((حسبي الله على كرونا))

[القارظ العنزي]

حسبي الله على .. كرونا
فرقت بيني ........ وبينه
قالوا تصبر .... ما تشوفه
كيف ابا اصبر لسبوعينه
عسى الله يلطف بحالي
قلبي ما ينسى ... خدينه
شوفته تعنى ..... حياتي
وش حياتي ... هالحزينة
ازجروني ....... حذروني
اقطع حدود ..... المدينة
والسبب عدوى .... كرونا
يا كرونا .......... ياللعينة
ما لنا غير الله ...... والي
ربنا اللي ........ نستعينه
يرحمنا برحمة .. وسيعة
ويرزقني ايمان وسكينه
ويساعد عقل .. تضعضع
من عقب فقدة ... رطينه
صغير وحلو .... اللساني
دايم ينشد بابا ..... وينه
عسى الله يصلح احوالي
ويثبتني على ....... دينه
لو درينا باللي ... يحصل
مثل سجان .... وسجينه
ما نجي لو هي .. جريمة
عندهم وايضا ... مشينة
نصبر والفتنة .... طويلة
والفتى ربه ....... عوينه

القارظ العنزي

[6ef]

صح لسانك
على رقي الكلمات وحلاوة المعنى
قصيدتك رائعه عميقه بتفاصيلها تأسر العين
وتأخذ بمجامع القلوب بجمالها

الله يبعد عنا هذا الوباء
وعن جميع بلاد المسلمين

سلمت ولاهنت
ودي

[القارظ العنزي]

تسلم روحك
وصحة ايامك
6ef

[كهله بقلب طفله]

أبيات جميلة صح لسانك
الله يحفظنا ويكفينا شر هالبلاء
تحياتي

[مسكك الغلا]

صغير وحلو .... اللساني
دايم ينشد بابا ..... وينه


صح لسانك واعتلا شانك
ربي يذهب الوباء وتنزال الغمه
وتفتح الحدود وتشوف الصغير
وتفرح بضمه .. ربي يحفظه لك
ويحفظك له .. اصبر وتصبر
هذي احترازات والحمدلله
رحمة ربي واسعه ..
ربي يحفظ لك سلمان ويحرسة
استودعته ربي

[القارظ العنزي]

الله يجمل أيامك
وصحة أنفاسك
كهلة بقلب طفلة
اللهم آمين على
دعواتك يا رب

[القارظ العنزي]

صحة ايامك
نجمتنا مسك
الغلا ، ولكم
مثل ذلك من
حسن الدعاء
والأستجابة
الربانية لاحرمنا
مرورك العطر وطلتك
البهية على متصفحي
عسى الله يفرجها من
عنده انه هو ولي ذلك
والقادر عليه

[احلام عابره]

ربي يجمعكم..سويه
وبيديك تضَم ايدينه

وتنتهي ازمة كورونا
ويعيونك تناظر عينه

ويقرب ربي المسافة
الي مابينك.....وبينه

الي مفارق....صغيره
ربي على بلواه يعينه

جميله جدا يالقارظ
ومعبره وحزينه جدا جدا
ادمعت عيوني يالغالي
ربي يرجعك بالسلامه

لك كل الاحترام والتقدير

[مساحة قلم]

صح لسانك يا راقي ....
الله يعافي كل مصاب ومبتلى

يختم ل3ايام

[أعد النجوم]

منجم الشعر


صح الله لسانك وسلم بنانك




مبدع دايم


تقييمي

[القارظ العنزي]

هلا بك مرحبا . يالعوينة
ياللي ديني على ... دينه
امين يا رب . يستجيبي
وحط يديني .... بيدينه
هو راس مالي والتجارة
واللي طلع لي من دزينة

كل الشكر لك احلام عابرة

[القارظ العنزي]

صح بدنك مساحة قلم
وانت الراقي يالغالي

[القارظ العنزي]

هذا من لطفك
اعد النجوم
لاهنت يالغالي