المساعد الشخصي الرقمي

مشاهدة النسخة كاملة : الشكوك !


أنا فداهم
03-17-20, 05:49 PM
*

*

الليالي حزينة ؟ والا قلبي حزين ؟
هذي الليلة الليلة على أعصابها

كل قصيدة تدور فـ خاطري مرتين
مرة أرضى عليها و مرة أغتابها

الصداع إن تمادى يرهق الكافيين
والفناجيل تطلق بال شرابها

يا فناجيلي السودا معاك أكسيجين
كل رشفة تحس الروح بإعجابها

سهريني أحس إني بطيح بـ كمين
الليالي تنادي لـواحدٍ غابها

دثريني عن العقّال والساهرين
ودي أجن لحظة مااحسب حسابها

كنت دايم أقدّر عزلة المتعبين
ليه لا اخترت لي عزلة اخلعوا بابها !

صاحب اول ليالي مثقلة بالحنين
لو تبادلني أبسط جية أرضى بها

عشت 20 عمري فاتحٍ لك يدين
لو ثلاثيني تسولف لك عتابها

مدني بالحياة المفعمة باليقين
الشكوك اللي تفشت حولي أهابها

عقبها لو تواعدني مواعد حزين
جيت لك جية اللي ماتت أعصابها

*

*

المعتفس
03-17-20, 06:01 PM
رائعة رغم حزنها ووجعها
سلامتك من الحزن وصح لسانك ملايين

أعد النجوم
03-17-20, 10:42 PM
الله عليك شاعرنا العذب انا فداهم


ابيات رائعه كروعة حضورك


يختم ل 3 ايام

+

تقييمي

+

خمس نجمات





تستاهل شاعرنا

جُلَّنار
03-18-20, 12:28 AM
السطر يحمسني اقرأ الي بعده


جميلة جميلة كلماتك واوصافك

أحسنت شاعرنا

.
.

كهله بقلب طفله
03-18-20, 01:33 AM
صح لسانك أبيات رائعة
وكعادتك تبهرنا بجديدك

ربي يسعدك ويرزقك ماتتمنى

احلام عابره
03-18-20, 09:54 PM
هاذي الليله ليلة فرح لقلب ن مايستكين
عسى السعاده ياصاحب تفتح لنا ابوابها

ربي يجمع بالهوى بين كل.... العاشقين
والي عنده مواويل يغنيها..... ونطربها

قلبي مفارقله غالي مالتقابه من.. سنين
وليالي السهر عالمفارق والله... ياعذابها

مادريت طعون قلبي يافداهم جت منين
هي من اغراب الناس ولا من..... اقرابها

من ثلاث سنين قللب زايد ن به الحنين
وجروحي كنها جيوش مسددات احرابها

صح لسانك يافداهم
تقبل مروري كَ
كما هو واعذرني على التقصير والتاخير
احترامي

الوله
03-20-20, 02:52 PM
شاعر فخم

شاعر عذب

شاعر مبدع

بكل معنى الكلام

تكتب بكل إحساسك وجوراحك

انطربت يا نقي

لقلبك كل الود .

آلنـور
03-22-20, 02:35 PM
مبدع حرف
صح لسانك

شاهستا
03-29-20, 02:46 AM
هذا الوجع سافل !
أربك قلب شاعرنا الحزين .

-
وهذا الحنين قاتل !
سكب دمعات وناحَ بَ أنين.


؛
لا زالت دهَشة القلب تتسع
كلما نُظرت الى أحد قصائدك .


عظيم !



SEO by vBSEO 3.6.1