أنا والوظيفة

[مشكلتي]

السلام عليكم ورحمة الله
صباح الخير .
أنا بنت عمري 29 لست متزوجه
متخرجه من الجامعة لي 5 سنين تقريبا المهم قبل كنت طموحه مرا وشادة حيللللي بالدراسسه ومااغيببب والطموح كان واصل جدا لسقف السماء .. المهم تخرجت والحمدلله اكتشفت الواقع المرير وظائف حكوميه شروط صعبه اختبرت كل الاختبارات مقياس القبول بعضها نجحت بعضها لا بعضها درجات نازله ... وأخذت حافز وخلص علي توظفت مدرسه اهليه اول ماتخرجت وجلست أداوم 3 شهور ع الفاضي اخر شي صارت مشاكل بين المديرة والمالك وانفصلنااا وبدون راتب وجتنييي عقدة من المدارس الأهلية وحالياااا جالسسسسه بالبيت اشتغل على نفسي بالتنمية البشرية ..والحمدلله كل شي خيره والله .. وأخذت دورات أنجلش حاسب وغيرهم .. تطويريه ...

الان مشششكلتي
للأسف مالقى وظائف الا بالمدارس الأهلية ..
وعارفين الرواتب وصرت شايله هم قومة الصباح تعودت على السهر ..

إذا تذكرت ذي الأشياء يجيني ( هم - كرب - غم - أفكار سـوداء ) أعوذ بالله اصير حتى ماأكلللل .

واقعد احيانا ابكي ليه كذا حظي وأحيانا أقول الجاي احلى وامي تبيني اتوظف

ماني عارفه اش أعمممل انصحونييي بالله .
أتحمس وأروح المدرسة اسوي مقابله يقبلوني
بعدين افكر لقومك الصباح والراتب والنكد
وابطلللل حمااااسسس ماني عارفه وش فيني 😩😩😩😩😩🤮.

مشروع افتح ماعندي راس مال .

مالي الا المدارس الاهليه😩😩.

[M.ahmad]

عليكم السلام ورحمة الله وبركاته

نصيحتي إعتبري عملك مجرد تغييراً لجوك الممل داخل منزل أسرتك

تعارف وصداقات وتنمية مهارات واكتساب خبرات وفوق ذلك تحرك فكل حركه فيها بركه

ولكن شيلي من راسك فكرة الراتب كم يكون أو ماذا يكفي أو كيف تصرفيه لأن بهذي الطريقه سترهقي نفسيتك ومعنويتك وتكرهي العمل سريعاً .

همسه : حتى تحبي عملك لابد يكون لك هدف تسعين لتحقيقه .

[- بساطہِ مصمم .]

.

وعليكم السلام ،
نصيحه من شخص جالس سنتين ينتظر وظيفه هههههه :MonTaseR_215:
اقبلي حتى لو ماهو من تخصصك دام الفرص ضئيله هالزمن البطاله تفاقمت
وكثير جامعيين جالسين في بيوتهم والي عنده وظيفه افضل من الي جالس
بالبيت واقدمي على المدرسه واستخيري لعلها خيره مو شرط المره الاولى
راح تكرر معاك يمكن تكون المديره افضل من السابقه .. كون حابه تسوين
مشروع جمعي من راتبك وابدي بالمشروع اذا شفتي المدرسه ماجازت لك
اطلعي وخليكي على مشروعك اذا يغنيك عن راتب المدرسه او اذا الوضع المدرسه
تمام استغلي من الوظيفه من المشروع .. والله يوفقك

[pure]

أولنُ ..
وهو المهمُ _ تأكدي ان كل شي مكتوب لك رزقك ، وان رزقك رآح يجيك سواء بمدرسة اهليه او بزنز خارجيُ :رحيق: .
ايضا لابد تسعينُ ..

حطي ببآلك أمرين مهمه :
الاول : انو غيرك يتمنى وظيفة المدرسة الاهليه لو براتب رمزيُ .
الثآني : فكري بتعبك وشهاداتك ودوراتك الي أخذتيها . حرآم يروح مجهودك بلآش بقعدت البيت او بعذر قومة الصبح .

-
بالاخير ..
خلآل خبرتي بالدوام ، وصعوبة دوامي وبيئته الصعبهُ .. جدا جدا
بالبدايه تعبت نفسيا وكنت دايم افكر اسحب وكان يمنعني الصدق الحيا ، احس مالي وجه لمن ارجع لبيتنا تارك وظيفتي وجالس بالبيتُ !!
ف بديت اخذ الدوام تغير جو وروتين ومعارف وكذا ، لين وصلت مرحلة صرت احب دوامي ومصدر رزقي ، وسبحان الله
الآن انا مرتاح جدا جدا بدواميُ :رحيق: .

كل الناس تداوم وقوة صبح وآلآف مؤلفه تكره قومة الصبح .. لكن الانسان بطبعه يتعود ع الشي .

-
ختاما وللتأكيد .
انو الرزق بيد الله سبحآن بيجيك لو وين ما كان ، انتي افعلي الاسباب ولآ تجلسين في بيتكم تنتظري وظيفه معينه :رحيق:

[الحر الأشقر]

عليكم السلام

نصيحةة شوفي مدرسة اهلية قريبة من بيتكك
بغض النظر عن الراتب
تستفيدين منها خبرة تدعمك بوظائف افضل مستقبلاً
ومنها تكسرين الروتين الممل
وقفي سهرر وشوفي نفسكك

وما يمنع تشووفين البنوك رواتبهم أفضل
مب لازم مدارس

ربي يوفقك بالوظيفة اللي تلبي طموحكك

:رحيق:

[مستحيل]

عليكم السلام ورحمة الله وبركاته


انتي اذا تبين الوظيفه بالمدارس الاهليه لمجرد الوظيفه وتغيير جو البيت
تزظفي بمدرسه اهليه

واذا تفكيرك الماده

فا اشتغلي نصيحتي لنفسك ومشروع ما يحتاج راس مال

اشتغلي دروس خصوصيه بالبيت وبالوقت اللي تحبين
والدخل بيكون ضعف راتب المدارس الاهليه

[شاهستا]

وعليكم السلام ورحمة الله وبركاته
يا مرحبا بصاحبة المشكله
انا تقريبا مريت بنفس وضعك
وشحططه مدارس الاهلي وتهاشت
معهم وانفصلت انا بغض النظر
عن الراتب بيئة عمل اذا تقل
من قيمة واحترام الموظف
مش مجبوره اشتغل فيها ..
والحمدالله تركتها وبديت بمشروع
خاص فيني ترى براس مال بسيط
اصدمك لو اقولك كم فمو شرط
لازم يكون مبلغ كبير عشان
افتح مشروع اهم شي اصرارك
ولازم تصبري مافي شي يجي بسرعه
وانا لو بمكانك بما ما عندك راس
مال حاليا توظفي بالاهلي
لين تجمعين المبلغ اللي حابه
تسوي فيه المشروع وبعدها
توكلي على الله وأبدئي فيه ..

[العـ(احمد)ـالمي]

اذا فشلتي في تجربتك الاولى
ماهو شرط تفشلين بالثانية
حاولي مرة ومرتين حتى تنجحين
جلوسك بالبيت من غير هدف
يضيع عليك سنين عمرك وكل
ماخضتي تجربة جديدة كل ماكسبتي
تجربة وخبرة جديدة تفيدك مستقبلا
ويمديك تسوين مشروع وانتي بالوظيفة
ربي يكتب لك الخير والتوفيق

[مساحة قلم]

صباح الخير
لا تحطي نفسك في ضغوط اضافيه انتي في غنى عنها
يعني الشغل اعتبريه عمل جانبي مش اساسي اجا اهلا وسهلا فيه ماجا عادي...كله رزق من الله
واعلمي ان اي تجربه عمل فاشله يجب ان لا تتعقدي منها
لانها تجربه تستفيدي منها وتزدادي خبره في حياتك العمليه
حاولي البحث عن البديل للعمل الحكومي والعمل لدى الناس
حطي فكره في راسك تشوفي انك قادره تشتغلي فيها وتكسبي منها مال مشروع صغير او اي شيء
عني انا شخصيا اشتغلت في خمسه مجالات.... حتى استقريت على اخر عمل لي وابدعت فيه لهذا كل التجارب
تعبر عن خبره
الله يوفقك اختي الفاضله

[شطرنج]

ضيفي على تخصصك
فكرة تطويرية مدروسة وتنمي مهارات
الي انتي تعطينها لطالبات
وقديمها الى المدراس
تتأهلين لفرص عملية جديدة
وزيادة الراتب
والمحفزات
اهم شئ المحاولة نصف النجاح
والمثابرة الى الهدف
مع وضع زمن قياسي



الله يوفقك

[ممثل قانوني]

من منظور شرعي أرى أن تلزم المرأة بيتها وتقوم على أعماله إذا كان هناك رجل يقوم بالنفقة على أهل البيت، فالنفقة واجبة شرعاً على الرجل لا على المرأة، أما إذا كانت المرأة مضطرة للعمل فهنا يجب أن تأخذ في الحسبان الضوابط الشرعية لعملها حتى تتحقق المصلحة وتدرأ المفسدة، الآن إختلط الحابل بالنابل وأصبحت أغلب الوظائف النسائية تدعو إلى التبرج والسفور والإختلاط مع الرجال وخروج المرأة بدون محرم والسفر بدون محرم، وحتى الأنظمة تساهم في نشر هذا الأمر وتدعمه مع الأسف الشديد، فالأنظمة الحديثة تسقط ولاية الرجل في السفر والعمل برغم حرص الشريعة في القرآن والسنة على حفظ كرامة المرأة وعرضها، ففتحوا بذلك باباً للذريعة، ولكن من أرادت أن تعمل فلتحرص على توفر البيئة الشرعية المناسبة بمكان العمل، وحتى الآن التعليم ربما هو البيئة الوحيدة الآمنة لعمل المرأة دون إختلاط وتحرر.
فعليك بالتحلي بالصبر أختي الكريمة، وإذا كنتي في غنى عن الوظيفة فلتلزمي بيتك وزوجك فهما من سيتبقى لك من الأعمال الصالحة يوم الحساب، فالوظيفة ليست مفروضة على المرأة بل على الرجل فقط من باب النفقة.

مجرد رأي ،،،

[أميرة بذاتي]

أيتها الغالية
نصيحتي لك استخيري الله واطلبي عونه لا معين إلا هو
اشغلي الوظيفة اللي متوفرة عندك حاليا وحاولي منها تبدأي مشروعك الخاص
وهلأ فيه وظايف كثيرة ما تحتاج لرأس مال وأكثرها بالنت تصميم وجرافكس
العالم تطور مالازم أنتظر وظيفة حكومية لأن راتبها أحسن <<لأنهم كلهم يصفون اخر الشهر بريال واحد اللي بوظيفة بسيطة واللي بوظيفة مرموقة

خذيها مني اشتغلي شي تحبيه وما ياخذ منك مجهود كبير
البداية دايما صعبا بس الشغف يسهل كل صعب

اللي عليك انكي تسترخي يوم واحد وتصفي ذهنك وتشوفي انتي ف ويش مبدعه وشو هي هواياتك
ومنها طلعي وظيفة لنفسك تغير روتينك


آخيرا وأتنمى أنك تعرفي وتفهمي قول الرسول :بورك لأمتي في بكورها

[هاجسي]

وعليكم السلام ورحمة الله وبركاته....


انصحك باتوجه للقطاع الخاص... ولكن يبيلك صبر


منها تتعلمي مهنه وتتحسن لغتك وتعرفي كيف يكون ميولك


والقطاع الخاص كل مازاد خبرتك زاد الراتب والمسمي الوظيفي


مولازم تتوظفين معلمه


اتمنى لك التوفيق