ردي على قصيدة..؟

[سلمان]

كتب لي الشاعر المبدع محمد البرقاوي
قصيدة جزلة في احد المواقع
هذا نصها
.
.
براسك شعر ونا براسي مواويل
تجمعت من كل صوب ونحيه

ماهوب لازم تجزل القاف وتطيل
لاهوب دايم هيل والنار حيه

الشعر من ضيقة هجوس وغرابيل
عليك تجميعه وانا وش عليه

علي اعده للرجال المشاكيل
واجعل حقوقه من حقوق الرعيه

اما نعديبه وراء الجدي وسهيل
ولا استرحنا من نفوس رضيه

البارحة ياراس راسي وياليل
زادت علينا المشكلة والخطيه

بين القصيم وبين هاك المداهيل
بانت نتايج ماتجيب الحميه

يالله بغيث يسقي الدار ويسيل
وادي الرشا وشعاب نجد العذيه

انشد وتلقى من هل السيف والخيل
اللي مشاعرهم توارد نديه

شربوا من صدوف الليلي فناجيل
وان كرموا شنت عليهم سريه

قلي عن اخر ماطرى لك من القيل
واعلمك حب الخوي لخويه

فينا من الماضي محبه وتبجيل
ولمجدنا بصدورنا مقدريه

انشد عن البيداء وجزل التماثيل
وحب الفياض المعشبه والمطيه

لا بكر الوسمي وجاء له هماليل
والربل والرقروق كبر النصيه

حياة احلى من حليب المباهيل
ترضي النفوس اللي من الله رضيه

صح لسانك
.
.
هذا ردي المتواضع على القصيدة الراقيه
ارجو ان تحوز على رضاكم
اقول فيها
.
.
محشوم وامقدر يوفالك الكيل
بس مالك ومال القلوب الشقيه

ياليت ماخصيتني بالتماثيل
واجب علينا لك نرد التحيه

ايقضت هم منه شفت الغرابيل
النجم غاب وجمرة الشوق حيه

اصبحت يالبرقاوي احط وشيل
للذكريات اللي جروحه نديه

هوكان يغليني وجوه العواذيل
انا الذي عرفتهم به هنيه

غروه في حلو الليل المقابيل
صرت انا ياخوي اول ضحيه

ابعدت انا وهوابتعد فتنة الجيل
اللي حصلي منه ماهوشويه

خل نقلب الموضوع ماعاد بي حيل
اليوم ماتلقى قلوب وفيه

ارجوك بشرني عسى نازل سيل
على القصيم وبالحفر والحويه

عسى الشغايا ارتوت والغراميل
بدت تجر الحونه الراعبيه
.
.
سلامتكم

قلمي

:111:

[القارظ العنزي]

صح السانكما جميعا
ما تجيبون الا الجزل
نعم الاخوة والوفاء
لا فرق بينكم حاسد
ولا حاقد يالغالين
سلمان والبرقاوي

[احلام عابره]

براسك شعر
دائما يطربني الشعر الي من راسك
صح لسان الشاعر الجزل محمد البرقاوي
مفتقدينه والله عساه يكون بخير
وصح لسانك يا سلمان مليون
لك ودي واحترامي

[أعد النجوم]

صح لسانك شاعر سلمان

وصح لسان صاحبك الشاعر



ابيات جميله من كلا الطرفين



يختم ل 3 ايام

+

تقيميي
+

خمس نجمات

[فتاة الوطن]

ما شاء الله :73344:

الشعر كان فقمه الفخامه.. كان شعر لا يطغى عليه

ابدعتوا صراحه كلام كثير
وللاسف انه قلت القلوب والناس الوفيه

الله يعافينا منهم ومن شرهم

تقبل مروري المتواضع:73344:

[سلمان]

صح السانكما جميعا
ما تجيبون الا الجزل
نعم الاخوة والوفاء
لا فرق بينكم حاسد
ولا حاقد يالغالين
سلمان والبرقاوي

صح الله بدنك القارظ

تسلم والله ماعليك زود

شرفني مرورك الجزل

حترامي وتقديري

[مساحة قلم]

راقتني القصيده
وراقني ردها
صح لسانكما

[سلمان]

براسك شعر
دائما يطربني الشعر الي من راسك
صح لسان الشاعر الجزل محمد البرقاوي
مفتقدينه والله عساه يكون بخير
وصح لسانك يا سلمان مليون
لك ودي واحترامي

صح الله بدنك احلام

يسلم راسك شرفني مرورك الجزل

حترامي وتقديري

[سلمان]

صح لسانك شاعر سلمان

وصح لسان صاحبك الشاعر



ابيات جميله من كلا الطرفين



يختم ل 3 ايام

+

تقيميي
+

خمس نجمات

صح الله بدنك اعد النجوم

تسلم والله شرفني مرورك الغالي

حترامي وتقديري

[سلمان]

ما شاء الله :73344:

الشعر كان فقمه الفخامه.. كان شعر لا يطغى عليه

ابدعتوا صراحه كلام كثير
وللاسف انه قلت القلوب والناس الوفيه

الله يعافينا منهم ومن شرهم

تقبل مروري المتواضع:73344:

ربي يسعدك فتاة الوطن

شرفني مرورك الفخم

حترامي وتقديري

[سلمان]

راقتني القصيده
وراقني ردها
صح لسانكما

صح الله بدنك مساحة قلم

وتشريفك ابلغ من الكلمات

حترامي وتقديري