مشاهدة النسخة كاملة : من يُعيد لي بهجة الماضي ؟
السلام عليكم ورحمته الله و بركاته
اليوم الأثنين الثاني من ديسمبر لعام 2019 ..
تشرفت بـ الإنضمام معكم و في إنشاء المدونه
اُمني نفسي بأن أكون ضيف خفيف عليكم
عطاء دائم
12-02-19, 08:18 AM
السلام عليكم ورحمته الله و بركاته
اليوم الأثنين الثاني من ديسمبر لعام 2019 ..
تشرفت بـ الإنضمام معكم و في إنشاء المدونه
اُمني نفسي بأن أكون ضيف خفيف عليكم
وعليكم السلام ورحمة الله وبركاته
أهلا بك اخي الفاضل
نورت المنتدى
نتمنى لك طيب الاقامة والاستفادة
حزة فجر
وطيوفهم دايم تمر
وين العذر ؟
مابه عذر
حنا تعودنا كذا
نسهر الى نور الفجر
قلب طامح
بس اقداره بخيله
وضع قاسي
يشبه لبرد المواني
عانقتني امنية جميلة
لكن للأسف نامت مع باقي الاماني ..
وشتينا
و بدت ترجف أيادينا
ليالينا غدت أطول من الماضي
ونحتاج الدفى و معطف على أطرافه
عطر شتوي نشمّه في تلاقينا
لا تهز المشاعر في سبات الكلام
قيمة الصمت اثمن لذيذ الحكي
ما بقى بالعواطف غير جرح و ملام
و مابقى بالمحاجر غير غصّة بكي
عندي حنين
وركن هادي و ساكن
ودي اهيم : بـ ضجة الغيم
وارتاح
اللي سأل : منهو ترك هـ الأماكن ؟
عابر، خذا حلمي وضيعني و راح
كبرت سنين كسرت حاجز العشرين
حبيت اكثر من اللازم
عرفت ان البني آدم سوالف طيش و ذكريات
وطين.
و صار عادي من يروح و من يجي
تبلد احساسي و ماتت لهفتي
ما بقى في صفحة كتاب الأماني ، غير هانت و عادي و عوافي
ودك تغيب ؟
الله لنا - ما لي معك حب ونصيب
ودك تجي ؟
أنا هنا، "واقف و أدوّر لي حبيب"
يا شارده
بعض المشاعر باردة
بعض الأماني في وصالك من ذهب
القلب نار من الهوى
و ضلوعنا مثل "الحطب"
ردي على رسالتي
آخر رسالة وارده
وش بقى مني معك
هجرك
إهمالك
تجاهلك المُمل
و البرود اللي كسر فيني الأمل
ليه أبي أبقى معك ؟
صدق ما فيني عقل
دام تنثرني : أنا ليه اجمعك !
وش هو الشقى؟
قلبين ماتوا من الوله
ما ضمّهم موعد لقى
خانقهم احساس اشتياق
ذابحهم احساس الفراق
وين اللقى ؟
مابه لقى
وكلٍ على حُبه بقى
واذا قصدك ليالينا
و زمان و مر
وش اللي عاد بإيدينا
كتاب العمر شطب حتى اسامينا
و شتت كل امانينا
لو يبيك أغناك عن غيره و بقى
و لو تروح ما يروح و يضل يحتريك
لو يحبك كان يطلبك اللقى
لو هو صادق عن جروحك يحتويك
ببتعد عنّك
وعن باقي علومك
وانت عيش الطيش من ذاتك لذاتك
لا اسأت الظن فيني ما الومك
كنت انا الشي النظيف اللي بحياتك
الحكي مرات ـ ما يملي السطور ـ
وياكثر ما يجهلون العابرين .
السكوت اعظم مراحل بالشعور
والدموع اعذب كلام الراحلين .
أنا عديمك يا الأمل
و أنا “رهينك يا الظنون“
اليأس بأحساسي ثمل
و الناس ما أبيها تمون
من باب حبينـا نمل
و من باب ملينا نخون
عهدك قديم
جرحي برى والله العظيم
شفني نسيت
ياللي على قلبي قسيت
ماعاد افكر بالهوى
صدري ارتوى
و حبك من البدايه
اصله عقيم.
أنا مشتاق . . أنا ميت لقى وعناق ..
تصدق عاد ؟
خجل وجه اللقاء . . منّا وحنّا بعاد !
لا تلمح له
و هو ما يحس
لا تميل لشخص بإحساسه بخيل
إلتفت للي يحبونك و بس
و إترك اللي جاز له درب الرحيل
بكرا يعدينا العُمر
و اصير انا قصة مساء
غناها لك طير حزين
سافر و لا دل الرجوع
سافر و لا لبى النداء
يا نصيب الغير يا جرحي القديم ..
انشد الأخبار عنك و العلوم ..
يا أجمل احلامي و الواقع أليم ..
عزتي للحب يـا خلٍ ظلوم ..
كافي كذب
يا ضحكتي كلنا اوجاع
ليه المكابر والسنين تعصرنا ؟
يا دمعتي طيحي من العين للقاع
و يا قاع لا تشره ترى من ”قهرنا“ ..
بكرا شتات
بكرا مثل ماضي العُمر
قطعة فتات
و أحلامي
اللي مقبلات
خذها فدى
أصلاً كذا و اï»» كذا
"راحت سُدى" ..
ياصباح السنين اللي مضت
والقلوب اللي وفت
والذكريات اللي بقت
ياصباح احباب راحوا
وفي الغياب استراحوا
ياصباح الحنين لايام من ذيك السنين
و اذكريني في صباحك
لا سكن جو الشعور
لا هدت كل العواصف
و ما بقى غير الحنين
قال بصراحه وين عندك مكاني ؟
قلت بعيوني بين تيّا وتيّا ، يعني لحالي ؟
قلت لالا وثاني ، حبٍ قديمٍ جيت اشيله وعيّا !
على ذكرى الغرام
و سكة الاحلام والتقصير
مشاعر رددت في غيابك
كان العشم اكبر ..
اغراب تسولف لي ترى هذا الوطن كذاب..
واسولف لك انا مثلة بعد اكذب
-سكنت بـ موطني لكن سكني حسّ متغرب
يا اصدق كذب جربتة
يا اطهر ذنب ما تبتة
عشان الليل ياغيمة..
عشان الصبح والشرفة..
عشان عيون ما نامت
عشان عيونك الترفة تناسي اننا احباب
قال علمني عن السحر المباح
قالت علمني عن القلب الخلي
يا مقيدني وانا حر الجناح
لا تبعثرني وانا بك ممتلي
انت اللذي حلفتني وحلفت لي
و حلفت انك لا تخون فخنتني !
و حلفتُ انك لا تميل مع الهوى
اين اليمين ؟ و ما عاهدتني ؟
الشوارع تشهق اوجّاع السنين
والمدينه ما غفى فيها جفن
ماتت الاحلام يا القلب الحزين
غيبته تابوت واحزاني كفن.
يالساهرين
المرهفين
المرهقين
الليل نايم من زمان
و انتم على هذا الحنين ؟
وافين حتى لـ السهر ؟!
بس السهر خاين لعين !
تذكرني بغروب الشمس
تذكر لهفتي والهمس
وانا أبتذكر عيونك
وأبتذكر لقانا امس
صباح الفضفضه للشمس
حبيبي غايب ما شفتوه ؟
صباح التمتمه والهمس
تراني إشتقت له جيبوه !
بين ماضي مبهج و حاضر بليد
شاورتني صورتك : نرحل سوا ؟
جاوبتها خطوتي طبعًا و اكيد
هو انا لي غير هالذكرى هوى !!
ما أحب أجبر وهذا منهجي
ليه أصحي ناس عني غافلين ؟
كان ودك تجي أغلى من يجي
ولو تزود غياب أغلى الغايبين !
يامدينه سولفي حزن اغترابي
وسولفي كيف الرحيل ابلا وداع
واذكريني لانسوني في غيابي
وقولي اني مارضيت بـ هالضياع ..
ما شكيت
ما بكيت
ما التفت لأحد
تعرف ؟
لو يمتلي كوني باللي يبعدون ؟
ما احن
ما اعترض
ما انتظر رجعة احد
هذه قبلتي الاخيره على جبين غيابك
هذا قسمي الثابت على أن لا ترعبني
الذكريات ولا يخيفني الغياب وهذا
عهداً امام الله بأن لا اتوسلك رجوعًا
وعن احوالك ؟
عن ايامك و سهراتك !
عن الماضي ..
في تفكيرك !
عن البحّة في اناتك !
عن البوسة و عن الضمّة
كثير احن لـ حالاتك !
يا شقى احساسنا
لا حظوظ تلمنا
ولا يدين تضمنا .
يستريح الحرف .. في صدر الصبور
ما يبيح ، السّد لو شان القدر
داخله زحمه - وخذا صمت القبور
حاول يفضفض ولكن ، ما قدر“ .
ملامحك تلبس وجيه العابرين
وصوتك العابر في حناجرهم صدى
وحدك زحام يطوق الدنيا حنين
وين ما صديت شفتك لي مدى .
عن بدايات الصباحات اسألوني
أنا أكثر من نطر شمس الصباح
كل ليله تسهر غيابك .. عيوني
يا جنوني ، و نشوة العشق المُباح
اذكريني كلما الفجر بدأ
و اذكري للأيام ليل السهر
و اذكريني كلما الطير شدا
و حكى للغاب ضوء القمر
ماعاد به صاحب
على الصحبه يصون
كلٍ ورى مصلحته مشى
إذكريني كل ما ضايقوك
و اذكري كيف كنت احاول امحي ضيقتك
لجل اشوفك تضحكين
وش احكيلك ؟
و مبسم خافقي عطشان ضمى سواليفك
يا دوله شعبها النسيان
يا دنيا مابها غيرك
وش احكيلك !
انا كافر ، وماشوف الفراق إيمان
انا كافر اذا نص ( الوفا ) حرمان
انت كافر لو عنك تجيني فكرة ( اسافر )
ما عاد باقي في حياتي موده
ولا عاد باقي بالزمن شيء ارجيه
حلمي كبير ورُمح الاقدار هدّه
وقلبٍ تحطم كيف تجبر هقاويه
ملامحنا اغاني راحلين
و لليل سوالفنا حنين و هيل
و صرنا للحزن اغصان
و اول ما تهب الذكريات بعتمة الماضي
يحركنا الحزن و نميل ..
لا افقد و لا اُفقد .
اتيتّ مُرحبًا بك !
لم تأتي سلامًا عليك !
انا مُتفرغ لنفسي و فقط
و بالمناسبة شكرًا لِحُبك واهتمامك اللطيف
لكنيّ لستُ بحاجته.
اذكريني كُلما ..
اشعل الحُب حَريقه ..
و اذكريني مِثلما ..
يذكر الزهرُ رحيقَه ..
و اذكريني رُبما ..
يصبح الحلم حقيقه ..
إذكريني لاطق المطر ..
و هبّت النسمة عطر ..
إذكريني من أول أنفاس الفجر ..
حتى آخر الليل و الدهر ..
ما يحس الليل في شهقة حنين
ما يجيبك ضيق لو صاح الفضا
انت اكثر شخص في بعدي حزين
و انا اكثر شخص بالخيره رضى ..
نام ياطريح الحلم والظلما حطام
لا تهز غصون طيفه
ما يطيح من العتب إلّا خريفه
حاول تنادي ربيع الذكريات
و أفرش أحلامك على جمرة رصيفه
و أنت نام !
حاكني إذا طلّ الفجر
وبان بعيوني الحنين
وإذا سهرت الليل على ضو القمر
حاكني أنا جداً حزين.
كنت احاول .. ابتسم رغم الظروف
ومرت ايامي ودمعي ماسقط
مابكيت الا على بعض الحروف
وما ضحكت الا على نفسي فقط.
تمرني ذكرى ليالي قديمه
في محتواها سالفة عمر
واحلام ، شوق وصفا قلب و نوايا سليمه
ماقول غير الله على ذيك الايام .
على سبيل اللاسبيل
الى اللقاء المنتظر
ياخاطري صبراً جميل
لا تبتئس هذا القدر
درب اللقى دايم طويل
ودرب المفارق مُختصر
مامن جديد
-نفس العمر-
باهت و مُر
نفس اللقى
إما شقى ولاوداع!
نفس الطريق
اللي يودي لـ الضياع
واللي بقى
ذكرى على جرحي تعيد
مامن جديد.
غدًا نمضي كما جِئنا
و قد نَنسى
و قد نُنسى
فلا يبقى لنا شيء لنذكره مع النسيان
و يكفي أنّنا يومًا تلاقينا بلا إستئذان.
السهر : دافع لـ : ( نبش الذكريات )
وش نسيت و وش ذكرت و وش فقدت
حتى لو قلبي على الصبر .. إستمات
ليتني : قبل أذكر الماضي ( رقدت )
ماذا عن الليل و صفاء القمر ؟
عنك و عني و عن تلك الصور !
هل تمطر السماء لنا لقاء مُقتدر ؟
أم نكتفي بتأمُّل القديم من الصور !
على الوادي
على موُتي وميلادي
على كف السهر والاوجاع والعادي
نعم عادي تعودت
الجفا والبرد
وانك تبخل بـ زادي
وانا اللي من هواك ابكي
على لون السماء الهادي..
تذكرين ايام كنتي فيها
تهتمين ؟
تشتاقين ؟
تسألين ؟
ارجعي مثل اول
ترى كنتي اجمل
لو تذكرين !
أتفقنا نفترق متسامحين
وأعتذرنا لـ الوله والذكريات
كنّا أجمل ما خُلق بالعاشقين
لكن الله ما كتب فينا حياة
ما تشبه إلا المطر
مدري القديم من الصور
أو الحنين اللي بعد رحلة سفر
و أنا ؟ أنا ما عدت أدري من أكون
يا ليتني لـ عمرك عُمر .
لا تعيش بلا امال ولا هدف
ولا تقول ان الزمن دايم بخيل
اجمل الاشياء تلقاها صُدف
والفرح دايم ورى الصبر الجميل.
الحلم ودّعني وماكنت له راضي
وفيت له من قلب لكن تمرد
مستقبلي مبني على شي ماضي
انا مجرد شخص .. حلمه مجرد
النصيب يصيب
لو جاتك ظروف
والفراق فراق
لو زان الطريق
حاضرك عيشة
ولا تناظر وراك
حبايب الماضي
ماضي وانتهى.
جو هادي
مثل حلمي لا سرق مني رقادي
يميني ورد و يساري برد
ومن قلبي التعبان عادي
المهم هالصبح هادي
احتريه في صباح النايمين ..
و وجهي الذابل تعابيره تفا ..
يا عيوني ليه باقي تحترين ..
لو يحبك عن وصالك ما غفا ..
تجي بكرة تجي تسألني عن : حالي
بخير و ماني بناسي
تعبت استودع الذكرى
عجزت أودع أنفاسي
فقد مني العذل صبره ..
وصبري صابر و عذره
يجي بكرة.
هانت على ريق الامل فيك غصات
راحت مع الموعد هذيك الهبايب
خل اللقى ميت ما دام الوهم مات
ماعشت لجل اشتاق لك وانت غايب
ممتلي بالحزن وايامي عنا
والحبايب باختصار ”الكل جرح”
كلهم عاشُوا الفرح
إلا أنا
صرت شخص
غير قابل للفرح
في ليلة كنها الليلة
عرفتك بسمتي و فجري
و في ليلة زي ذي ليلة
وهبتك بالأمل عمري ..
زي الزحام
زي الفراغ أجهل معانيه
او بالأصح زي الحنين
إللي ملاني لشخص
ما أقدر أجيه
مابقى غير الصور
اﻻ السهر وضي القمر
يذكر معي اللي مضى من قصتي
وكيف الهوى بقلوبنا اصبح اثر
تذكرين الوعد اللي وصفتيه بالضياع
وطاري الفرقا اللي كنتي تكرهين
وهاذي الليله اسولف للغياب
كانت هنا وللاسف ماتسمعين.
ليت وقتي خطوته ترجع ورا
ودي بذيك السنين اللي مضن
اه ياشخصن ليا منه طرا
ابتسمت شوي وعيوني بكن ..
الشعور اللي احسه
ماتحسّه
والغياب اللي هلكني
صار عادي
والخفوق اللي احسه
مات حسّه
كم ينادي
ولا حياة لمن تنادي .
خذاك بكره
بعد ماضيعك امسي
جيت المكان القديم
وطارت طيوره
انا اسولف معك لو كنت مع نفسي
في بالي اتخيلك
بالصوت والصوره..
عادت على كف الحلم
و إستكثرت فيني السلام !
مرّت على حبر القلم
مرّت ورافقها الكلام ..
يا حزن لون الفجر وُ ورد الخريف ..
ياطرب عصفور والعالم اصم
يا صباح الذكرى وصوت الحفيف
يا فرح عقب الغياب نام و حلم ..
لم احبك لأنك الأجمل
رغم انك الأجمل
ولم اعشقك لأنك الأوفى
رغم انك الأوفى
احببتك
لأنك نصف الروح
ونصف العقل وكل القلب
انا رسمتك حلم وضويتك شموع
وضاع حلمي والشموع اطفيتها
مابقى لي غير همي والدموع
والذكريات الي معك قضيتها
شوارعك الحزينه تسال الزوار
متى ذاك الغريب ، لـ موطنه يرجع ؟
انا واطفال حيّك والشتاء والدار
نحبك كلنا يالقاسي المُوجع
ظلّك اللي ملا الشارع حمام
كان عُمر ومن أنفاسي أَفل
اظهريلي من أعماق الزحام
واضحكي لي عشان أرجع طفل
سأحبك و كأنك قد وضعتِ امانه في عنقي ..
و كأن امك قد استودعتك في قلبي ومضت
مُطمئنة كأن الكون كله قد اوصاني عليك ،
فإن اصابك المرض فهو زارني و إن اصابك الضيق
فقلبي لأجلك يضيق ، وإن عشتِ البؤوس
فأنا معك سأعيش .. و إن بكيتِ فأنا عينًا اخرى
تبكي معك .
يا حنيني
وش بقى فيني
غير أماني تنتظر
لحظة لقى ..
اذكريني لا بغيتي غيري تضمين واذكري ضمتي يوم اشتاق لك.
التقيتك في وسط سطر قديم
كاتبه من لهفتي يومك معي
كل ذكرى بيننا جرح أليم
كنه يقول لـ عيوني ادمعي.
الى متى و اوراق عمري تبعثر؟
بين الرحيل وبين غربة مكاني
كريم ياحزني يجي منّك اكثر
بخيل يافرحي وحظّي اناني.
غنّى الوجع..
في ظلام الهمس
تباً للأحلام والذكرى..
أشيائنا المُفرحه في الأمس
هي نفسها المُبكيه بكره.
ثار السكوت
و مات بالصمت ميعاد
بحّت حناجر صمتنا ماحكينا
أرواحنا تعانقت لحظة حداد
ماتت سنابل حلمنا في يدينا ..
دمعة شقا طاحت على خد الأيام
ياخاطري المكسور شد أمتعتنا
لا عاد ترجي شي من طرد الأحلام
"احلامنا لو تستحي ما جفتنا"
vBulletin® , Copyright ©2000-2024,