مشاهدة النسخة كاملة : بـــــــووووووح ..
الليله محتاج لي بــووح / صـدقـنــي
لو هو بفم الصمت أخذت منه البـووح !!
الـولـه .
يا صباح المشاعر يا حروف القصيد ..
جيت أكتب قصيده تذهل بماسها ..
جيت شاعر ولكن كل طبعه عنيد ..
لو تعاند حروفه / ينكسر باسها ..
جيت شاعر وقلبه ماخلق من حديد ..
لو تمره طيوفك لو قدر باسها ..
كنه الحب بلوى مثل فقد الوليد ..
والمحبه في عينك ينطق إحساسها ..
بنت عز ومهابه والمعاش الرغيد ..
تعرف إني أذوب بشوق أنفاسها ..
تعرف إني متيم بالجمال الفريد ..
كم روتني ليالي من عذب كاسها ..
الـولـه .
بعد ما طول غياب الوله اسبوع ..
وهو مثل البحر في جزره ومده !
يجي شاعر وراسه دائماً مرفوع ..
وراثة جده الأول وجد جده ..
كذا في فهرسه من كل شكل ونوع ...
غزل
أفراح
او
أحزان ../ في يده ..
من أبيات العشق والحب ضي اشموع ..
وشوق القلب لو هو زاد عن حده ..
الـولـه .
إنتي طفلة حب وانا ما كبرتك ..
من عرفتك كل يوم يزين اكثر ..
من عشقتك كم ليالي بك سهرتك ..
كم ليالي بـ الوله قلبي تأثر ..
لو بيدي كان ضميتك وطرتك ..
كان حلقنا سوا من غير نعثر ..
الـولـه .
طـفـلـه تغني للغيآب و تعآني ..
في صوتهآ خيبة حكآيآ و آسرآر ..
آلشوق يعزفهآ آغاني .. آغاني ..
والحب يكتبهآ خوآطر و آشعآر ..
الليل يبكيهآ دموع و معآني ..
وآلصبح يهديهآ من الطيب ازهآر ..
تجلس على شط آلبحر و آلموآني ..
تحكي ألمها... وآلبحر دوم غدآر !
مآ تحتمل بُعدي عليها ثوآني ..
وآلبُعد قآسي للمحبين كـ النآر ..
الـولـه .
نامي وحلمك بالفرح و السعاده
واصحي على صبح الأماني مع النور
مافيه غيرك يستحق الاشاده
الذوق كله فيك إسلوب و شعور
لا يحزنك لو السهر فيني عاده
انا عشيق الليل و الهم و الجور
انا عدو النوم حتى الوساده
انا صديق اللي من الروح مكسور
الـولـه .
يمكن نكون اللي في الحب ضعنا !
اللي خذانا الحب من دون ندري !
جعنا عشق ! مدري من العشق جعنا !
ولا تسأليني ويش..؟ والله مدري ..
مدري ويش اللي نهاية الحب معنا ..
هذا السؤال اللي ذكرناه بدري !
أدري و تدري للعمر فيك معنى ..
ي حبي وقلبي وحياتي و عمري ..
ياما و ياما في المحبه سجعنا ..
أجمل أغاني الحب ي بوح شعري ..
لوهو عصانا الوقت للوقت طعنا !
اكذب لو أني اقول هو تحت أمري ..
لو هو بيدي لو افلنا سطعنا ..
ما كان عنك اغيب / ي كبر قهري ..
الـولـه .
الوضع والله ي صديقي زايف !
نضحك وهذي قلوبنا مكسوره !
ما تنصرف عفواً وكلمة آسف ..
و قلوبنا تغلي و فيها ثوره !
من وين ما وجهت وجهي خايف ..
من هالطريق اللي خرج عن طوره !!
الـولـه .
انا السعيد اللي ملا دمعه الخد !
وانا البعيد اللي تزايد حنينه ..
انا المزاح اللي تخالط مع الجد !
وانا الحقيقه و الحقيقه ثمينه !!
انا الوفي اللي به الظهر يشتد
ابيع روحي لجل خلي وعينه ..
انا الضجيج اللي في البوح يوجد ..
وانا هدوء الصمت أمن و سكينه ..
انا شعور الشوق
و
البعد
و
السهد ..
وانا الوصال اللي فقد شوف عينه !!
ياما مشيت دروب مالي بها يد !
وياما سكنت قلوب فيني رهينه !!
اجيك شاعر كن مابه اله ند ..
وارجع وانا مكسور / روحي حزينه ..
لـ الـولـه .
الـكـتـآبـه ذنــب لابـد آقـتـرآفـه ..
لجل اشرح ليه هذا الصدر ضآيق ..
فيه آحس ان الهموم اكثر لطافه ..
لجل هذا الحزن بالشعر لآيق ..
ما يكدر خآطري اي حزن تآفه ..
والله ان الحزن متأصل وفايق ..
مآ خذيت الا الهزيمه والحسآفه ..*
الكدر سآعآت و افرآحي دقآيق ..
وانت ياللي شفت شعري لا تخافه ..
الهموم هموم قلبي / لا تضايق :1:
لـ الـولـه .
خذينا ويش من دنياء الاماني !؟
فلا راحة في هذا العمر تبقى
انا مـحـتـاج لي ابقى انـانـي
عشان اقدر في العمر ابـقـى
لـ الـولـه .
مال القلب للي خذتني بهواها
والله ياهي فاتنة حسن وترف
قامت تساهرني دلع من شفاها
كن الحروف تمر مبسمها بشغف
لـ الـولـه .
انا مانا طويل البال لو حزني طويل البال
انا كلي حزين وضايق ومتكدر ومفقود
أعيش العمر في رجوى غدا تتحقق الآمال !
وانا اصلا بديت أشك ان باقي أمل موجود
لـ الـولـه .
توزع البسمه وداخلك مكسور
يا صدري اللي تعبت انك تداري
ما يغري البوح الملمس على موس
لو كانت الغايه تقر الوسيله !
وما يروي العطشان لو عشره اكؤوس
دامه عطش قلبي وانتي بخيله
كل حلٍ في طريقي غير مجدي
لو تباها صدق او مني إفادة
كنت أقول ان الفتى ما قال جدي !
لين حملني مجد صعب إستعادة !!
ماخذن كل شي في عمري تحدي
والضريبة راحت اسنيني حصاده
كيف اصارعني وانا ضيقي وفقدي
ينكسر فيه القوي بلا هواده
كل ما قلت الهموم وقال عندي
قلت شكراً مكتفي فيها زياده
اه كنه سد مأرب كان سدي
لين راح وانتهت عني السياده
قولوا للي مل طول الانتظار
يدعي الخالق و ربي يسمعه
يولج الليل المعتم في النهار
يرحم اللي زاد همه ووجعه
قلب خاشع يدعي بسر وجهار
لين ما تبلل كفوفه ادمعه
في يمين الخير ما تدري اليسار
(ربي يجعل له بكل ضيقة سعه )
الحكي في جيتك له طعم ثاني
كني اللي المسه و اتذوقه
يا صباح الخير لو جيتي ثواني
يا عسى مستآنسه و مرووووقه
لا تحديني لـ أبيات و معاني
و انا روحي للقاء متشوقة
شاعراً مثلي يموت وكم يعاني
كن روحه في الحزن متطوقه
لا تقولي لي تكلم بس عشاني
........................................
مدري ليه البوح في حضورك خذاني
وصارت الكلمة بوجودك شيقه
لـ الـولـه .
للحنين و غربة اشواقك حكاية !
من خميس الشوق لا ليل الاحد !
وإنتي تدري كل شاعر له غواية !
وانا والله هاجسي بك ما جحد !
آه يا تعبي ويا طول الروايه ..
كـن قلبي مـن مفاتنها زهــد !!
ما على مثلي ملام ولا وصايه
وانا دونك روح تبحث عن جسد
لـ الوله .
يا صباح الخير يا الروح الحنونه
طلتك يا بنت زادت في شروقي
كم أحب الصبح يفتني بـ لونه
كيف لو هو بطلتك / وبحسب ذوقي
وكم احب الشعر واتغنى ب لحونه
انطرب به واكتبك بأجمل طروقي
حركي احساس هالقلب وشجونه
كل غيم يمرني يروي عروقي
صدقيني شاعرك زاد بجنونه
وكل ذكرى تمرني زادت حروقي
شاعرن مات بعشق اللي يبونه
بس صواريف الزمن ياهي تحوقي
لو يخون الحمل ما خانت متونه !
مايخون الود هالقلب الصدوقي
لـ الوله .
الصبح هذا اشوفه غير
كنه بطلتك يتباها
لعيونك اللي مايصير يصير
ي نبض قلب ..............
غيم الشعر يمطر قصيد ومعاني
وانا وقلبي من زمن ما ارتوينا
ياللي تناديني و كلك اماني
الله معانا ايه الله معانا
لا تحسبين الصمت يغلب لساني
وانا وانتي في العشق ما هتنينا
ولا تذكرين القلب اللي يعاني
خليه ينسى معك اللي لقينا
في شوفتك يورق سرور بكياني
وفي غيبتك ما والله عنك سلينا
يلا تعالي حب وإحساس حاني
انا و انتي من زمن ما دفينا
انا و انتي بين فرح و اغاني
نعزف على لحن المحبه هوينا
ما قلت لك وشهو بغرامك دهاني
في قلبك الطيب سواحل ومينا
وما قلت لك حسنك اللي غواني
وشلون جاب العيد والله فينا
لـ الوله .
حمدان جيتك والليالي عنيده
والبحر هائج والقوارب ماتفيد
هذي ثلاث سنين روحي وحيده
وغربتي من دون لا فرح ورصيد
احسـني فـاقـد يـدور فـقـيـده
واحسني ضايق ولو كوني مديد
الله وكيلك كن يومي اعيده
رتابه وروتين / لا يوجد جديد
يا جارة القلب الوحيد
جارك يعذبه الحنين
لا زلت ادور لي نشيد
يثمل عيون السامعين !!
من كل شيطانٍ مريد ..
اتعوذي في كل حين
حزين ليت الحزن مره
وحيد اكثر من اللازم
اضحك وقلبي على جمره
اكذب على خاطري دايم
من شعور التفنن
في
اختزال البيوت
من تباهي هجوسي
في
حروف القصيد
ما حوى حرف شعري بيت للعنكبوت ..
وما هوى حس روحي غير حرفي نشيد
ضج هذا السكون
و
صاح فيني السكوت ..
والقلم فاح حبره
و
المعاني تكيد ..
لو اداري شعوري
شعر فيني يموت ..
ولو ابوح بشعوري
ذاب فيني جليد ..
كل ما مر عمري
خفت عمري يفوت ..
من بدايات عمري
أحس اني وحيد ..
يا صوتك اللي يناديني بكل إحساس
ويا همسك اللي يثير الشوق بعروقي
حكاوي سحر همساتك تغنيني
( وانا والروح نثمل صوتك بشده
يروح العمر حلمي بس تضميني
وانا والحلم أعيش وياه من مده
عطشتك / من لقلبي غيم يرويني ؟!
وانا اعرف زين غيمك مانسى وعده
وحشتيني..
وانادي لك وحشتيني ..
وحشتيني
وزاد الشوق عن حده
بإختصار...!
البعد يعني انكسار ..
كيف احياء دون صوتك ..
وصوتك لسمعي انتصار ..
بإختصار...!
( ومن مفرق الوادي )
صوتك سحر اشجاني ..
ليتك معي بـ سهادي ..
وتنامي بين احظاني ..
دامك تبي اسعادي ..!
طلي / ولو هي ثواني ..
غني بصوتك طرب / صوتك يذوبني ..
وحلق ي كبر الفضاء ي طيرنا الشادي ..
ما غير قلبك معي في الحب حببني ..
( ونسم علينا الهوى من مفرق الوآدي )
الليل مترف وهذا الشوق يتعبني ..
وشلون يحيى معي في شربي و ازادي ..
في صوتها احلى حياه
لحن السعاده ينعزف ..
محلى جمآلك يوم كلك يذهل
كنك تغني فيه احلى نووووته
كنك كذا مآ بين عزف الحآنك
صوت الغرآم اللي آسرني صووووته
كنك كذا في قلبي اللي يحبك
مدينة الأحلآم يا بيروته !
انتي اكبر ان تكوني لي غواية
انتي روح الروح يانا اللي فديتك
همس صوتك سحر والله اني عشقته
يااااه كم اشتاق لك واشتاق صوتك
انتي مدري كيف اوصلك شعوري ؟!
انتي نصفي اللي يكملني لذاتك
من خافق الليل كوني للشعر ميلاد
محتاج صوتك غمام يهل بمزونه
ما مرك اللي على بالك بلا ميعاد ؟
ما كان حسك حنين وفيه مفتونه ؟!
ياللي تغيبي أسف مدري تغيبي عناد ؟!
مدري من الجرح والا الروح مغبونه ؟!
اتعبت صوت الحنين وبحتة / نشّاد
عنك في هذي الدروب الغير موزونة
يل طلتك في صباحي تشبه الأعياد
الشوق ياهو وصل لـِ قمة جنونه
لا تحزني محتآج صوتك أيادي
تشليني من هم قلبي وضيقه
محتآج لونك يمحي لوني الرمادي
من بسمتك لوهي مجرد دقيقه
يلا تعالي واللي بيصير عاااااادي
( غرقان في حبك وانتي غريقه )
ما قلت لك ان شوقي كـ المطر
في غيبتك يأخذني لابعد مداه
وما قلت لك كم أضيق من الصبر
وما قلت لك
ما قلت لك
كم فيني اه
اليالي تمر يا عطر الزهر
ودي نعيش الحب / نتهنا بهناه
ودي يكون الحب عنوان السهر
ودي يأخذ كل قلب(ن) مبتغاه
انا اللي جيت لك والشوق جمعته على حرفي
خذاني لك حنين الأمس وجيت بخاطري كله
صبآح الحب ي حبي صباح اليآسمين والورد ،
صبآحك حب من قلبي يعانق في وله قلبك ،
صبآحك شوق من صدري يدفي روحك من البرد ،
صبآحك بالفرح دايم.. وانا اللي دوم افرح بك ،
الحب يروينا عشق أمتعنا ،
فيه التقت شفايفك بشفاتي ،
في الحب عشنا / والوله سمعنا
الحان شوقك / والغناء نبضاتي ،
حنا عزفنا الشعر لحن ومعنى ،
أجمل اغاني الحب يا مولاتي ،
والشوق كمل / مابقآ بصدر حيل
ليت اللي جاني العام اليوم جاني ..!
ي فآتنه محتآج في الليل قنديل
محتآج لك
حب
و
حكايآ
و
أغاني
محتآج فرحه لـ الظحك والتعاليل
اشتقت الاقي في حضورك حناني !
ي شوق قلبي لو سمحتي دقيقه
تقري بيوت الشعر لو دمعها سال
شوفك خيال ولو غرامك حقيقه
وبيني وبينك درب شائك واميال
تعبت اعيشك حلم فاقد بريقه
وانتي تعيشي بين هجران ووصال
يجيبك آلشوق لو مآ جبتك آيآمك
آليوم
بكره
بعد شهرين
آو
آكثر ..
مآ هو تحدي ولآ بآزيد آلآمك
آسئل مجرب خذآه آلشوق لك آكثر
من الآخر ..!
أشوف الشوق بي زآخر ..
كثر ما اشتاق لك واحن
وليل البعد بي سآخر ..
طل الصبح يرسم ملامحك و الشوق
يعزف على لحن اشتياقي معاني
اشتقت لك حنيت حنيت واتوق
اسمع بهذا الصبح منك أغاني
ي فارقه بالطيب والحسن والذوق
ي ملهمة شعري بحلوو المعاني
العام الاول.. نطرب الليل اشواق
كن المشاعر في لقاء بعض جنووو
ما بين حب.. وكل همساتنا عناق
كل الحواس بحب.. و افراح غنووو
لين الصباح يطل و الشوق خفاق
لامن سألتك بشري يس او نووو
حنا ثملنا بعض.. في الحب عُشاق
حتى الثمالا في هوانا تغنووو
والله اني لو اعاتب لا ملام
حظي اللي ساقني صدفه ليدينه
كم تعبت من الليالي والهيام
وشوقي اللي احتواني له رهينه
كم تعبت احكي وانا صمتي كلام
وبين صمتي والحكي اكبر ضغينه
علموه اني تعبت من الغرام
وان كلي في غيابه فاقدينه
القصآيد لاجل عينك تستحي
ودها.. وما ودها... / شوق بخجل
كل حرفن اكتبه ما ينمحي
لو كتبتك بالشعر جاني ثمل
مُنيتي بس في قصيدي تفرحي
دام شعري في حضورك يحتفل
أجمعي كل الليالي واطرحي -
كل يوم في البُعد ما يُحتمل
ابهريني في غرامك واشرحي
كيف قلبك عاشني حُب و أمل ؟!
سولفي لي
و
امتعيني
و
امزحي
بك أحس العمر بالحب اكتمل
اشتقت لك حنيت.. حنيت واشتقتك
ي كثر شوقي الك وي كثر لك ما وله
اشتقت اضمك وله بالحيل انا تقتك
مآ كان عني تغيبي ثآنيه والله
اسف على غيبتي لو كان ضايقتك
مجبور مثلي.. ومثلي هالحزن مله
ي كم في الحب غربتك وشرقتك
من نبض قلبي سقيتك هالعشق كله
ايام كنتي حلم.. جيتك وحققتك
ي احلى حلم في حياتي يوم اوصل له
عشنا ليالي الهناء / بالشوق عانقتك
ليته علينا يعود بورده وفله
كيف ابشرح شوق صدري لـ الليال ؟!
وكيف يكتبني الشعر و اذلل له !؟
اسمعي ي ام الترف و ام الدلال
لو لا حبك كان ما إسمي وله
اسمعي بوح الشعور بلا اختزال
وما ابي منك جواب الاسئله
ليه احبك هذا هو اغلى سؤال
من بداياتك ليومك اجهله
ليه اشوفك فرح عمري ولا يزال
فيك شي من السعاده او صله ؟!
ليل الشتاء ي فآتنه صار قارس
نحتاج نار الحب فيها انتدفى
ما قلت لك هالشوق في القلب غارس
حلم اللقاء .. ي بنت ما صار يغفى
من شهر ديسمبر الى شهر مارس
فرصه نحقق حلم قبل ايتوفى
لا زال شوقي بغيابك سيد الموقف!
تنسي وتقسي وقول ان الزمن حدك!
الود ودي عن ضروفك انا اعرف !
والعالم الله بقلبك ويش هو ودك !
الليآلي قآرسه و الشوق ثآير
وكل مآ حنيت لك أكتب قصيد
لا تقولي بغيبتك وشلون صآير !؟
والله اني في غيآبك لا جديد
اذكر اني في غرآمك كنت طآير !
واذكر اني صرت من عقبك وحيد !!
واذكر انه شوفتك احلى البشآير
مثل فرحة خآفقي في صبح عيد
مؤلمه اذكر / وهذا الشوق جآير
ولو تحسي بشوقي لك ذآب الحديد
وحده الله يعلم اللي في السرآير !!
لو أحبك من بعيد الى بعييييد 😔
من بعد الغياب
و إكسر شعوري بالحزن يا بوحي
هذا الغياب يشب فيني جروحي
الا عشان اللي يموني عندي
ليهم غلا ليهم معزة في روووحي
تهنئة متواضعة للكاتبة القديرة / الدكتورة
الف الف مبروك ومزيد من التقدم والنجاح
وجينا نشاركك كل ارتياحك
الف مبروك لك / دوم إنشراحك
وانا وهذا الشعر جينا نهنى
ومهما نقول ما يكفي امتداحك
ولو هو الصعب حاول ان يعاند
يجي بكره يطالبك بسماحك
لأن البحر بحرك و الموانئ
وأيضاً هالسفن تجري برياحك
وهذا لن عزمك ما توانا
وكان بدربك العاتي سلاحك
وصار الحلم كله تحت يدك
تحقق لين ما نلتي فلاحك
أستغرب جداً
كيف مدونة بحجم مزون الإبداع يتم تنزيلها من التثبيت !!!؟؟؟
للأسف شي غريب وعجيب
و المدونة تضم عشرات القصايد من إبداع الشعراء بتحليل ونقد الكاتبة القديرة الجادل
عدم التقدير واعطاء الجهود حقها شي خاطئ جداً ومؤسف
والمدونة تخصنا نحن كـ شُعار ولا تخص الجادل فقط
يا ليت يكون عند الشخص المسؤول عن هذا الشيء بُعد نظر اكثر !!
شي أخير
ما وقفت يعني على منتدى واحد في حالة عدم تقدير الجهد والإبداع !!!
( في غيره يقدرون كل جهد )
حمامة اشعاري بلحني ميلي
لازلت شاعر و الشعر ما كمّل
هذا فراتي لك وهذا نيلي
صادق ولا هو في الشعر يتجمّل
يا فارقة عن البنات بجيلي
هذا قليبي للقاء يتأمل
ما قلت لك وشلون بُعدك ويلي
وشلون خدي فوق يدي نمّل !!
وسط قلبي لك من اللهفه حنين
يا آنيقه
مترفه
يا سوسنه
الثواني في ليالي العاشقين
كنها مرت عليهم كـ السنه
لا تخليني انا في بعدك حزين
وانتي روحي في جميع الازمنه
شاعرك يا فآتنه في كل حين
يعزف ابياته بقربك دندنه
طالت مشاويرك وانا اللي أنتظر
امتى تجي اللي لها كل الغلا
لا لا تقولي لي تمهل و اصطبر
بعض التمهل عكس إحساس الولا !!
العلم جاك و خابرك كلك نظر
يلا تعالي و اكسري حزني بـ هلا
كيف وانتي بقلبي من أعز الحبايب
كم تموني على قلبي قصيدة قصيدة
أبتسم لو ذكرتك كن طيفك هبايب
تنعش الروح لين أحن لك يا فريدة
بيني وبين قلبك
ذكريات و سحايب
و
قلب أبيض
و
وردة
و
الليالي السعيدة
كيف اقطف الورد الجميل لأجلك ؟
وكل الورود تموت من نقطفها !!
والورد كله في الحلى يشبه لك
ويحتار حرفي لو نويت اوصفها
لكن لحني في الشعر يعزف لك
أجمل أغاني بالوفاء أعزفها
صح النوم واحلى نومه
يا حلوه ويا مهضومة
نورتي سماي بضيك
وش هو البدر والا نجومه ؟!
جيتي بالبهى و الطلة
تهدي للفرح مقسومه
قصيدة جديدة
https://www.al2la.com/vb/t124774.html
وانا جوعك واشتاقك ولك اوله
تعالي لي
تعالي لي
تعالي لي
ما دام القلب بكل إحساس لك كله ❤️
انا يا غايتي في غيبتك من لي ؟!
يفديك من هو بالغلا دوم شاريك
ويفديك قلب(ن) ما يبي غير شوفك
الموت دونك و الحياه كلها فيك
يا قلبك الوافي و باقي وصوفك
شاعرك يا عمري وهو منك وليك
يكتبك في شعره و يعشق حروفك
هو باقي بإحساسك قصيد
هلي مزونك اعذبه
يا لحنك العذب الفريد
اواااه وشلون أطربه
يا فارقة عن اي غيد
انتي كذا ابلا شبه
منك المعاني تستفيد
وفيك القصايد معجبه
حني على قلبي الوليد
دام الغلا لك مذهبه
ما كان بإحساسه بليد
يومه يشوفك كوكبه
الود وده يستزيد
من وصلكم وحلى هبه
*
أغيب لكن لاحضرت احضر وانا كلي شموخ
واكسر غرور اللي تباهى بالشعر في غيبتي
وايه والله اني قادر ادوخه اللي ما يدوخ
ولوي تهاونت السبب ياناس كثرة طيبيتي
*
والله يانا أفقدك حس و شعور
كن المشاعر دونك انتي يتيمه
الهم طاويني و بعدك قاسي
لوهي الظروف اللي ماهي في ودك
يا ساكنه في روحي و آنفاسي
قطفت لك عمري غلا في يدك
وغلفت لك اعذب قصيد إحساسي
بالعطر تشدو من نسايم وردك
كنتي ولا زلتي في عمري ناسي
يل ضحكتك يوله عليها خدك
واشعلت في جوف الليالي باسي
متربعة وسط المشاعر وحدك
كل لحظة في انتظارك تستحق
" انتي حاجه تستحق الإنتظار "
والله انك فارقه عندي / صدق
وكم احنك طول ليلي و النهار
واقف على باب الحياه انتظرك
قلبي يشوفك دنيته و أحلامه
الموت دونك و الحياه بمطرك
شعور قلبي صادقٍ فـ كلامه
يا جعل عمري فدوة بس لعمرك
يفداك عمري كله و اعوامه
ودي أقتل هالغياب بحضورك
ماعاد فيني متسع لأي رحمه
أشتاق لك يا ليت يدري شعورك
وشلون كوني دون .... ظلمة
يا غصة عيوني بآخر ظهورك
فيها و فيها من الوله الف كلمة
:نبض:
هذا العتب يوقد بصدري فتيله
اموت لو اني اخليه مدفون
من صباح الورد والجو إنشراح
يا عسى صبحٍ يجيك بعافيه
يا صباح الحُب يا فرح الصباح
شوفتك في الصبح ياهي شافيه
ومن تشمي الورد حس بـ إرتياح
كيف وانتي اللي كفوفك دافيه
والشعر دايم يطالبك السماح
ما يقولك وزن و الا قااااافيه
هذا كله و المعاني إصطلاح !!
ما لقينا لك معاني كافيه
والسهر ما كان من ضمن المُباح
يا جمال اللي عيووونه غافيه
غنيت لعيونك قصيد و مواويل
و اطربت في لحني جميع الاحبه
يا غير انتي في جميع التفاصيل
.... . .... ملهمه دوم عذبه
انتي فرقتي في صفاتك عن الجيل
حتى تميزتي عن الفين نخبه
شاعرك يا عمري يحب التعاليل
يصدق ولا يكذب بالإحساس قلبه
في غيبتك حزنه وكثر التآويل
وفي طلتك كلها الأرض رحبه
ويقطف لقلبك من وروده أكاليل
ومن غيم إحساسه قصيدة يصبه
تدري بأني أموت بك حتى الأخير
لو كانت الدنياء متاهات و خراب
والشوق لك فيني من اللهفه غزير
أشتاق لك في كل حضورك و الغياب
يا غايتي والليل من دونك مرير
الليل دونك يختصر كلمة عذاب
يا انتي مني روح جيتك أستشير
كيف الوله يهدأ وبُعدك إغتراب ؟!!
يلا تعالي أصبح الموقف خطير
انا سؤالك وانتي لي كل الجواب
أشتاق لك لا يحتمل قلبي الصغير
أشتاق لك
أشتاق لك
إبلا حساب
لوهي ثواني غيبتك نعلن نفير
مشاعري تعلن تظاهر و إضطراب
مُدي يدينك ودي في شوفك أطير
يا بسمتك تكفي احلق لـ السحاب
سوالفك أنعم من خيوط الحرير
إسترسلي معك المشاعر تُستطاب
والحُسن حُسنك باهي و ماله نظير
وعيون ريم و رمشها سهم و حراب
يا حُسن قلبك والغلا فيني جدير
في كل نظرة لك في الموقف صواب
في طلتك يوقف لك الجمع الغفير
من هيبتك الكل بلحظة إرتقاب
ولعيونك اللي مايصير الاااا يصير
نكسر غرور المستحيل مع الصعاب
من كثر ما انتي نادرة فكرك غزير
الود ودي اصوغ في وصفك كتاب
و انا وكلمة لك ولو تعني الضمير
اعنيك فيها يا انا في كل خطاب
والله لو أنك تعرفي وشكثر أغير
يا نارها في الصدر ممنوع إقتراب
عصفورة الليل ما مرك لذيذ الكلام
اللي ليامن حكى يوله علي اسمعي
قالت : انا مين ؟!
قلت : انتي الفرح و السلام
ينبيك عني
فعولي
و
الشعر
.
..
...
قالت : انا وين ؟!
قلت : انتي هنا ❤️ للختام
في وسط قلبي وروحي دايم انتي معي
كل لحظة في غيابك كالسيوف
تطعن الخافق وتجزل بالردى
يا نظر عيني ودونك ما اشوف
موطني انتي ولا مثلك حدا
إحساسي لك والله ياهو وافر
إحساس نادر وسط قلبي تأصل
ما قلت لك والشوق هذا كافر
ويموت قلبي بك ولا يتنصل
في شوفتك كل الفرح و السلامه
في غيبتك جرحي ومن دون تضميد
ما للسهر معنى بدونك ندامه
تبقى الأماكن عاشقة للمواعيد !!
.
بَعَدْ هَذَا الغِيَابْ وكِيفْ يفْتَحْ للحَنِينْ أَبْوَابْ !!
بَقَى فِي خَاطِرِي شَمْعَةْ كَلامْ وغِيبَتَكْ ظَلْمَةْ
يا أعذب مِنْ يسُولَفْ لِي يا اَغْلا مِنْ غَلاة أَحْبَابْ
تَعَبْ هَذَا الصَبَرْ مَنِي نَشَفْ رِيقَهْ مَعْ دَمَهْ
يَطُولْ الوَقْتْ فِي غْيِابَكْ كَأَنْ الوَقْتْ لِي كَذَابْ
إِذَا مَرَتْ ثُوَانِي دَسّ وَسْطْ هَذَا العَسَلْ سُمَهْ
وَانَا َيَا غَايِتِي والِلي خَلَقْنِي أَكْرَهْ الأَسْبَابْ
إِذَا هِي تَاخَذَكْ عَنَّا بَلا لَطْفْ وبَلا رَحْمَةْ
تَعَالِي طَلَتَكْ أَنْوَارْ واهْدِي هَالمَسَا تَرْحَابْ
تَعَالِي وانْتِي لَوْ جِيتِي غَدَا هَذَا الحَزَنْ بَسْمَّةْ
تَعَالِي وكَلْ شيٍ فِي حَضُوْرِكْ بَاهِي وْخَلابْ
تَعَالِي وارْسِمِي للفَرَحْ بَحْرُوفَكْ كَذَا رَسْمَّهْ
تَعَالِي سُولِفِي واسْتَرْسِلِي فِي حَكْيِكْ الجَذَابْ
عَذُوبَةْ حَكْيِكْ المُتْرَفْ أَرَقْ وأَحْلَى مِنّ نَسْمَّهْ
تَعَالِي بْكَلْ إِحْسَاسْ المُوَاصَلْ والغَلا غَلابْ
وحَظ اللِي سِكَنّ قَلْبَكْ دَعَتْ بالخِيرْ لَهْ أَمَّهْ
تَعَالِي بالْمَزَحَ والا تَعَالِي غِيضِي المَرْتَابْ
تَعَالِي اشْرَحِي كِيفْ الغِيَابْ يهَدّ مِنّ إِسْمَّهْ
تَعَالِي قُولِي: إِنّ اللِيلْ مَا يَحْلَى بَدُونّ أَصّحَابْ
تَعَالِي قُولِي : إِنّ الصَبْحْ مِنّ نُورِكْ خَذَا قَسْمَّهْ
تَعَالِي اقْطْفِي أَحلَى الورُودْ اللِي إِلك تَنّسَابْ
وحَسِي الوَرْدّ مَتْلَهَفْ لمّعَانّقْ يَدّكْ / ضَمَّهْ
.
والشعر ما كان ضمن المستحيل !
عندي أسهل من خروجي للحديقة !!
موهبه / وراثه / نجي نفس الفصيل
دون نتصنع يجينا بـ السليقة
كل بيتٍ أكتبه دمـــه أصـيــل
ما تخالط في عطوره او رحيقه
عقد مر من الزمن وانا جزيل
صايغ احروفي مثل أجمل عقيقه
قادر اصوغ المعاني سلسبيل
وقادر اشعلها و ولعها حريقه
(هي) و انا "صاحب الظل الطويل" !!
( القصيدة ) والعلاقه بي وثيقة
ما ورى العيد فرحه كان ما جات منك !
لا تلومي شعوري وانتي كل السعادة !
من يودك بروحه ما خلف يوم ظنك
قالوا من ود يقتل كل ظرف بجهاده !!
تدري إني إني و أدري أنك أنك !!
في الوفاء و التفاني مرتبتنا رياده
حنيت لك ما حن طفلاً لأمة
راحت وقالت وصلها ليلة العيد
والعيد راح ويختنق وين يُمه
ما تعرفين شكثر انا عقبك وحيد !؟؟؟
......................................
خابر غلاته ما تجيها تجاعيد !!
ما ........ اللي قضى ليله العيد
مشتاق لك والشوق منه مكدر
لا تتركين الليل حزنه جلاميد
تاقف على روحي وحزني تصدر
ياللي غلاتك مالها اي تحديد
- تدري القلوب مسيرة بالمقدر -
اتحرى جيتك كنك العيد
.............. في صبح عيده
شوفتك أجمل من شعور الزغاريد
واصدق من شعور الابو في وليده
وانا المؤكد بالوفاء دون تأكيد
اقدم اقليبي الك مع وريدة
مداي كوني .. كيف اقبل بتحديد ؟!
إحساس روحي و المشاعر قصيدة
اشهد انك غلا والا غلاة الغلا
يا منبع الروح والا ذا لقلب كله
اما حياةً بشوفك والا فـ لا لا ولا
العمر يرفض وبعدك موطني من له
لمس إحساس قلبك غير لمس الكفوف
جاتك أغلى مشاعر و اسمعي ما يلي
موطني
كل فرحي
عيني اللي تشوف
حلم عمري
و
كوني
آخري
و
أولي ❤️
vBulletin® , Copyright ©2000-2024,