((كتبت القاف المجرورة)) [الأرشيف] - منتديات مسك الغلا

مشاهدة النسخة كاملة : ((كتبت القاف المجرورة))

القارظ العنزي

03-23-20, 09:47 PM

بديت انا افقد جمهوري
واظن كرونا .. السبايب
والا من قافي وقصوري
صارت تغيب .. الكتايب
لازم اقلل ..... بحضوري
يمكن تشتاق .. الحبايب
والا لعلي ..... مسحوري
ما هي غريبة . بالشايب
لكني ابسأل .... الجوري
الوردة بنت .... القرايب
يمكن منظوره منظوري
ويمكن تبداني الحرايب
اعرفها تكره .... غروري
ويمكن تجيب المصايب
والا ننفك من ... شروره
وننساها وش انا جايب
كتبت القاف . المجرورة
مع حرفه جبته سحايب

القارظ العنزي

احلام عابره

03-23-20, 11:37 PM

جتك حروف بابدع صوره
والحلا بالمعنى ..... ذايب

حاشا حرفك من القصوره
كورونا شغلت ... الحبايب

كل ن مشغول مع دكتوره
يحسب للبلوى .. حسايب

القوافي باتت .... مقهوره
تسال عن كل شاعر غايب

وين الضاوي وين سطوره
ليه عن المسك ..... غايب

يالقارظ حرفك.. اسطوره
بس انت شد ..... الركايب

القارظ العنزي
ابدعت
صح لسانك
الكل مشغول بالحظر هالايام
والمحلات التجاريه المغلقه والمخابز كمان
والناس ضايق خلقها
ان شاء الله بتمر هالازمه على خير

القارظ العنزي

03-24-20, 01:49 AM

صح بدنك ياحلام الأمورة
والحضر من اسباب القعود بالبيت
والتفرغ للكتابة :

شكرا ياحلام .... الأمورة
يالشيخة رمز .. النجايب
قافك اللي شعشع .. نوره
خلى بالي منكم . طايب
نورك اللي ..... كالباجورة
فيه علاج العود . الشايب
يالله هات ي لي الباكورة
هدية ست ...... الحبايب
ودي ندور ...... المعمورة
وان ودك جبت . الركايب
ياللي تفخر ...... بالتنورة
وانا بالفنجال ..... الرايب

الفيفي2017

03-24-20, 02:48 AM

صح لسانك شاعرنا الانيق ولافض فوك
ابيات جميلة

كنت باتهور وارد عليك باشعار
اخاف اخطي ويلغيه حكم الفار

كهله بقلب طفله

03-24-20, 04:14 AM

ههه ابداع كالعاده ماشاء الله عليكم
صح لسانكم ماهنا قصور بحرفك يالقارظ بس الكل مشغول
الله يرحم ضعفنا جميعاً ويفرج عنا وعنكم

تحياتي

القارظ العنزي

03-24-20, 05:37 AM

صح بدنك يا جميل
خطأك عندنا صح
لاهنت الفيفي 2017
متى نشوفك 18 ههه
والا 17 يعني ذكرى
خاصة كلك ذوق
يالغالي العزيز

القارظ العنزي

03-24-20, 05:40 AM

الله لا يشغلنا الا بطاعته كهلة
مرورك خفف على القارظ شوي
الكهولة تفهم بعضها اكثر من الطفولة
الله يحفظك ويحفظ الجميع ويزيل
هذي الغمة ويفرج همنا ويرفع غمنا

مساحة قلم

03-24-20, 10:30 AM

يكمل كورونا ويرجعو الجماهير اكيد
صح لسانك
يختم ل3ايام

القارظ العنزي

03-24-20, 10:43 AM

صح بدنك
مساحة قلم
لاهنت الله
يرفع البلاء
والبوباء