حافظ على من أختارگ في عتمتگ قبل توهجگ

[مروة عبدالله]

السلام عليكم و رحمة الله ..

مساء الخير ..

كثيرة هي أمانينا
فيارب : حقق ما تراهُ خيراً لنا
في ديننا ، ودنيانا ، وآخرتنا

اللهم آمين


تم افتتاح المدونة تاريخ 2020/1/26


و السلام خير ختام .

[مروة عبدالله]

في هذا البرد احمدوا الله على جدران تأويكم، وعلى غطاء يحميكم، اللهم ارحم كل فقيرًا في هذا البرد القارس، ونستودعك كل من لا مأوى له، ومن لا لباس له ولادفء له، اللهم هون عليهم برد هذا الشتاء وأبسط دفئ رحمتك عليهم، وأنزل الدِّفء والسَّكينة والطُّمأنينة على قلوبهم وأجسادهم

[مروة عبدالله]

قد تكتمل حياتنا بأشياء وتنقص بأخرى،
ليست مسألة حظ، إنما هي أقدار
يعطي اللّه كل ذِي حقٍ حقه..
فَـ #الحمد_لله دائمًا وأبدا..


:MonTaseR_222:

[مروة عبدالله]

الحمدلله الذي اعطاني اللي اتمناه الحمل
و من بعده عرفت ان اللي فيني بنت

الحمدلله الحمدلله

كنت دايم اتمنى اول طفل لي بنت
ربي لك الحمد

و ان شاء الله اولدها بعد اربع اشهر
و انا وياها بخير و صحه و عافيه

و يرزق كلمن يتمنى :16:

[مروة عبدالله]

مرحبا


مريت بظروف نفسية صعبه


ولدت بنتي والله الحمد

و كانت تجربه الولاده صعبه لكنها تعتبر فتره قصيره

من بعد خمس ساعات من الطلق

سمعت صوت صياح بنتي .. هنا حسيت ان المعاناة انتهت

لكن عرفت انها هنا بدت المعاناه و كبرت علي المسؤلية

:69:

تابع ~

[مروة عبدالله]

انا مو سعيدة بولادتي و حزينه ليش

ليش احس روحي بتطلع

ليش مو حابه بنتي

ليش ما ابيها

مع انها كانت بغاية الجمال و البراءة

و الكل يشوفها يذكر الله في ما خلق

:MonTaseR_72:

و انا امها


المروض احبها

احن عليها

اغنيها

و اقول لها وش كثر انتظرتها



تابع ~

[مروة عبدالله]

قلت في نفسي يلا هي ايام و تعدي

و يمكن من تعب الولادة

و يمكن من ارجع بيتي و نكون سوا انا معاها يكون الوضع احسن

صار وقت خروجي من المستشفى و كنت بيني و بين نفسي مستعجله

ابي البيت ابي ارتاح ابي اعرف هالمشاعر بتختفي و لا لا

استلمت بنتي من الحضانه و ركبت السياره

و رجعت البيت و زاد الامر سوء

كرهت نفسي و كرهت بنتي اكثر

و كنت ما اقول لاحد عن مشاعري هذي

لكن مع الايام

كشيت من بنتي اكثر

كنت اكره صوتها

اكره صياحها

صرت اتمنى لنفسي الموت

كرهت الحياة

و كرهت اهتمامي في بنتي

و اهملتها

اهملت نظافتها

و كنت ابكي

اتمنى الوقت يعدي ابي اموووت


تااابع :dunno:

[مروة عبدالله]

صرت ارفض بنتي

صرت مابي اسمع صوتها

صوتها يزعجني

صوتها ينرفزني يخليني ودي اصرخ

اهملتها اهملت نظافتها

مابي اشوف اغراضها

و لا اشم ريحتها ..

اهملت حتى نفسي

و اكلي
و صحتي
و نظافتي

اشتكي لزوجي يقول لي انتي مو اول وحده تكرره عيالها

طيب و بعدين ؟؟ و الحل ؟ انا ابي حل :69:

كنت دايم ارميها على عمتها عشان ارتاح منها

احس اني مو قد مسؤليتها ابي الزمن يرجع لورا

عشان ما احمل فيها

:69:

تابع ~

:dunno::dunno:

[مروة عبدالله]

في يوم من الايام صرت اقراء عن اكتئاب ما بعد الولاده
بالنت و بالمواقع و كنت اقرء عن اعراضه كل شي مكوب عنه فيني

:dunno:


طيب زوجي يرفض علاجي بالطب النفسي

و الحل كنت اسكت و اصبر نفسي يمكن يزول مع الايام

و في يوم من الايام

خلااصص وصلت حددددي انهرت تحت رجول امي يما الله يخليك ساعديني انا

فيني شي مو طبيعي

و صارت امي تقرا علي تفكر اللي فيني عين او حسد و انا عارفه ان الللي فيني مو حسد

مررررض نفسي بس الناس ما تؤمن بالامراض النفسيه و تخاف منها و تشوووف الامر انه شي

تااافه


تااابع ~

[مروة عبدالله]

المهم

زوجي شافني ابكي تحت رجول امي و استسلم لفكره الادويه و العلاج النفسي بس قال لي

بس بشرط انك تعلمين عمي [ ابووي ]

دقيت على ابوي و سألته .. عصب علي و اخر شي قال لي كيفك

سوي اللي تبين بس انتي كذا بتخلين زوجك ينفر منك

قلت له طيب و قفلت منه و صرت ادور لي موعد مع دكتوره

و المشكله كان وقت كورونا و الوضع شوي صعب

صار زوجيي و وهو ما وده انه يبحث معاي عن دكاتره

و اخر شي رحت لمستشفى حكومي معروف بالشرقيه

اعترف ان زوجي ما قصر معاي بهذي النقطه

و فعلا رحت و قال لي الدكتور اللي عندك اكتئاب ما بعد الولاده

و كتب لي على دواء

و الصراحة انا كنت ودي اخذ الادويه و ودي لاء

و اخذتهم و تركتهم على جنب على امل اني اصير طيبه بدونهم



تابع

[مروة عبدالله]

و ازداااد الامر سوووووء

مشاعري السلبيه زااادت

لين صرت اتمنى لبنتي الاذى

و كلمت حمااااتي

قلت لها تعالي اخذي البنت مني كم يووووم

يمكن احن لها و اشتاق لها

و كانت مشاعري الحمدلله مخربطه بين ابي تاخذها و بين لاء

و فعلا لما خلاص اخذتها مني و شفتها تطلع من باب البيت هنا

كسرت خاطري البنت و حسيت اتجاها بالمسؤليه

صرت اذا موجوده اتعب و اذا مو موجوده اتعب اكثر

صرت ابكي و ابكيي لييييش كل هذا فيني ليش كل هالتناقض

اخذتها مني يومين و خلال هاليومين قال لي زوجي امشي لطايف

نغيير جووو


و اضطرينا ناخذ بنتنا معانا :MonTaseR_72:

لما اخذت البنت من عمتها و شفتها حسيت اني اشتقت لها و قلت لبنتي

يا حماره اشتقت لك ~ لا ارادي اطلعت مني هالكلمه

و سافرنا الطايب و تغيرت نفسيتي للاحسن بنسبه 50 بالميه

و من هنا قلت هي بنتي و بمسؤليتي حتى لو ما ابيها لاز اجبر نفسي

عليها و الحين انا اخذت الادويه و قطعتهم من كم يوم و عندي مشاعر طفيفه
من التعب و الجهد و الخوف اتجاه بنتي لكن ان شائ الله تعدي

و للعلم بنتي صار عمرها اربع اشهر و سميتها شيخه :MonTaseR_4:


انتهى و هذي قصتي بالمختصر

:MonTaseR_72:

[مروة عبدالله]

ودي ابكي ودي انهار

تعبت من الخوف و القلق و التفكير

ليش الوحده لما تتزوج مع اي خلاف

تصير تخاف

و المشكله تتهدد بالطلاق

ليش تكون حياتها واقفه على كلمه

بسسس كلمه قادره تخرب بيوت و تقلب حياة الانسان

فووووق تحت


ليييييش اجيييببب عيااااال و اصيييير خااايففه عليهم من الدنيا و من

التشتت


ما ابي استمر بالخوف

ما ابي اعيش بخوف

خلاص تعبت تعبت

قرار الزواج صعب
و قرااار الطلاق اصعب
خصووووصا مع اهل ما يبون ترجع لهم بنتهم مطلقه
و معاااااي بنت بأيدي


انا ما ابي الطلاق بس ابي ارجع احب زوجي

[مروة عبدالله]

ذليت نفسي لزوجي بس عشان ما اتطلق

و احس اني كرهت بنتي بس لانها سبب ذلي

خلاص طاقتي خلصت