((يا أعد النجوم))

[القارظ العنزي]

يالمسك انا وياك ومن عد النجوم
يا اعد النجوم انا والمسك .. وياك
لولا ردودك خففت غم .... وهموم
يمكن ودعنا مسكنا اليوم .. نفداك
ويمكن نعد نجوم مثلك مع نجوم
نعدها ونعد المجرات ...... وافلاك
راحت حياتي كلها حلوم .. بحلوم
حلوم يقضة ما نفع سعينا. ... ذاك
لا يا حياة بالبلا دايم ....... الدوم
عيت تعدل قبل موتي .. والاهلاك
حتى الطعام اللي نذوقه به سموم
ما له طعم لو اللحم فيه . واسماك
والنوم لو تدري عن الموق . والنوم
العين تسهر ويبكي موقها .... ذاك
ياعد النجوم نسل المناعير وقروم
جتك القوافي تشتكي وهمنا جاك

القارظ العنزي

[أعد النجوم]

اشوف انا القارظ من العام مهموم
وانا عيوني لك واسمع لشكواك

غربتك عن دارك سنين(ن) ومو يوم
الله يعينك ياصديقي ببلواك

ان مالقيت النصح تلقى لك اللوم
ومحد(ن) ترا من هالبشر وقف معاك

راحت سنينك يا ابو سلمان محروم
ياجعل رب الناس بالخير يجزاك

لا لا تخلي الهم في بالك يحوم
ولا تترك الهاجس يجي لك وينصاك

افرح وامرح كن هالهم معدوم
وانسى جميع الكون لو هو تحداك

ياصاحبي ربك مع كل مظلوم
سبحانه اللي ماابد يوم خلاك

اعيد واكرر تراك انت مخدوم
وانا عيوني لك واسمع لشكواك

[أعد النجوم]

صح لسانك شاعرنا القارظ

تقبل ردي عليك كما هو


يختم ل 3 ايام
+
خمس نجمات
+
تقيييمي

[نجم ضاوي]

يا شاكي ن في المسك لاعد النجوم
لا بأس يا أبو سلمان والسو أخطاك


اعد النجوم .. تراه من ناس ن سلوم
عسى ما شر والشر . . شره تخطاك


يا القارظ العنزي .. ويا نسل القروم
يا عسى الروح . . ذا اليوم .. تفداك


وشبك تملل كنك في الهوى مضيوم
وإن الهوى يا صاحبي فات وتعداك


من الذيب يا صاحبي يتفازع القوم
خابرك ذيب في الوغى نسمع عواك


كن سيفك . . يا فتى . . صار مثلوم
الظاهر الشيب بدى يحوفك ويغزاك


هذا حكم ربي عليك هالشي مقسوم
اصبر لحكم الرب .. دامه الرب أبلاك

[القارظ العنزي]

حي القوافي وحي شغموم شغموم
ذيب السرية لعتزا بالوفاء .... جاك
حيه وحيوا بالفتى أعد .... النجوم
نعم بكم والمرجلة دوم ..... تزهاك
جوابك اللي عالج اليوم .. مضيوم
ريحت به نفسي عسى الرب ياقاك
عز الله انك عندي من علية . القوم
الطيب عندك وانت ساسه وشرواك
الله يجيرك من بلا كل ..... مظلوم
يجزيك رب الخلق في كل مسعاك
ويرحم ضعيف كنه اليوم . معدوم
والا سجين ينتظر ذبح .... واهلاك
الهم يبقى هم تبعد عن ...... اللوم
مير نتصبر جعلك بالخير ... نفداك
يفرجها ربي واحد حي ... . قيوم
ويجعل لنا من سود الايام .. فكاك

صح بدنك مراقبنا الغالي اعد النجوم
كفيت ووفيت لاهنت على الجزلات
يالجزل احترامي وتقديري لسموك

[كهله بقلب طفله]

صح لسانكم ياشعراءنا ماشاء الله عليكم مجاراة جميله
أمتعتونا بكلامكم الطيب ربي يسعدكم ،

أعد النجوم صح لسانك ماشاء الله توني ادري انك شاعر
تحياتي للجميع

[احلام عابره]

يالقارظ شبك الخوف حولك. يحوم
ومن قبل كنت تهزم كل من تحداك

خبريبك ضرغام ن بالوغى... يحوم
مايقدره عليه صياد ولا تطوله شباك

اشوفك اليوم وكنك سجين .مظلوم
خلف اسوار ماينفتح لها ولا .. شباك

بشكواك قضيت مضجع اعد النجوم
شهم ووجوده يصبرك على... بلواك

ربي يزيل الهم وتعاود ........ لسلوم
وتضمه لحضنك وتقر به .....عيناك

القارظ العنزي
ربي يفرج همك هو وحده القادر على ذالك

احترامي

[القارظ العنزي]

يا نجم ماني على خبرك .. نعوم
بل انا الغرقان في بحر . الادراك
يوم انت غرقان مع راع الوشوم
انا بلي هم ما فيه .......... فكاك
مرحوم يا وقت مضى . مرحوم
ما ظنتي يرجع يا غير مع . ذاك
يرجع بسلوم يا زين ...... سلوم
سلوم يبي يعجبك يالقرم لوجاك

[القارظ العنزي]

صح بدنك كهلة

[القارظ العنزي]

اللهم امين احلام
صح السانك وجزاك
الله خير . فالعذر
والسموحة من
المجاراة البال مو ذاك

[احلام عابره]

ماعليك من المجاراه
ربي يفضي البال ويفرج عنا وعنك

احترامي

[القارظ العنزي]

هذا من لطفك احلام

[أعد النجوم]

صح لسانك شاعرنا

وبعد ردك الاخير انا اكتفي به

وشكرا لك على مشاعرك الطيبة حبيبنا القارظ

[أعد النجوم]

صح لسانكم ياشعراءنا ماشاء الله عليكم مجاراة جميله
أمتعتونا بكلامكم الطيب ربي يسعدكم ،

أعد النجوم صح لسانك ماشاء الله توني ادري انك شاعر
تحياتي للجميع

اهلا بك كهله

وصح بدنك


شكلك مو متابعه القسم زين

لكن معذورة

[القارظ العنزي]

الله يحييك غالينا
ومراقبنا العام اعد
النجوم اعلم انك لو
اشتغلت بالردود على
أشعارنا لانشغلت عن
المتابعة والمراقبة وانا
لم ارد عليك من باب
المجارة وانما تقدير
لردك واجلال كل الشكر
والتقدير لذوقك الراقي

[أعد النجوم]

والله اخي القارظ انت زي ماقلت عنك قبل (منجم الشعر)

ماشاء الله لا قوة الا بالله


شاعر جميل وذو احساس عالي

وانا ماني مثلك اكتب دايمن يعني كويس ان طلع مني قصيده في الشهر مره


ربي يوفقك عزيزي القارظ وييسر امرك

[القارظ العنزي]

امين غالينا
القصيد تبعثه
الظروف بغض
النظر عن كثرة
احيانا بيت واحد
اعجز لاجيبه