حبيبتي وملامح اليتم

[راشد مقبل]

طابت أوقاتكم وحياتكم





حبيبتي هاليتم غيّر ملامحك ،،،،
وصارت علاقاتك بحزنه حميمه

مدري ش أقول أخاف أواسيك وأجرحك
وأبقى بقلب أهوج ،،، وعبره عديمه

لاجيتي تخبّين حزنك ،،، توضّحك
عينك ورمشة فقدك المستديمه

أنا فدى يومك / وغدّك / وبارحك
أبي أشوفك من عشقت القديمه

وأصير لك عن كبوة اليتم مسرحك
وأشاركك روح الحياه /.. الكريمه

وأمرّر الدنيا ب قلبي ل صالحك
وأنتي لي بعطفك عن الجدب/غيمه

وأغفى ب رحمة همسك وحلو مالحك
وأصحى بصبحك وأستصحّ بنسيمه

حبيبتي/ مستقبل الحبّ يشرحك
دامك عطيتي عطر الإحساس قيمه

لاعاد تعطين اليتم بال / يذبحك
وتجاهدين الذكريات العقيمه

وخليني أسهر في عيونك وأصارحك
وأقول لك لبّ الحروف الأليمه

وأرجّع اللي باقيٍ من ملامحك
مادام أنا عاشقك م أنتي يتيمه


راشد مقبل ،،

[إرحليّ بسكـآـآت]

منفرد بالأفكار
صح لسانك.

[وهج]

" وأمرّر الدنيا ب قلبي ل صالحك "

ما أجمل الصّورة !!

وأغفى ب رحمة همسك وحلو مالحك
وأصحى بصبحك وأستصحّ بنسيمه

عندما يختزل الشّاعر التّعبير الكثيف
بالطّباق، والصّورة الرّشيقة في بيت
فهو شاعر .

[العـ(احمد)ـالمي]

قصيدة فيها صور جمالية جدا
فيها من الطباق والجناس والمقابلة
صراحة هذي معزوفة موسيقية

وأرجّع اللي باقيٍ من ملامحك
مادام أنا عاشقك م أنتي يتيمه

صح لسانك

[أعد النجوم]

صح لسانك

ابيات راقية

يختم ل 3 ايام

[راشد مقبل]

منفرد بالأفكار
صح لسانك.

صح بدنك وشهادتك وسام ع صدري لاعدمتك

[راشد مقبل]

" وأمرّر الدنيا ب قلبي ل صالحك "

ما أجمل الصّورة !!

وأغفى ب رحمة همسك وحلو مالحك
وأصحى بصبحك وأستصحّ بنسيمه

عندما يختزل الشّاعر التّعبير الكثيف
بالطّباق، والصّورة الرّشيقة في بيت
فهو شاعر .








قليل من كثيرك وهج

[راشد مقبل]

قصيدة فيها صور جمالية جدا
فيها من الطباق والجناس والمقابلة
صراحة هذي معزوفة موسيقية

وأرجّع اللي باقيٍ من ملامحك
مادام أنا عاشقك م أنتي يتيمه

صح لسانك

صح بدنك أحمد ومرورك شرف لي وإشادتك بالنصّ تعني لي الكثير

[كابوس]

صح لـسانك آخ راشد
مبببدع

[راشد مقبل]

صح لسانك

ابيات راقية

يختم ل 3 ايام

مرورك واحتفاءك له مكانه خاصه
شكراً كالسماء لك