((طبع الوفاء في دمنا ما نخونك)) [الأرشيف] - منتديات مسك الغلا

مشاهدة النسخة كاملة : ((طبع الوفاء في دمنا ما نخونك))

القارظ العنزي

03-18-20, 08:39 AM

يا قلب ريح العرب .......... ما يبونك
وش ينفعك يا قلب تلعي .... وترجي
اقصى حصيلك بالعرب هي . غبونك
وانا ادري انك طحت من طاح برجي
يا قلبي حاذر والجم باقي ... جنونك
قبل مابيع احصاني وابيع .... سرجي
كم ادخرنا لاجل نسدد ........ ديونك
ضاع الحلال وضاع بالناس ... مرجي
مع انك غبت وغاب زولك ..... ولونك
بقيت ادور ذكرياتك ........... بدرجي
طبع الوفاء في دمنا ....... ما نخونك
لو بعتنا نمشي على العهد ..... درجي
تبي الحقيقة كيف انا انسى . عيونك
منها الحنايا تخلج اخلاج ..... خلجي
عفت المنام وجفني يفقد .... جفونك
وعفت الطعام اللي قنيته ... بخرجي
ودعتك الله ربي عوني ....... وعونك
يرحمك ويرحم يا هوى البال عرجي

القارظ العنزي

أعد النجوم

03-18-20, 08:48 AM

صح لسانك شاعرنا القارظ

قافية القصيده جداً رائعه

يختم ل 3 ايام
+
تقيييمي
+

خمس نجمات

القارظ العنزي

03-18-20, 08:58 AM

انت الروعة والابداع
غالينا اعد النجوم
وصح بدنك لاهنت
على الاطراء والتقييم

نجم ضاوي

03-18-20, 10:33 AM

جيت زوار لأجل خاطر عيونك
ما سمعت فيك هرج ن ومرجي

جيت أبين لك . خطأ في ظنونك
الأمل في الله .. والوصل . ارجي

يا لعن ابو اللي . في عهده يخونك
حزمت لك من جده لعمان سرجي

يا صاحبي قول ليش تدمع عيونك
تعال .. ندعي الله . واللطف نرجي

من أين أتيت بهذه القافيه ...
قوافيه فيها شيئ من الصعوبه لقلت معانيها ...
بس ما يجيب الصعب إلا مثلك صعب ...
أعجبتني جدآ القافيه ...

صح لسانك وسلم نبض إحساسك وبنانك ...
لله درك من شاعر عذب السجايا ...

لا خلا ولا عدم ...

القارظ العنزي

03-18-20, 10:51 AM

الصعب تقدر له والمزين ....... يبونك
وانا غديت كني بعقل ..... السكرجي
العقل ضايع والبقى في ...... فنونك
يا صاحبي ياللي بالسوالف ... تهرجي
لا وهنيك بالغوالي ............ يجونك
واللي نواكم بالجفا ...... ما يسترجي
تعال شف حالي عسى الله .. يصونك
شف الساني تلعثم يابوضاوي بهرجي

احلام عابره

03-18-20, 02:00 PM

صح لسانك
لي عوده باذن الله

القارظ العنزي

03-18-20, 06:36 PM

لا تعود ي ..... يالغلا
عقلي صار .... مكبلا
مرحبا بك .... يا هلا
لكن خلك من .. بعيد

فرق كرونا .... العرب
ما حد يلمس لو قرب
كنا واحد به ... جرب
ما يبونه لو ... بالعيد

فعلوا جيش . الدفاع
في ديارك . والقطاع
ابدأ ي لبس .. القناع
واحذر ي شر جديد

لو بكيفي .... زرتكم
شفت الدار وشفتكم
لكن والله .. خفتكم
الخطر فيكم شديد

صح بدنك احلام
خربشات مساءية
على قولتك

احلام عابره

03-18-20, 09:31 PM

ياصاحبي قلي بالله... وشلونك
الجو ماطر بس كن به.....عجي

بعيد ولكني مشتاقه.... لعنونك
مالي غير ان ادعي ربي وارجي

الكون كله حولي صحرا.. بدونك
حتى لو اني جالس وسط مرجي

العين ونبضات القلب ..... يبونك
اداري ولكن الوضع صار...حرجي

بسبب كورونا قطعوالحدود دونك
ليت الحدود تزول واناجيك كرجي

صح لسانك
يالشاعر العذب
بس بالله منين مستلهم هالقافيه

خف علينا بقوافيك شوي
ههههه

احترامي

احلام عابره

03-18-20, 11:03 PM

اغليك من دون... الملا
وتعجبني فيك المرجلا
اشواقي يمك.... مرسلا
لو انك عن عيني ..بعيد

وشلون ماعود يالجسور
واكتبلك ابياتي. بسطور
لو تبتعد خلف... البحور
يسافرلك قلبي... العنيد

ان جيت يامرحبا.... بك
وان غبت اطوف برحابك
هنا من الناس..... احبابك
في غيبتك فكري... شريد

القارظ العنزي

03-19-20, 05:24 AM

صح بدنك والسانك
على كل هذا الاجمال
والابداع في القاف
يحفظك ربي من كل
سوء ومكروه