( شوارع قلبي )

[راشد مقبل]

صوتي ولوّعته سنيني
حلمي وزادت / معاناته

من صغّر الدمع في عيني ؟
وأنهك خفوقي ب طعناته

كانت حكاويه . . تحييني !
وكنت أنتصر فإبتساماته !


راشد ..

[راشد مقبل]

يصبّ الحبّ من سحبك
وينبت ف العروق إحساس

أهيمك طيش ! وأجرح بك
شعور الفقد والنسناس .

راشد ..

[راشد مقبل]

مادام مالي عذر!! هذي تفاصيله
من وين ماروح تبدع في ملاحقتي

ياذكرياته .... ولو ماعاد تعني له
أخذيني بكلّ م أملك وأتركي وقتي


راشد ..

[راشد مقبل]

كيف أعيش ب سعه في ظلّ ضيق الرحاب
واللّيال الأخيره .. بالغياب ( إحملت )

صرت بين الجميع أشعر بطعم إغتراب
وكلّ م أسمع بقولة وش بلاك إكملت

( سكّر البال ) يامرّ العتب والغياب
لو تساهلت دمعي لك عيوني بلت

لو صوابك خطاي ولو خطاك الصواب
مابقى غير حبلك في يديّ وفلت

راشد..

[راشد مقبل]

من الأرشيف


بكيت شمس وشمس ماشافت ابكاي
يوم الوداع . . . . . . بطرقته يبتديني

وودّعت شمس ولابقى من بقاياي
الاّ حطامٍ بعثر الصمت . . فيني

يوم الوداع تقول إذا همّك ارضاي
لاتنشغل فيني . . . ولاتحتريني

وأفرح وصبّ الحزن في جملة الناي
وأضحك ترى ضحكك ( فرح يحتويني )

ووقفت تايه قلب ( والصمت مرساي)
كيف أتكلّم!! ( والقلق يعتريني )

قلت ويديني تستر دموع مبداي !
عفواً .. فمان الله ( ربّي عويني )

مافادني عشقي وشعري ونجواي
ولاعاضني كثر التعب ( في سنيني )

بكيت شمس وشمس لو شافت ابكاي !!؟؟
أظنّها ياتنتحر .............. ياتجيني !



راشد ..

[راشد مقبل]

ل أجتمعنا واللقى مفتون تينك
لاحظي دقات قلبي .. ينبضنّك

وراحتيني لاخذتها / راحتينك
ماأبيها ترجع ل صدري فدنّك


راشد ..

[راشد مقبل]

جزء من النص مخلوع

بعد ماكسرتي (ويل قلبي) و( يامال)
وجدّدتي إحساسي بعطر التفاني


مضى ثلث عمري في تبارك والأنفال
وشكراً .. وأحبك .. ( وإحضنيني عشاني)


راشد ..

[راشد مقبل]

على إنتظار ووعد عشاق )طال الوقوف
‏وظلالي أعزل ويصغر ف اندثار السنا ..

‏لاتنشدوني بعد زاد التعب ويش أشوف ؟؟
‏في وقفتي مال شوفي والرحيل انحنا

راشد..

[راشد مقبل]

ياعابره فالطريق ب عبرة العابرين
‏ماياخذ القلب من مشهاه غير العنا !!

‏لو يسقي الغيث دار المُتعبين سنتين
‏من وابل الغيث ماندري من اللي جنا !

‏ان شفتي انك بديتي للزمن تنحنين !
‏تصبّري بالدموع وقولي الله لنا

‏ماعاد أبسأل عليك ولامتاك بتجين !!
‏لو كنتي ل ظلمة أحلامي ملاذ وسنا


راشد مقبل

[راشد مقبل]

جيتي غريبه ف إغتراب القريبين
ووطّنتي إحساسي وصرتي قريبه

ماكنت أظنّ ألقى وطن فالغريبين
الاّ بعد عشتك وطن .. .. ياغريبه


راشد ..

[راشد مقبل]

شتات ..
تناقض ..
وجع بال وإحساس
___________________

( الله يكون بعون من تجتمع به )

[راشد مقبل]

لامتى وأنت حزنك يستظلّ المحاني
كنك تقول ( صدرك ملك قلبي وحزنه )

والله إني حزين ( ل عشقك وللأماني )
مابقى دمع ! يطمع فيه حزنك وأخزنه

هايم ً فيك! وأنت إنسان مجحف وأناني
ماتبي من سماي الا يصبّ لك مزنه ..

وكل مامرّ حزنك ..( غبت بين الثواني )
لامتى وأنت ظالم ( قاف عشقي ووزنه )

راشد ..

[راشد مقبل]

من غابت التضحيات الشوق ليش استمر ؟
من ينزع الشوق من قلبي وشكره جزيل


م أحتاج غيمه على شجرة جفافي تمر !!
أحتاج حطّاب يحطب مابقى من حصيل



راشد ..

[راشد مقبل]

بعيداً عن نرجسيّة شعراء جيلي
وقريباً من الشعور اللحظي
سأكون هنا ...!



‏دايم معاك إحساسي يكون حسّاس
‏وأحسّني ( مقرود حبّ ) وسعاده .....!

جيتي أمل .. جيتي عذر .. جيتي الياس!!
لايف شعوري مايعرف الإعاده ...

أعيش معك اللي ( يجي بين الأنفاس)
لو كان ثوب الحزن يلمع سواده

كيف أتجدّد وأحترف حصر الأقواس
وأثبّت إحساسي معك للإباده

وإن متّ فيك وعزّوا ف موتي الناس
قولي رحَمْه الله ( وجاب الشّهاده )


راشد ،،

[راشد مقبل]

سعد الحريص كتب إحساسي يوم قال


ضاقت الارض واشتد الزمان
.............. راح وقت الهموم الشاعرية

من فقدتك واناماني بأمان
.............. والقصايد ماعادت منبرية

كنت اجيلك وكان الشعر كان
.............. ورد روحي وقلبي مزهرية

اكثري حب واكثرك الحنان
.............. وش كثر كانت الدنيا طرية

من حنانك يضيق بنا المكان
.............. وين ما اروح القاك اكثرية

[راشد مقبل]

تايه وأحسّ الكون ماهو ب كوني
والحزن كنّه ماخذ البال وإيّاه

اللي بقى دمعي ب داخل عيوني
جيت أفضحه ب أوجاعي وربي أنجاه



راشد،،

[راشد مقبل]

لو كان شوقي طفل يمكن تشوفينه
‏على حنين الشوارع / يربك أرصفتي

‏مكبوت../ وأكثر من اللي ماتعرفينه !
‏مافيه فقدن يمر ...... إلا بمعرفتي



راشد،،

[راشد مقبل]

[col


‏صوتي .. كآبه وانكسارات ... وجروح
‏مدري وش اللي صار في وضع صوتي

‏وان قلت هذي مسألة وقت .. وتروح
‏لقيت في وجه التباريح .. موتي


راشد،،

[راشد مقبل]

للتعب ريبه وأنا شاعر وأعاني
من ضياع ومن تعب مليان ريبه


أنت وش سوّيت فيني يازماني؟؟
راح نصف العمر ماااعندي حبيبه

راشد ،،

[راشد مقبل]

ياتاركتني للسهر مات الإحساس
هذي معاناتي وهذي جروحي

ماني بناقص تاخذيني من الناس
يكفيني إنك تاركتني ب روحي

راشد ،،

[راشد مقبل]

قفّت بي الدنيا من الحزن للبيت
واذا سألتي كيفك؟ أقول طيّب

ومهما خذتني منك الأيام وأبطيت
أنتي من إحساسي وقلبي قريّب



راشد،،

[راشد مقبل]

أجود لاجادت لي ايدين الأيام ، ، ،
وأصبر ليا شفت الظروف الشديده

أمشي وأقول الخير قدّام قدّام
لي ربّ من فضله بتنعم عبيده ،،

[راشد مقبل]

أنا أقول الحبيب ان طال صبره تمطر أهدابه
اذا شاف الضمير الحيّ يجرح خاطر الصابر

بصيص النور غطّاه النصيب وبرّك اركابه
على جال الطعون اللي تغيّر وجهة العابر

أنا من خلقتي ماأحبّ أكون الفقد وأسبابه
وأجي كلّي ليا شفت العدود تروّي السابر

وأنا كلي فدا .. كلّي فدا للحبّ وترابه
ولكن لاتمادى الصدّ مالي فالهوا دابر


راشد

[راشد مقبل]

[

تعبت أعاني من جروحي وجيت أستريح
في قلبك الوافي الوافر ربيع الهدب

مع غيرك أحسّ حتى ف إرتفاعي مطيح
ولا طحت في قلبك ألقى الإرتفاع ب أدب

وشلون أقاوم ورفك المستفزّ المديح
ياوجنة إحساسي اللي مالحقها (ندب )

خبّيتك ب أريحيّه ف المكان الصحيح
وغطّيتك ب نرجسيّه بالضلوع الحدب

راشد



[/b]

[راشد مقبل]

أغيب مٌكره ويتعثّر مدادي
وأضيّع الغايه وأخاف الوسيله

تعبت أخيط جروح قلبي وأنادي
ياصابرين ! الله يجيب العقيله

ماكنت عادي لو يقولون عادي
كنت أروي أوزاني بفيض المخيله

لكن ليا طال الزمان الرمادي
ماعاد لي في باقي الوضع حيله


راشد

[راشد مقبل]

لاتاخذين بخاطرك بعض الأوقات
لاطوّل غيابي ! وعانق ظروفي


والله ياني ألبس الحزن مرّات
لبسي لثوبي يوم يستر كتوفي

وعلى كثر مافيني إحساس وآهات
على كثر ماتندثر في وقوفي

في قلبي أحباب وحياه ومتاهات
كم صبّوا إحساسي لخطوة حروفي

أنا حبيس نهايتي فالبدايات
وأنا الوحيد ( المجتمع في نكوفي)

ماأعرف أقول أسباب بعض الغيابات
ب أقول لك هاتي عيونك وشوفي



راشد