المساعد الشخصي الرقمي

مشاهدة النسخة كاملة : ((قلنا : كرونا تفرق الجمع الصمت))


القارظ العنزي
04-06-20, 08:31 AM
وش فيك يا قسم القوافي . تزاحمت
كل نثر بك من عظامه ......... ولحمه
قلنا كرونا تفرق الجمع ...... بالصمت
والعكس صار وزادت بالوضع . زحمة
الله يديمك للمحبين ........ واقسمت
اني معك بالحرف والقاف. .... حكمة
وان ما حصل من كامل البيت يممت
يم الخواطر نجعل ...... الحرف كلمة
عز الله اني من ظروفي ..... تسممت
وظروف وقتي عيشتني ....... بظلمة
ولولا احتسابي في بلاي ... وتشيمت
اعلنتها حرب وبالنار ............. ختمة
ولاني على اللي مات فيها ... ترحمت
ولا ينتصر قلب بدت فيه ...... رحمة
ذبح العدو من واجبي يوم انا اسلمت
حقه نعيده للمخاليق ........... فحمة
يا عيب العيب ياللي مظلوم وتظلمت
ادحم عدوك لا توخر ........... بهدمه
ياللي توسم بالضماير ......... توهمت
كم من ضمير يلمع ما فيه .... شحمة

القارظ العنزي

احلام عابره
04-06-20, 09:34 AM
الناس ضجرانه من الحظر بالمنتديات تلاقي سلوتها


ضجرت من الحظر وللمسك يممت
ادور على وجوه المخاليق .. بسمه

دخلت صندوق المحادثات وسلمت
وحييت الموجودين كل ن... باسمه

يالمسك انا بكل ما فيك ..... همت
فيك الرقي اعضاء وحرف.. وكلمه

لقيت القارظ كل ماشفته ..تبسمت
حياك يالي رسمت عشفاتي . بسمه

يالي كل ماذكرت سلمان .... تالمت
عسى ربي يجمعكم ولحضنك تلمه

القارظ العنزي
صح لسانك
تقبل مروري يسبقه
احترامي وتقديري

القارظ العنزي
04-06-20, 10:00 AM
يالترفة اللي في طيوفك تحلمت
وفسرت حلمي خير وكل وحلمه
يا صاحبي افطن لنا .. لو تكرمت
وارسم على شفاتي بسمة وبسمة
نعم القوافي جبتها ... ما تذممت
اعذب قوافي مرت بلسان حرمة
ياحلام شوفيني تراني تشرذمت
ولا عاد اميز بين كلمة .... وعلمة
مد ي يمينك وانقذيني . تهدمت
وعرشي بدا عقب الطويلة بهدمه
يا ليتني بين الملا ..... ما تعلمت
علم جلب لي يا هوى البال هجمة

كهله بقلب طفله
04-06-20, 12:12 PM
صح لسانك يالقارظ أبيات جميلة
وصح لسانك يااحلام
مجاراة ولا أجمل
تستحق التقييم خمس نجمات

تحياتي لكم

القارظ العنزي
04-06-20, 03:32 PM
صح بدنك كهلة
كلك ذوق

أعد النجوم
04-07-20, 06:58 AM
صح لسانك القارظ

صح لسانك احلام


كلكم ابدعتوا واجدتوا




يختم ل 3 ايام

خمس نجمات

القارظ العنزي
04-07-20, 07:33 AM
صح بدنك
اعد النجوم


SEO by vBSEO 3.6.1