تلويحه .. حصرية

[أنا فداهم]

كلامنا متصل بلا اتصال وكلام
واحساسنا مثلنا لكن نسينا الحضور

حنا على آخر ظهور أرواحنا كم عام
أرواحنا كم عام لكن على آخر ظهور

ثلاثة أرباع نظراتك أشوفها اهتمام
وثلاثة أرباع نبضاتي ضحية شعور

ليه الزمن ما يدور ونجتمع يا حرام
حرام عاشت ضحية والزمن ما يدور

أبي محطة لقى مابي محطة ملام
أنا تعبت أمتثل للناس كبر و غرور

سماعتي ضمة أحبك تبيها تنام ؟
وأحبك الساهرة من عام وأربع شهور

حتى الشعور الحقيقي صار مثلي حطام
ما جمّعه غير تلويحة ... وريحة عطور !

تعبت أحسك قريبة وما أحس السلام
وشلون أحس السلام اللي استباحه فجور

ماني بخير وتمام ، أنتي بخير وتمام؟
شعوري المنجرح لو التعازي طهور

دايم نحب البداية و لومنا للختام
ختامنا نزعة أحبك تبي نفخ صور

[الحر الأشقر]

صح لسانكك ي غالي

أبدعت بالقصيدةة

تقييمي لكك

[م ستريح البال]

بدعت خيوووووو دائما مميز واحساسك راقي :DsC00581:

[هدوء احساس]

صح لسانك انا فداهم
ابدعت ماشاء الله
تستاهل التقيم :32:

[مساحة قلم]

مساء الخير عزيزي
انهيت كلماتك ومازالت قصيدتك
متصله في الاذهان
صح لسانك
يختم ل3ايام

[وهج]

جميل شعر وشعور
وحرفك يستفزّ القريحة
فاسمح لي بهذه الوقفة المتواضعة :




الحــظّ لـــوْ هو على يا سيّدي ما يـرام
ما قد شكى واحدٍ من ميل بعض الأمور

ولـــوّ الأماني على مــا يشتهيها الظلام
مـــا كــان للنّـــور من حظّ القناديل نور

اللي يحبك يجي رغم الظــــروف اللئام
مثل انعتاق الصباح اللي يجيب السرور

نصـــف المـــوّدة غرور وحدّةٍ وانقسام
والنصف الآخر على ميل الليالي صبور

خلّ المشاعر على الفطرة بدون انسجام
كـــون الرّديف النّديد اللي يحـــنّ ويثـور

وللشّوق فتّــــح شبابيبــك عشــان الحمام
وافتـــــح لبـــاب التلاقي بك محطة عبور

لـــولا الكـــدر والزّحام الّلي يلفّ الزحام
مــــا كانت أفراحنا تُستَخلَص من الكسور

:81:

[عطاء دائم]

صح لسانك ابيات جميلة
يعطيك العافية