن اداه في يد مبتز مهما كانت صله القرابه
هيا صحيح يومين بتخدم فيهم ولكن الشراكه الحقيقيه لابد ان يكون فيها نزاهه
القضيه قضيه مبداء .

[م ستريح البال]

اللي اعرفه واسمعه تكون النفسية زيرو وتختلف من بنت لبنت بس الموضوع
واضح انه اوفر شوي بمشكلتك اكيد في اسباب ثانية والله اعلم

[ممثل قانوني]

أنصح الإخوة الكرام فيما يخص أسرار بيوتهم وعلاقاتهم العاطفية والأسرية الخاصة عدم إستشارة (العامة) من الناس، وهذا ليس إنتقاصاً من المنتدى أو أعضاءه الكرام، ولكن المثل الشعبي ينص على (أعط الخبز لخبازه)، فيوجد إستشاريين أسريين متخصصين في جميع أنحاء العالم يستطيع السائل أن يلجأ إليهم لأخذ الإستشارة المناسبة (مجاناً) بإتصال هاتفي أو عن طريق رسالة بريد إلكتروني، وسيأتيه الجواب الشافي الوافي بإذن الله، أما طرح الزائر أو العضو لمسائله الشخصية يجعله عرضةً للسخرية لا قدر الله أو أخذ أجوبة غير صحيحة من قبل أشخاص غير متخصصين ربما تزيد الأمور سوءاً.
أتمنى أن تكون وجهة نظري سديدة.. وفقكم الله لما يحبه ويرضاه ،،،

[شايب مصرقع]

السلام عليكم ورحمه الله وبركاته

يا ريال من صدقك انته منزل موضوع عن حرمتك ؟ الله يهديك بس

شيء بينك وبين المدام يكون بينكم مب حلوه منك تنشره جدام الكل وبين الأهل عيب تراه يالشيخ

انته الريال وانته تصرف وياها ولا تم تذمر يالشيخ وتفضح المدام خل هالسوالف بينك وبينها ماله داعي

تنشره الله يهديك بس

المهم الله يسعدك وياها ياربي

تحياتي لك

[مستحيل]

على وقلة النساء اللي ردوا وهم اعرف منا بهالامور

يمكن انهم يتالمون ويتعبون

لكن انت راجع نفسك

اذا قلنا تتعب هذا شي من الله

لكن تعبانه تقول لك لا تطلع وتقعد تطبخ لها وتحرم نفسك من الطلعه !!!!

كيف حالك

[زلزول]

جاني ماجاك
الحال من بعضه

بس بعد مرور الزمان الحمدلله تحسنت وماصارت مثل اول الحمدلله

انا اكتب لك وهي جنبي و عادي تضحك هههههه:blush-anim-cl:

[فراشة كريستالية]

طبيعي الوحدة تكون نفسيتها صفررررر ومالها خلق حتى تتنفس
ومعصبه ومالها خلق شي تتوقع منها بتقوم تطلع ان طلعت اعرف انها من كثر مانفسيتها صفر
بتتهاوش حتى مع ملابسها :)

2/ ثلاث ايام قمت وطبخت وسويت شفيها! هذا هي بتقوم لك 27 يوم والا تعب عليكم وهي ماتتعب :MonTaseR_112:

3/ اسمح لي الوالدة يمكنها ما كانت ضمن النساء اللي يجيهم الم قوووي
لذلك قالت هالكلام :) :رحيق:
بس الاكيد ومن واقع اقولك ان زوجتك مو قاعده تتدلع هي فعلاً تتألم بحقيقة
تخيل وجع يمسكك بظهرك وبطنك مع تغلصاات وكأن شي بداخلك يتحرك بألم ويرتفع حبتين لين تحسه بقلبك مع وجود ألم برجولك :MonTaseR_112:
انتم زكام ماتقدرون تتحملونه تكرهون نفسكم وهالمسكينة تتدلع :MonTaseR_112:
والالم يختلف من وحدة لوحده البعض تمر عليهم ماتحس فيها ب شي ابد
والبعض تمر عليهم وكأنها جهنم الله يبعدنا عنها

عليك تراعي مشاعرها ولا تاخذ على كلامها اذا عصبت مو منها من اللي فيها
وماله داعي تقول لامك انها ماقامت ولا قعدت ولا سوت وبكون صريحة بدون زعل (لانها زوجة ولدها تتدلع بس لو كان هالالم تحس فيه بنتها وجاء زوجها يقول كلامك مابتقول تتدلع ولا بتقول كلنا تجينا ولا نسوي سواة حرمتك الا بالعكس بتحس بوجع بنتها وبتفهمه انها تتوجع وشي طبيعي ) :MonTaseR_112:
بينك وبين زوجتك ماله داعي كل الامة الاسلامية تعرف

واخيراً لو جربت الالم اللي تحس فيه زوجتك بتتمنى تموت وماتحسه :icon27:

واعتذر عن الاطاله ولو كان في كلام جارح :رحيق:

[أم وسيم]

تختلف من بنت لبنت بعضهن تطيح بالمستشفى ثلاث ايام

نصيحة دكتورة
قول لزوجتك تدفى ولاتمشي ع السراميك حافيه
وتشرب سوائل دافئة .. والموية والعصائر تكون بر الثلاجة لاتشرب شيء بارد ..

وتاخذ دش دفي ..

[التاج]

السلام عليكم ورحمه الله وبركاته

يا ريال من صدقك انته منزل موضوع عن حرمتك ؟ الله يهديك بس

شيء بينك وبين المدام يكون بينكم مب حلوه منك تنشره جدام الكل وبين الأهل عيب تراه يالشيخ

انته الريال وانته تصرف وياها ولا تم تذمر يالشيخ وتفضح المدام خل هالسوالف بينك وبينها ماله داعي

تنشره الله يهديك بس

المهم الله يسعدك وياها ياربي

تحياتي لك

أتفق مع مصرقع تممماماً
وردتين لك ياصاحب الموضوع :MonTaseR_205::MonTaseR_205: