ليه بس في غيابه تصير اليالي كثار /مساحه خاصه في الغياب فقط

[ريما عبدالله 20]

جيـت المكـان اللـي لـنا فيه ذكـرى
قلـت اتسـلا عــن غيابــك بذكــراك
.
مانــي لحالــي فاقـــدك واتحــرى
حتـى المكان اللـي جمعنـا تحـراك

[محمدعبدالعزيز]

كل القصايد من غيابك حزينات

والحرف يشكي غيبتك لا نطقته

[سلمان الخالدي]

حاول انك ماترووووح وماتغيب
جيتك تشبه رذاااريذ المطر

ياشبيه الصبح وياطعم الزبيب
ان تفارقنا يهددنا الخطر

سلمان

[محمدعبدالعزيز]

ما روى صدري؛ولا العٌمر ارتوى
ما هما وصلك.. ولا مات الغياب

[ريما عبدالله 20]

حبيبي لو يطول الوقت او يقصر ابد خلّان
تراك انت الوحيد اللي يشتتني ويلملمني

[محمدعبدالعزيز]

ياسراب البعد ودروب الرحيل
ياظلام الليل لامنه بدا
ياقوافل هايمة وابلا دليل
بين سودماترد الا الصدى

[سلمان الخالدي]

سألت عنه الدار وشفت العناوين
ولقيت انا العنوان قطع الوصالي

نوى مع اصحابه على البعد ناوين
يالله عسى لي باقي في المجااالي

سلمان

[محمدعبدالعزيز]

لو الوصل مـن قسوتك يقدر يلوم
عـود عليك وقال وشفيك جـافي

[سلمان الخالدي]

أتعبتني بالبعد والشوق وحلوم
هذا انا في مجلسك وارقبك حافي

الناس ممشاها على الشرط و سلوم
ولا لها عقب الصبر ياكود كاافي

سلمان

[محمدعبدالعزيز]

كل ذكرى ماتجيب الا الحنين ،
شوق قلبي قاع والغايب سما
وين دربه يادروب الغانمين ..
السماء تمطر وانا فيني ظما ..

[ريما عبدالله 20]

بكرا اذا هلّت عيونك من الشوق
خل الغيابّ اللي بغيته . . يسرك

[محمدعبدالعزيز]

الليل والذكرى وطاريك والصمت
هالأربعه في غيبتك سامروني .

[ريما عبدالله 20]

في غيابك الكلمة تعجز في نحرها
وفي قربك الليلة يحضنها قمرها

[محمدعبدالعزيز]

‏لا يطوّل غيابك منت براعي غياب
‏الغلا وش يضره غير طول البطى !! .

[سلمان الخالدي]

كيف عزمت القطاعه والرحيل
............كيف ما راعيت ظيفك والوفا

يعني ناوي للقسى والمستحيل
..............وناوي تفتح جرح وابعاد الشفا

انا ماغنيت للطرف الكحييل
............انا بشعل نور من كفك طفى


سلمان

[ريما عبدالله 20]

في غيابك لك محبه ، ولك شوق وحنين
وفي حضورك شف عيوني كلامي همّله

[خفوق الروح]

.

طاحت دموع التّعازي على وجه الرحيل
‏ ما بقى لغيابك المُرّ .. حجَّة مقنعة.

.

[ريما عبدالله 20]

لاغبت عن عيني رح انشد غرامك
تلقاك في قلبي مقلط ومحشوم

[سلمان الخالدي]

ليه تبعد عنا ياظماد المتعبيين
ليه فرض البعد مع فرض الحصار

ليه بالاحساس ودك تلعبين
رد لي المرسال واكتب باختصار

سلمان

[تيه ..!]

ها هي الأرض تكمل دورتها
ها هو الوقت يُثمر تفاحةً
وللوقت كفٌّ تداعبني
مرةً
وتقتلني
مرةً
أيها الوقت كن يدها كي أراك
أيها
الوقت
كن
يدها
كي أراها..

[ريما عبدالله 20]

اشتقت وانا من كثر الشوق تعبان
وبكيت وعيني مالقت مين يواسيها

[جرااح]

هل تعلمي ياقمري

كلما اشتقت أليك
ارسلت. لك روحي
لتلقي. السلام. على قلبك
وهكذا أنا رغم غيابك
إلا أنني اقرب إليك من نفسك
فبدونك يمر اليوم. وكأنه لا يمر
وتغيب الشمس وكأنها لم. تشرق
وينبض. القلب. أأهات بلا حياة
ومازلت. حتى. الأن. انتظرك

[ريما عبدالله 20]

يشتاق لك بالحيل قلب ٍ تمناك
قلب ٍ تعشق فيك بكامل وصوفك

[سلمان الخالدي]

هذي يميني وهات كفك ويمناك
هذي بقايا شغلتك والامااني

سحاب شفتك لي ومنى ومناااك
هبت علي اشواق صلف الزماني

في غيبتك ياما سكتنا ورحمنااك
حبك غدا مثل الطبل والكمااني

سلمان

[ريما عبدالله 20]

الله يردك لي واسولف لك عن بعادك
واقولك اتعبني غيابك وتقولي هذا انا جيتك

[محمدعبدالعزيز]

لوغآب زوله داخل القلب ماغآب
يبقى الحشى بيته ۆيبقى مكآنه

حبً تمكن دآخلي ماله آسبـاب
يآ كُبر منزلته .. ۆيآ كُبر شااانه”"

[ريما عبدالله 20]

ترا الغياب احيان من باب الانصاف..
نستخدمه مثل العلاج الضروري..

[سلمان الخالدي]

في البرد نلبس لبس ماهوب شفاف
نلبس ثقيل وما لبسنا الغرووووري

يغيب عن ناظري ولاعاد ينشاااف
من يوم اشوفه يزيد عندي سروري

مهره تبي ترويض وتدريب و عساف
عطره زهر ريحان والورد جوووري

نسناس شوقه فيه من كل الألطاف
وأصبح لي المجمول نقطة عبوري

سلمان

[ريما عبدالله 20]

كل ساعه في غيابك تمضي من عمري سنه

[سلمان الخالدي]

يستمر الغياب ولكن يبقى الدعاء في ظهر الغيب بان يحفظ من نحب
من اهلنا ومن احببناهم في الله

[ريما عبدالله 20]

الله يردك لي واسولف لك عن بعادك
واقولك اتعبني غيابك وتقولي هذا انا جيتك

[سلمان الخالدي]

لولا الحيا ناديت باسمه مع الناس
واصيح باعلى الصوت لاتتركونه

يدهل مداهيلي مع الطير قرناس
ويطيب وقتي يوم يرفع الحووونه

سلمان

[ريما عبدالله 20]

ارسـم خيالك واعتنـــي به واحاكيه
واقـص لـه فــي كـل لـحظـه حكايـه

واقطف ورود الود والشـوق واعطيه
وابنـي لـه قصـور الفرح فـــي سمايه

[خفوق الروح]

.

ماعاد نبغى في غيابك مواصيل
‏نبغى السلامة من حنينك وذكراك

.

[ريما عبدالله 20]

كنّك ضمَـَـَا وُ أنَا منْ الفَقد كنّي . .
~ ليلً ( جفَاهْ الَضّي ) وُ أعلَن مغَيبَه

[سلمان الخالدي]

طيفه يسابق ماتقول المناديب
مرسال شوقه يم شوقي سليلي

يرسل علي زين المهار الرعابيب
هو يحسب انه ماهوب عند خليلي

هو مادرى انه كل ورد المكاتيب
ونصر المغازي يوم يشفي غليلي

مهرة مغازي والذرى في الواهيب
وذعذاع رحمه في سمانا عليلي

سلمان

[رُسل]

-

ياللي غيابك هز القلب بالحيل.
ليتك حلُم و غيابك ماهو حقيقة.

[جرااح]

لا _لا _تدرد
خليني ذابحني البعد
واشتاگ لاكن للاسف
شوگي مثل صوتي يرد
لا_لا _ترد
خليني وحدي انه احترگ مابين چذبك والصدگ

ضاعت لهفتي والعشگ

[سلمان الخالدي]

هناك ملك اذا دعى الانسان لاخيه في ظهر الغيب يقول ولك بالمثل
لاتنسونا من دعاكم احبتنا الغائبين

[ريما عبدالله 20]

هناك ملك اذا دعى الانسان لاخيه في ظهر الغيب يقول ولك بالمثل
لاتنسونا من دعاكم احبتنا الغائبين


الله يسهل امرك ويحقق لك امانيك ويفرج همك وكل مسلم

[ريما عبدالله 20]

"ٱڪَتب له ٱشتٰقت لك وٱعود ٱمسٰحهـا
ٱنا شعٰـوري تعدا الشُٰوق وش ٱڪَتب".

[جرااح]

ليه بس في غيابه

تترااكم عليا الاهات والهموم كان
توأم روحي وكان لي المكمل الاخر
الذي احتاجه في اغلب اووقاتي
تعم فغيابه له بصمه

[ريما عبدالله 20]

ياشين الغييياب اللي بلا سبه وتبرير
غييياب اللي ما فكر بقلبي ولا حنه

يموت الغلا من قلة الوصل والتقدير
مثل موتة المعروف لا صار به منه

أنا مدري هو بخيير ولا ماهو بخير
عسى دورة الأياام ما غـيـرت ظنه

قولوله لا عاد يطاول البعد والتقصير:الجوهره:

[سموالاميره]

إعتذارات العالم أجمع لن تكفي خيبة إنسان خُذل من شخصه المفضل..."

اسعد الله صباحكم

[سموالاميره]

هناك ملك اذا دعى الانسان لاخيه في ظهر الغيب يقول ولك بالمثل
لاتنسونا من دعاكم احبتنا الغائبين

الله يسعد الغايب الحاضر ويسخر له ولكم من حظوظ
الدنيا والاخره اجملها والله يرحم اروحاً غدراتنا وذكرياتها حيه

[سموالاميره]

صباح السلام ......

وكثير من الحب والخير ...

كرسالة صباح جميله اتمنى لكم يوم لطيف ..

[ريما عبدالله 20]

غيابك سلب حرّية الوقت والروتين
يا سرع الليالي معك ويا ثقلها بعدك

[سموالاميره]

اللهم إنا نستودعك أهل #غزة .. اللَّهُم كُن لهم عونًا ومعيناً
اللهم أنصر أخوانا المستضعفين فى #غزة .. اللهم إنهم جوعى فأطعمهم .. خائفون فآمنهم .. مكسورين فإجبر كسرهم ..
حفاة فاحملهم .. عراة فاكسهم .. مرضى فداوهم .. مغلوبون فإنتصر لهم .. مغلوبون فإنتصر لهم .. مغلوبون فإنتصر لهم
اللهم إرحم ضعفهم .. وآمن روعهم ..
وإنصرهم على عدوك وعدوهم وعدونا يا قوى يا عزيز ..
اللهم إحفظ #فلسطين وأهلها .. اللهم كن لأهلنا هناك عوناً ومعيناً
������������


لا تنسو اخوانا في فلسطين واهلينا من خالص دعواتكم

[عمـر]

خذتني طواري الحب والشوق والأنسام
على ليلةٍ فـ الذاكرة جوّها ماطر

خذت غلطتي فـ الحب مني أربع اعوام
اثر غلطة العاشق مثل غلطة الشاطر

حبيبي لو حقول المحبه تصير ألغام
ادوس الخطر لعيونك السود وآخاطر

انا عشت معك ايام ياحلوها من ايام
ماتطري على البال ولا تطري على الخاطر

[ريما عبدالله 20]

من ( ليلة غيابك ) وأنا خاطري شين
أسهر وأدوّر من عنا الوقت منفى

و أرسل شطر واحد وما بين قوسين
خذني ، قبل ياخذني الضيق تكفى

[عمـر]

تعمدت الغياب وغبت عن دنياه
تجاهلت الحنين اللي عثى فيني

تحايلت التناسي علّني أنساه
يمر البال و الذكرى تعنّيني

قويت أبعد عن دروبٍ تضم خطاه
و لكني بديت أجهل عناويني

وصلت لمبتغى الهجر وقدرت أجفاه
ولكن .. ما نزعته من شراييني

وليف البعد يارب شلون انساه ؟
اذا حتى مرور اسمه يبكيني

[ريما عبدالله 20]

في غيابك ماعرفت اكتب كلام
ماحكيت بس حيل اشتقت لك

[سلمان الخالدي]

بديتني بالهجر وبان الصدودي
مهوب حق وطيب ياراعي الطيب

جيتك وحدك مبعدٍ عن حدودي
وانا سؤالي يتبع الحق ومصيب

سلمان

[ريما عبدالله 20]

تغيب لكن ماتفارق عيوني
أنت الوحيد اللى إذا غبت غالي .

[عمـر]

و أقفيت وأنا اكبر من التبرير والعذر السمين
حتى لو اني خاطري ما كلّ شيء يصبّره

القلب يكسره اللسان.. ولا تجبّره اليدين
ماهوب عظمً كل يوم .. تكسّره وتجبّره

ما عاد عندي فرصةً تهدر مْن العمر الثمين
واللي بينشدها من أسباب الفراق تخبّره

ما غاض منها الشامتِين .. الا جمال الشامتين
اللي حداها عن حداها .. فارقه ومعبّره

من حقّها تنثر مدامعها وزان الصورتين
تعلّق الذكرى على بروازها وتكبّره

حيث انه اول شخص يسقط من عيوني مرّتين
وأنا عيوني من سقط منها .. ما عاد تعبّره

[سموالاميره]

اذكرنى في عيون الحاضرين
في صوت الحنين الدفين
واذا لمحت صورتى في مراتك
لا تسالها ليه قسوتك
زادت لانها من غيابك
تعلمت ترحل ويبقى الثمن في عيون الحاضرين
فقد وغياب وحزن كلها على بابك دين وانا في قضي الدين
اوفي اصحابك

[أوديت]

،.

سافرت عنَك ، واثري مسافر فيك
منت غايب عنّي ولا لحظه ..!

[ريما عبدالله 20]

ياشينها منك لاقفيت
الكون من دونكم خالي

[سموالاميره]

غيابك قضى ومقسوم
والعوض خافي
بس الحقيقه غيابك
صار عادي

[سلمان الخالدي]

دلوع في طبعه ومزيون مغرور
يحق له من سااس قومٍ قروومي

فيه السحر والشوق ويلف ويدور
ثابت وناوي وفيه كبر العزوومي

طرقت باب البيت وجاني مع السور
وبرقه تلالا فوق ذيك الغيوومي

اقفى وانا عقبه من الضيق مكسور
وجلست حاير في مواجع همومي

سلمان

[أوديت]

،.

سألت عنك الغيم واهتزّ ورعد
وكنّ صوت الرّعد زفرات وحنين

وش تنتظر بالله وش باقي بعد
إن كان حتّى الغيم لـ غيابك حزين ..!!

:81:

[ريما عبدالله 20]

خذا كل العمر و أقفى بلا عذر و بلا ميعاد
و أنا قفيت ما والله في قلبي أحدٍ غيره

[سموالاميره]

غيب ماعاد اهتم لغيابك

الان المهم عندي غياب العافيه
ورضا الله ثم امي :x124::x124:

[الوسم]

لو تقول اني نسيتك قلت عادي
ولو تقول اني هويتك قلت عادي
أستوى عند حظورك مع غيابك
دام تنقصنا ٠٠ المحبة و الودادي

الوسم

[سموالاميره]

عندما تعود من بعد غيابك الطويل
اتمنى عودتك لغيابك فهمى سوا:m9:

[جرااح]

إياك ان تهين نفسگ و تبقى مجرد احتمال ف حياة أحدهم إما ان تگون اگيد او تگون بعيد...!!

[ريما عبدالله 20]

آه لو تدري حبيبي كيف أيامي بدونك:30:

[وجه المرايا]

آه لو تعرف معاناة الليال
والعنا والشوق في قلب يبيك

[ريما عبدالله 20]

من طَوّل الغيبات زاد اشتياقه
و غِنيمْته وَصْلگ و شوُفگ ولاماگ

و انا على حسب الھُوى و اتّفاقه
مَاخون عھَد مدّته گف يمَناگ

[وجه المرايا]

ياحبيبي غير شوفتك لا ما اريد

[ريما عبدالله 20]

مهما تباعدنا ترى الود موجود
ماينزعه من خافقي اي طاري*

في عيني اليمنى لك الشوق ممدود
وفي عيني اليسرى وجودك أجباري

[إشراق !]

أبي منك تشوف إني وطن يغني عن الأوطان
ويصير الكون بغيابي .. بقايا أرض مهجوره

[ريما عبدالله 20]

المشاعر في غيابك ذاب فيها كل صوت:30:

[سلمان الخالدي]

ان نويت اتغيب غيبني معاااك
وش بقى غير الترقب والامل

ليه تسجني وتبعد في سماااك
وتترك المحبوب يرقب في ملل

مد يمنى الود وعطني من عطاك
واترك التفكير واوهام العلل

سلمان

[ريما عبدالله 20]

يضما عليك السمع وتجوع العيون
ما فيه غيرك بالوجود اشتاق له

[تيه ..!]

أقسمت عليك أيها المحبوبُ
أن تسمح لي فوصلك المطلوبُ
أرسل منك القميص مع ريح صبا
يا يوسف عصرنا أنا يعقوب

[ريما عبدالله 20]

في غيابك لك محبه ، ولك شوق وحنين
وفي حضورك شف عيوني كلامي همّله

[سيف الحزن]

هبت هبايب غلاك بكل وجداني
‏حلمٍ تهادى ويسري بي على هونه

[سلمان الخالدي]

الله يرد الغايب

[ريما عبدالله 20]

قل للعيون السّاهره اخر اللّيل
نامي ترى كثر السّهر مايجيبه

[عمـر]

لك العذر في غيبتك ولـ طيفك التقدير
متى ماسهيت , وبان لي وجهك البدري

لقيتك على مفرق طرق والظروف تسير
حلالاه . . لو إني ( مقابلك ) من ، بدري

سرحت بخيالي فيك وأسهبت فالتفكير
وطلّعت كل اللي .. مخبّى ، ورى صدري

ما تمنعني ، حدود المسافة عن التعبير
أنا توّي مسولف معك .. وأنت ما تدري

[الْياسَمِينْ]

مالمحت الشوق في عين الحروف؟
ما سمعت الحزن في لحن الغياب؟
ناظر بقلبك وقل لي وش تشوف
هل انا واهم أو اجوائي ضباب
ما هقيت الشعر يبقى ع الرفوف
والمشاعر تنتظر عطف السحاب

[عمـر]

على دفا صوتك يمّر الليل ، مرور الكرام
والليل تطويه السوالف ، والسوالف لي قبل

أزف لك ، كل المحبة والمودة والسلام
أمّا بعد : أحبّك ، وأمّا قبل أنسي قبل

صدّي عن الفايت ووليّ الجاي كل الأهتمام
ولآ لك ألا زلةً تدمح ، وعذرٍ ينّقبل

بـ أيام وصلك عوضي عيني عن أيام الخصام
وعلى جفاف الروح ، صبّي صبّ همّال الوبل

أنتي غمامة حُب ، واللي خالقك منشي الغمام
عليك شرهات الشجر لآ مات ، والورد أن ذبل

أعلنت لك كل الغلا ، حملت لك كل الغرام
خاويتك بـ كل الطرق ، راضيتك بـ شتى السُبل

وإذا أمتلى صدري غزل ، ولآ أمتلى صدري ملام
أنا النبيل اللي بـ حزنه نُبل ، و بـ فرحه نُبل

" خليني أخبّي شعوري عنك في بعدك مدام :
في قربك يصير أوضح مْن النار في راس الجبل "

وكلمة أحبّك ، تآج في بالي ، وفي صدري وسام
متكوّنه من أربع أحرف ، مدري من أربع قُبل

متعلّقه فـ حبالي الصوتيّه ، فـ كل الكلام
تهدّ يدها من حبل ، وتشدّ في يدها حبل

"وعيونك اللي كنّ صف رموشها صفة إسهام
لا سلهمت لي ، سلهمتها كنّها مسة نُبل

بتنام ، وبتصحى ، وبإذن اللي عيونه ما تنام
مثل ما حبّيتك قبل ، بحبّك أكثر من قبل "

[ريما عبدالله 20]

في غيابك الكلمة تعجز في نحرها
وفي قربك الليله يحضنها قمرها

[عمـر]

آسرني قبل سلهام رمشه رقيق حكاه
وطرحني غرامه قبل لا اكمل الجوله

اقاوم ،، ولا ، مريت ، مدهاله ، ومرباه
غدا الكون في عيني مثل لون مجدوله

حرمني ، زماني ، شوفته ، والغلا خلاه
ولا فيه ، يوم ، غاب ، عن ناظري زوله

سيوف الفراق اللي من الخافق محناه
اقاوم وهي بين السراجيف مسلوله

[خفوق الروح]

.

‏عليك الغلا مردود يـ الغايب الموجود
‏سوالفك غابت مير طواريك ماغابت

‏غيابك حضورٍ له بصدر البيوت شهود
‏وش اللّي يغيب ضحكتك والغلا ثابت

.

[ريما عبدالله 20]

ياغايب عن عيوني ماكفاك الغياب ؟
وأنت اكثر انسان تملك في خفوقي سعه

ماغير اردد لاشفت الجو كلها سحاب
الله يجيب المطر والله ويجيبك معه

[الْياسَمِينْ]

وينك سؤال .. ن..... ينظر له اجيبه
وكل شي حولي ضاق لاقلت وينك

[ريما عبدالله 20]

شلون انا بنساك . واستقبل الغير
ووسوم حبك واضحه وسط وجهي

لا تقول خيره … والقدر لازم يصير
الخيره الي عقب فرقاك .. وشهي ")

[3lOoSh.A.]

طال الغياب وفاضت اشواق مغليك
‏وينك تعبت أنشد عليك الليالي
‏.
‏وينك ضمير أشواقنا دوم يطريك
‏ليتك تجي وتشوف وشلون حالي

[ريما عبدالله 20]

كنّك ضمَـَـَا وُ أنَا منْ الفَقد كنّي . .
~ ليلً ( جفَاهْ الَضّي ) وُ أعلَن مغَيبَه

[خفوق الروح]

.

‏لو تنقطع من سبة ظروف وأسباب
‏لابد لو : طال ( الغياب ) انتواااجه

.

[سلمان الخالدي]

حفظك ربي في حلك وترحالك

[سموالاميره]

وداعك كان خيره
ومااجمل ان يكفينا الله شر القدر
ويعطينا خيره:blushing:

[ريما عبدالله 20]

أسري مع الهاجس اللي ما بعد نامي
و أصوّر الماضي لنفسي و أسليها

[سموالاميره]

غيابك صار عادي
لم اعد اذكرك بسهادي
غيابك علمنى اني لاشي
وحبك لاشي :MonTaseR_113:

[ريما عبدالله 20]

الله يجازي البعد ، وظروف الايام ..
مني خذت غالي ولا عاد شفته ..!

[خفوق الروح]

.

يالغايب اللي لو الدنيا تردّك عليّ
‏عيّدت و العيد باقي له ثلاثين يوم

.

[غَيْم]

في غيابك تحملت الغياب الثقيل
و كل حاجةه تضايقني تحملتها

[تيه ..!]

لماذا أراك على كل شيء بقايا.. بقايا ..!
إذا جاءني الليل ألقاك طيفا..
وينساب عطرك بين الحنايا ..!
لماذا أراك على كل وجه
فأجري إليك.. وتأبى خطايا ..!
وكم كنت أهرب كي لا أراك
فألقاك نبضا سرى في دمايا
فكيف النجوم هوت في التراب
وكيف العبير غدا.. كالشظايا ..!