وحيدتها اهلها

[مشاعر بنوته]

السلام عليكم الله يسلمكم تحكى على لسانه
متزوجه من شهور ولحد الحين ما عرفت انظم حياتي وروتيني من ناحيه مهمات البيت ووقت لنفسي وغير الطبخ مأزمني مره لاني ما احبه بس مجبوره اطبخ لزوجي ولنفسي امي الله يهديها كانت مدلعتني مره بسبب اني وحيدتها من 5 اولاد ولا علمتني على الطبخ لين انخطبت وحولى الخدم وصرت انا بنفسي اتعلم والله اني ابكي بعض الاحيان من قهري بأني ودي اصير سنعه واطبخ كل الاصناف اطالع بسنابات الحريم السنعات وانقهر على نفسي ووضعي انا في النظافه شاطره اعرف انظف وارتب بس مشكلتي الطبخ ومشكلتي الاساسيه هيا الكسل والخمول شالحل معي
و نصيحه للامهات علمو بناتكم الطبخ والترتيب من صغرهم حتى ما يتعبو اذا اتزوجو مثلي اشوفها تتعلم من الان ماينفع الندم والله العظيم حلو دلع الامهات والاباء لكن بحدود درجه غرفه نوم شغاله ترتب لها مع ملابسها هذا هو اتزوجت وندمانه على اللى صار معاها بدلعها امها وابوها كل ماتكلموا وحيدتنا وشغالات حوالها خايفه انها تتطلق لانه اهل زوجها يعطونها نعزات انتى رفله مدري وش مصبر اخونا عليكى ومن هالكلام تتدخل نت وتتكلم بكل شي بعدها ولا كلمه يقولوا لها

[مساحة قلم]

السلام عليكم ورحمه الله وبركاته
تحيه طيبه وبعد
الكثير من البنات يمرو بهذي المشكله لكن
لاتنسي ان الطبخ هو هوايه وتقدري تتعلميه
حاولي مره مرتين واكثر
وعندك اليوتيوب ملان شرح لكثير اصناف
خليك شجاعه واطبخي زي طبخهم
راح تظبط معك الشغله

[مشاعر بنوته]

المصيبه لا تحب الطبح ولا تنظيف البيت كله من اهلها اللى اتكلوا على شغالاتهم ودلالهم
الحين حسيت باللى صار لها مالها الا النت والكثير كثير من سنابات يتعلموا ويوتيوب
الى ماتتعلم وتتعرف امور بيتها وحياتها

[الحر الأشقر]

.






زمن العزوبية انتهى
الحين هي راعية بيت لازم تفهم الشيء ذا
لازم تجي سنعه وتطبخ وتنظف
وتدلع زوجها بالطبخ والنظافة وتكسبه احسن من انها تخسره
لانوه بيجامل شهر شهرين ثم تعيف النفس ويقلب عليهااا

[M.ahmad]

الطبخ أسهل منه مافي وبإمكانك تطبخيه على رواقه وزوجك في العمل او نايم أو ماشابه

أهم شيء اوزني الملح وبس <<< حطي هذي المعلومه في راسك

بالله عليك جربي حطي دجاجه وزيت وطماطم وبهارات ورز وشويه مويه وملح في قدر الضغط
ثم غطيه وانتظري 20 دقيقه وهو على نار هادئه
وبهذي الطريقه تكوني سويتي كبسه يحبها قلبك على الطراز السعودي الحديث

وعلى قولة أخوانا المصريين ( بيض وقوطه يطلع شكشوكه ) والسلام ماهو إختراع صاروخ .

[أعد النجوم]

ايه والله جابها المدير


يعني الفطور بيض وجبن

والغداء كبسه مع ايدام باميه او فاصوليا او كوسه او مصقع

والعشاء نواشف ولا خليه يجيب خفايف من اي مطعم


طبعا هذا اغلب الناس كذا


وصلى الله وبارك

[Tell him]

الأخت وحيدة أهلها,

مشكلتك ليست الطبخ في حد ذاته. لكن مشكلتك عدم القدرة على التأقلم على الوضع الجديد.
فالتغيير كبير من النقيض للنقيض. من عدم تحمل مسؤولية نفسك لتحمل مسؤولية بيت و زوج.
فطبيعي أنك تتضايقي و تحزني.

بعض البنات لا ترى في الزواج إلا العرس و فستان الزفاف و الكلام الحلو إلخ...

لكن ينسون أن الزواج هو مسؤولية كبيرة مليئة بالواجبات على مدار الحياة.
فينصدمون بعد الزفاف و هذا ما حصل معك.


الآن تزوجتي. . اعطي نفسك الوقت و المساحة للتأقلم مع الوضع. شوية شوية.


اخلقي إيقاع جديد لنفسك.


حطي جدول يناسبك,
يوميا من ساعة كذا لساعة كذا نظافة بيت ،
ثم راحة نصف ساعة

بعدها طبخ. احضري والدتك للبيت تعلمك الطبخ .أو كلميها تلفون.

جربي وصفات من النت. اليوم تفشلي بعدها تفشلي لكن ستنجح معك .


حافظي على الجدول لمدة أسبوع ستألفيه حتى جسمك يتعود على الحركة بعد خمول سنين.


كل تغيير في بدايته صعب.
حتى المولود يبكي عند الولادة. خرج من رحم الأمان و النوم الطويل.

يستنشق أوكسجين يألم صدره فيبكي.يظل نايم لشهرين لأنه تعود على النوم بعدها بوقت يبتدئ يستيقظ و يتأقلم و يتحرك.


موفقة

[أعد النجوم]

الأخت Tell him

قالت كلام واقعي واعتقد انه من خبره

لذلك انا لو منك امشي عليه لانه عين العقل

[صعفق طاش كندي]

قدر الظغط تقاولي معه هذي الفتره

شوي شوي تلاقي نفسك شيف

[جديلة ورد]

الطبخ الحين مافي اسهل منه
الانستقرام ماخلى شي من السهل للصعب
تابعي حسابات وتعلمي منهم مع الوقت تعرفين
لاتكبرين الموضوع وخذيه بساطه مع الوقت تعلمين
بالتوفيق

[جديلة ورد]

الأخت وحيدة أهلها,

مشكلتك ليست الطبخ في حد ذاته. لكن مشكلتك عدم القدرة على التأقلم على الوضع الجديد.
فالتغيير كبير من النقيض للنقيض. من عدم تحمل مسؤولية نفسك لتحمل مسؤولية بيت و زوج.
فطبيعي أنك تتضايقي و تحزني.

بعض البنات لا ترى في الزواج إلا العرس و فستان الزفاف و الكلام الحلو إلخ...

لكن ينسون أن الزواج هو مسؤولية كبيرة مليئة بالواجبات على مدار الحياة.
فينصدمون بعد الزفاف و هذا ما حصل معك.


الآن تزوجتي. . اعطي نفسك الوقت و المساحة للتأقلم مع الوضع. شوية شوية.


اخلقي إيقاع جديد لنفسك.


حطي جدول يناسبك,
يوميا من ساعة كذا لساعة كذا نظافة بيت ،
ثم راحة نصف ساعة

بعدها طبخ. احضري والدتك للبيت تعلمك الطبخ .أو كلميها تلفون.

جربي وصفات من النت. اليوم تفشلي بعدها تفشلي لكن ستنجح معك .


حافظي على الجدول لمدة أسبوع ستألفيه حتى جسمك يتعود على الحركة بعد خمول سنين.


كل تغيير في بدايته صعب.
حتى المولود يبكي عند الولادة. خرج من رحم الأمان و النوم الطويل.

يستنشق أوكسجين يألم صدره فيبكي.يظل نايم لشهرين لأنه تعود على النوم بعدها بوقت يبتدئ يستيقظ و يتأقلم و يتحرك.


موفقة




اتفق 👍🏻👍🏻

[غير مهتم]

اول شي تقولين انا ما احب اطبخ بعدين تحطين الوم ع امك

اغلط عليك مو ع امك انا اقولها لك حتي لو امك قالت لك قبل زواج كنتي راح ترفضين

لا تحطين الوم ع اَي احد حطي لوم ع نفسك انك ما دخلتي المطبخ تعلمتي

بعدين الطبخ ما يأخذ منك الا نص ساعه الحين انتي فيها روحي تعلمي من امك

اما ع روتين البيت انتي تقدرين تضبطين كل شي هذا اسهل شي احل لو يجيك اطفال وش راح تسوين ..