المساعد الشخصي الرقمي

مشاهدة النسخة كاملة : من وين ابتديني !؟


الوله
10-26-19, 10:38 PM
معي هاجس يؤرِّق لي منامي
تفز العين والعن في ظلامي !


انا ي ( . . . ) من وين ابتديني !؟
ي كيف ابدا وانا كلي ختامي !


لك الله ما بقى إحساس واضح
أحس .. مدري .. ولا يشرح كلامي !


انا تايه و ادورني و انادي
أحد منكم لقاء حالم عصامي ؟!


كثير أحلام في بالي و لكن
حسافه كيف يوئد إهتمامي !


رسمت العمر مره حلم وردي
وهذا العمر كسر لي عظامي


تعب قلبي وانا اطرد سحآبه
سحآبه ما تحس بشوق ظامي


اكافح في حياتي بكل قوه
واصادف طيب ونذل وحرامي


اجاهد في العمر الله وكيلك
كأني فارس بيدي حسامي


احارب دوم واتسامى واصبر
اضل واقف ولا ابدي إنهزامي


اضل واقف ولو مليون رميه
تجي ظهري وتغدرني سهامي !


ثلاث عقود مرت في حياتي
حسافه دون ما حقق مرامي


فلا تحقق في الأحلام واحد
وحتى في العشق راحت غرامي


غرام القلب كانت تحتويني
تعرف كيف تنهي لي آلامي


تعرف كيف تثملني محبه
هيامي .. هي هيامي .. هي هيامي


انوثه طاغيه والحسن آسر
خذت من إسمها شوق الأسامي


صحيح انها غيوره ما تسامح
بسامحها ولا يلغى إحترامي


صحيح إنا افترقنا قبل مده
وإليها كل يوم ارسل سلامي


كتبت الحرف والنوم ايغشيني
كأني أكتب الشعر في منامي


ابي ارقد يفز البال رافض
وبالي مايحس باللي علامي !


كأني حاكم الشعر المبجل
فصب الخمر فضلاً ي غلامي


بخمر الشعر بسكر دون أدري
واغني لي.. ولو هالجرح دامي


كأن الشعر كله تحت يدي
وجاء لي يوم أحقق انتقامي


بعد ما كان يتعذر بوصله
أشوف اليوم يمشي إنتظامي


خذا مني نصف ساعه و اكثر
كتبت اللي بقلبي ي ظلامي


كتبناها قبل ما الفجر يصحى
قبل ما يطير من غصني حمامي !







لـ الـولـه .

أعد النجوم
10-26-19, 11:12 PM
والله قصيدة راقية جداً

ياخي والله انك ابدعتنا وامتعتنا

بارك الله فيك وفي قلمك الفذ


يختم 3 ايام

ويقييم خمسه نجوم

لانك بقوة تستاهل

الوله
10-30-19, 09:27 PM
والله قصيدة راقية جداً

ياخي والله انك ابدعتنا وامتعتنا

بارك الله فيك وفي قلمك الفذ


يختم 3 ايام

ويقييم خمسه نجوم

لانك بقوة تستاهل









الانيق اعد النجوم

دائماً و ابدا أعجز عن شكرك والله

ممتن لك ولكرمك ونورك البهي هنا

الفيفي2017
10-30-19, 09:34 PM
ماشاء الله وياهنانا الليله
اطربتمنا انت واخواننا شعار المنتدى
بروعة كلماتكم وجمال اشعاركم
صح لسانك وسلم بنانك ولافض فوك

وهج
11-01-19, 08:39 PM
ما بالُ حرفك يسرقُ الألوانَ
هلّا تركتَ للدّهشة لونًا
يرسم دهشتي ؟


وله ومثلكَ كلّي يقول:
ياكيف أبدا وأنا كلّي ختامي ؟
هُنا علقت ..


جميل

عتيم
11-03-19, 12:24 AM
..

وله .. يا وله

صح نبضك المربك .. يا مربك

انيق أنت .. وجداً


.

سلمان
11-03-19, 03:54 AM
الله عليك ياطاغي الحرف

صح الله لسانك وله

شاعر جميل يعجبني اسلوبك الانيق

تحيتي واحترامي

مساحة قلم
11-04-19, 02:47 PM
وقول لي من وين ابتدي كلامي :0005:
صح لسانك يا راقي
راقتني بشده
انتظر جديدك

زائر الفجر
11-04-19, 02:54 PM
وله

ولكلُ حرف إشتياقهُ
وكأنَكَ معتقُ
يا أسطورةِ حرف

راقتنيَ

دُمت سعيداً


SEO by vBSEO 3.6.1