((انا شاعر خيالي))

[القارظ العنزي]

انا شاعر خيالي
قصيدي كله فكرة
لا يعني حب الغالي
ولا يعني بنت بكرة
بس اسلي غربالي
لا تسيؤون النظرة
والغالي يبقى غالي
لو عيشني بالحسرة
يالغالي تبقي ابالي
لو نفتقد للعشرة
صدق شوفك يحلالي
لكن تبعدك القدرة
قدرة الرب العالي
ابعدتنا يالجبرة
حياتي بس الحالي
هذي حالي ولبكرة
عسى الله يرحم حالي
ويرزقتي وحدة سمرة
سمرة وشمه كالخالي
واحلا من طعم التمرة
ارسل لها الموالي
واعزف القاف ونثره
تطربني وتطرب بالي
وتنسيني عيشة مرة

القارظ العنزي

[مساحة قلم]

شاعر خيالي ولولا الخيال ماقلنا في حد اي بيت
يعني الحين يوم انه المحبوبه تكون شينه ونكتب فيها عشره ابيات غزل .... نعتبر كلامنا خيال اكيد :MonTaseR_215:
صح لسانك
يختم ل3ايام
تقييمي

[القارظ العنزي]

صح بدنك مساحة قلم
كلك ذوق يا راقي

[شبح الشمال]

صح السانك ملأيين / شاعرنا القارض العنزى
على هذه الأبيات الرائعه والجميله
بارك الله فيك ومتعك بالصحة والعافيه
أسعدتني هذى الأبيات الشعريه

[احلام عابره]

يالشاعر.......الخيالي
عجبتني والله الفكره

بدي اكتب..... موالي
للي يحلالي.... شعره

طربان ولا على. بالي
لا احب ولا....... اكره

عايش بالدنيا... لحالي
لو الناس حولي بكثره

همي يهد........ جبالي
ويفتت اقوى.. صخره

حسبي ربي ذو الجلال
بالخلق نافذ....... امره

[أعد النجوم]

صح لسانك يالقارظ

جميل جميل


تقييمي

[القارظ العنزي]

صح بدنك شيخ الشمال
لاهنت يالغالي على مرورك
الطيب والجميل تحياتي

[القارظ العنزي]

هلا هلا ............ بالغالي
حرفه سبب لي ... سكرة
من شوفه شفت .. هبالي
وان غابت شفت الحسرة
تعالي يالله ........ اقبالي
هاتي علومك ... يالخفرة
يا ليتك ام ........ عيالي
لاحبسك وسط . الحجرة
واحبسك حبس . رجالي
ما يشوفك غيري ... مرة
لو قالوا هذا ...... اخبالي
والقارظ زايد ....... كفره
ما همني .......... يالغالي
حلالي ودي ...... احشره
قافك يالترفة ...... جالي
وسبب هاي ....... الفكرة

مشاكسة جميلة والا لا ومنكم
نتعلم احلام كلك ذوق

[القارظ العنزي]

صح بدنك وانت
الاجمل اعد النجوم