نظرة و صمت ~> حصرية

[أنا فداهم]

*
مدخل~
من قطع مسباح فكري وأنا أعد خرزه
من حضر في بال صمتي وانا ادور حكي!
‏من خذا للبعد خنجر وبالصدْر غرزه
‏منهو اللي يحْسب انه اليا اقفى بشتكي!

*

لو الحمل اللي أشيله أستطيعه ..!
ما شفتني كل ما أمشي تنهدت

يا قلب طعنات محبوبك فضيعه ..
ليتك من أول جرح جالك تعلمت

حبه بضاعة يشتريه و يبيعه ...
وأنا أعرفه كاذب ولكن ما تكلمت

كانت الفرقا من قيوده سريعه
وأنا على فرقاه لا ما تندمت ..

تكفى يا قلبي طالبك لا تطيعه
يغنيك عن ردّك نظرة و صمت

ما دمت شايل حملٍ ما أستطيعه
وش عاد تفرق لا من تنهدت !


مخرج~
منهو اللي عشّم القلب حب .. وفززه
‏يحسب انه لا تركني على غفلة ذكي
‏بقلعه من تربة الروح غصن .. وبركزه
‏رمح نسيان ورميته وانا اصلاً مرتكي!

[Ro7i.enth]

صح اللسانك يالششاعر ،

قصيدة جممييله و تحمل معاني كثيره ،
اغلبها ، طعن ، فرقا ، رائع ، والله يعين اصحابها ،

لاهنت يالشيخ ،
ودي

[مساحة قلم]

احترت اقول لك
صح لسانك على المدخل
او نص القصيده
او المخرج
لانها كلها في غايه المتانه
قصيدتك صمت وصمتنا في حرمتها جمال
يختم ل3ايام
وخمس نجوم
وتقييمي

[وهج]

وبين الطّعنة ، والتّنهيدة ، والصّمت

كان الطّريقُ شاعر ، والشّعر.. شعر

والمدخل يفضي إلى مفردة لا نودُّ الخروج منها


لا جديد سوى الإبداع والتألق

والحرف الشّجي المميّز

[سلمان]

صح الله لسانك انا فداهم

شاعر جميل ومبدع

حترامي وتقديري