المساعد الشخصي الرقمي

مشاهدة النسخة كاملة : ما أبي إلا هي !


أنا فداهم
03-03-20, 06:50 AM
،'

*

يا مجلي الظلما بنور الضيْ
يا مجري الساعة بغمضة عين .!

يا محيي الميت مميت الحيْ
يا خالق أجساد البشر من طين .!

يا مزهر النبتة بقطرة ميْ
يا شافي أمراض البشر من تين .!

ياللي تعرف وشهو علي وش ليْ
يامن تعين اللي طلبك تعين .!

عندي ألم باقي و جرحٍ نيْ
وشرهاتي لغاليني السكين .!

ما فاد في طب الجروح الكيْ
لو فاد ماني بين هالنارين .!

هم يحسبون إن المحبة غيْ
ومن خلقة الدنيا وهي بـ الجين .!

رباه ما يخفاك شيٍ فيْ
لو اجهلوا دمعاتي الغالين .!

رباه مابي شي مابي شيْ
أبي أكمل بس نصف الدين .!

واللي أبيها ما أبي إلا هيْ
هي الدعاء المعتلي بـ آمين .!

،'

*

القارظ العنزي
03-03-20, 06:54 AM
آمين والله يحقق مطلبك
بإذنه وصح السانك ابدعت
يا فداهم قصيدة من القلب

احلام عابره
03-03-20, 07:40 AM
آمين آمين
ربي يجيبهالك على اهون الاسباب
صح لسانك يافداهم مليون
احترامي

الحر الأشقر
03-03-20, 08:35 AM
صح لسانكك

الله يرزقكك بالزوجةة والذريةة الصالحةة

كهله بقلب طفله
03-03-20, 10:46 AM
رباه ما يخفاك شيٍ فيْ
لو اجهلوا دمعاتي الغالين .!

رباه مابي شي مابي شيْ
أبي أكمل بس نصف الدين .!

واللي أبيها ما أبي إلا هيْ
هي الدعاء المعتلي بـ آمين .!


آمين
صح لسانك انا فداهم
والله يرزقك بالزوجة الصالحة ويسخرلك
ويسهل أمر زواجك ممن تحب :نبض:
ربي يسعدك

وهج
03-04-20, 07:43 AM
عندي ألم باقي و جرحٍ نيْ
وشرهاتي لغاليني السكين .!

ما فاد في طب الجروح الكيْ
لو فاد ماني بين هالنارين .!


الله يا فداهم

جميل .. جميل

مبدع شعر وشعور

ونصوصك تستحق الإلتفات دائمًا

أعد النجوم
03-04-20, 02:15 PM
جميل يا انا فداهم


ابدعت وامتعت



يختم ل 3 ايام

+


تقييمي



+


خمس نجمات

آلنـور
03-04-20, 03:49 PM
جميلة
صح لسانك..


SEO by vBSEO 3.6.1