المساعد الشخصي الرقمي

مشاهدة النسخة كاملة : ليت الورق يقرا وش اللي كتب فيه


حنآيآ الروح
11-28-19, 05:05 PM
.
.

ليت الورق يقرا وش اللي كتب فيه ..
و ليت القلم يدري وش اللي جرا به ../

ان كان ما تمسي فـ صدري مشاريه ..
و لا اتضايق لو تضيق الرحابــــه ..//

وا. صوتي اللي عجزت الناس توحيه ..
غريب يوم اصوات غيري تشابــه ..//

البيت بيتك و المواري مـواريـه ..
لـكـن كـبـرت و لا كـبـر مـعــك بــابــه ..//

و الناي لو نقض جروحك بـ أغانيه ..
جـروح غـيــرك نـقـضـــتـهـا ربــابـــه ..//

ما هو يتيم ان كنت انا اللي مغنيه ..
و لا هـو فـقـير ان كان جرحي زهابه ..//

و الغايب اللي يغري الشعر طاريه ..
مـا قــل قــدره لــو يطَــول غـيـابــه ..//

كم لي و انا احث القصايد تخليه ..
حتـى تلاشـت رغـبـتـي في الكتابـه ..//

و الشعر لو يفقد حروفه و اساميه ..
مـدري وش اللـي بعـدها ينبغابــه ..//

احترت بين اعتب عليه و اراضيه ..
اخـــاف لا يـجـرح رضــــاه بـ عـتــابــه ..//

أحيان أقول آبيـهـ , و أحيان ماآبيـهـ ..
الا ابــيـه و لـو يـــــبــي لـي عـذابــه ..//

يـ اللي تجونه دامني مااقدر آجيه ..
وصــوا ذهـابه .. لا يـشح بــ ايـابـه ..//

و قولوا له اني من كثر ماني أغليه ..
اشـرب ســرابـه و ارتوي من سرابه ..//

و على كثر ماانسى اذا قلت ناسيه ..
دار الــزمان و جــاب عشقــه و جـابـه ..//

حنيت لـ أيامه و ضحكت لياليه ..
قـبـلـه و بـعــده كــل وقـتــي رتـابـه ..//

ان لمت قلبي عاقبتني محانيه ..
و ان قـلـت أبرضا عـز نفسي رقابـه ..//

البارحه كنت اكسر الروح و انهيه ..
كان الـورق ارض و عيـــوني سحابـه ..//


مما تصفحت وراق لي

أعد النجوم
11-28-19, 06:08 PM
صح لسان الشاعر قصيدة جزله

شكرا لك على النقل

حنآيآ الروح
11-28-19, 06:45 PM
الف شكر على مرورك الرائع والمميز
منور صفحتي بتواجدك خيوو

غلاهم 1
12-04-19, 12:03 AM
يعطيك العافية

MR.ROY
12-15-19, 01:45 AM
للقلب حواس اثنان، حاسة الورق و حاسة القلم

الورق يتبنى مشاعرنا يتبني احاسيسنا، افكارنا

و القلم يعبر عما داخلنا، يخفف معاناتنا و يوصل اهاتنا

حين نكتب و نعبر تصل افكارنا مقروئة،

و حين نستغرب عدم وصولها اعلموا ان الحبر جف او دمعنا محا ما عالورق

جميل الانتقاء و دوما الى الامام

مستر روي

العـ(احمد)ـالمي
12-15-19, 08:58 AM
الله الله نقل جميل وقصيدة بديعة
احترت اي بيت اختار منها من جمالها
لكن استوقفني هذا البيت :

يـ اللي تجونه دامني مااقدر آجيه ..
وصــوا ذهـابه .. لا يـشح بــ ايـابـه ..//

وصف في منتهى الروعة هذا لحن
موسيقي وعزف فنان ربي يعافيك

سلمت يدك على النقل الرائع

حنآيآ الروح
12-16-19, 04:59 AM
شكرا جزيلا على مروركم
منورين صفحتي اعزائي :رحيق:


SEO by vBSEO 3.6.1