المساعد الشخصي الرقمي

مشاهدة النسخة كاملة : أنا جيت كلّي ..


قيثارة
12-16-19, 09:50 PM
أنا جيت كلّي / محمد ابن فطيس المرّي




ماهو بكيفك عقب شيٍ حصلي .......... من ذوّق المحتاج يصبر الى احرجْه
خليتني من حلو حاليك احلي .......... واصبحت مدمن حب والقلب روّجْه
بين العروق وصار مافيه " ملي ".......... الا وله جُرّه تمرّه وتسهَجْه
وذود الغلا في عشب قلبي تفلي ........ وتراب صدري للمطر منْك ما احوجْه
يمحل الى صدّيت ويموت يا اللي ......... صديت عنّه والله احياه واخرجْه
ولي خاطر ٍ يسألْك من لي ياخلي؟.......... غيبتْك تلعب به وشوفتْك تبهجْه
ولي عين حالي دمعها لك يهلي .......... وانْ رحْت راحت مالح الدمع تزعجْه
غالي ولا يحتاج بسّك تغلي .......... غلاك اخذ قلبي وروّضْه واسرجْه
ولو قلت ياعيني بصدره تملي .......... شافت خفوق ٍ حبك الذرْب توّجْه
وماهو على كيفك عقب ما حصلي .......... من ذوّق المحتاج يصبر الى ازعجْه
(عطيتني وجهك وانا جيت كلي .......... محروم والمحروم ما ينعطا وجْه)

م ستريح البال
12-16-19, 11:02 PM
ابداااع من اشد المعجبين بهالشاعر

شكرا لذوقك الرفيع بلسم الروح

MR.ROY
12-18-19, 12:01 PM
ياسلام
نزف وعزف
وعهود ومواثيق
ارتقاء بالشعور ونزف من الم

سلم لنا النقل الجميل

قيثارة
12-18-19, 02:06 PM
مستر رايد .. مستر روي
منووووور اخوتي
اسعدني مرورك المميز
مشكوووورين

هاجسي
12-18-19, 04:05 PM
قريت القصيده وجاء. في بالي الاتي



وجه القمر والبدر اثنينهم زين


وإلا وجه الخلق مثل الذبابه




اسرار حسنك يالغلا سحر عينين


تسحر قلوب الخلق لين الإذابه



بين الشفايف شهد يحيي الدفينين


وفي اهدابك الفيه مثل السحابه



ياليتك مدرب وأنا اكون دلفين



نضحك جماهيرا الهوى بالدعابه




ههههههههههه

الحر الأشقر
12-18-19, 10:06 PM
خليتني من حلو حاليك احلي ....... واصبحت مدمن حب والقلب روّجْه


عطيتني وجهك وانا جيت كلي ...... محروم والمحروم ما ينعطا وجْه



آلله الله ع الجمآل والابدآع
صصح لسان ابن فطيس
وسلمت الانآمل ع الذائقة الرفيعةة
ودي :رحيق:

شبح الشمال
12-18-19, 10:21 PM
صح لسان الشاعر / محمد ابن فطيس المرى
ويعطيك العافيه على النقل المميز والرائع

أعد النجوم
12-19-19, 06:05 AM
شاعر جميل

ابيات رائعه

هذا الشاعر فاز في شاعر المليون وبالفعل يستاهل التتويج والبيرق

دايمن ابياته محبوكه ويعرف كيف يكتب قصيده تخرج بجمال غير عادي

يعطيك العافيه قيثاره


انا من اشد المعجبين لهذا الشاعر الفذ

قيثارة
12-19-19, 08:23 PM
هاجسي .. هلال .. شبح الشمال .. أعد النجوم
منووووورين أخوتي
اسعدني تواجدكم الراائع وردودكم المميزة
بارك الله فيكم .. وشكراً لكم من القلب

طاغي النظرة
12-19-19, 09:06 PM
..
احسنتي ما اخترتي

ابن فطيس هامه وانتي ذائقه
لكن مشكله ابن فطيس ودك تسمع له ولاتقرا له ..

شاعر رومانسي
03-25-21, 10:58 AM
إبداع في الطرح وروعة في الإنتقاء :73344:


SEO by vBSEO 3.6.1