((متى تحس ارجوك)) [الأرشيف] - منتديات مسك الغلا

القارظ العنزي

04-08-20, 10:25 AM

متى تحس ارجوك لو هي ... دقيقة
تحطمت روحي على صخرتك . ليه
كنت احسب انك بالصبايا. .. رقيقة
والياطلبتك حاجة قلت ...... : لبيه
واثرك قطوع ما تجيب .... العقيقة
مع انها سنة والدين .......... يفتيه
كنت احسب انك مختلف بالخليقة
وفيك العواطف كلها ... والمشاريه
وخيبت ظني بالرجاء ... والطريقة
مثل الصخر ماقواك ماقواك يا هيه
تبي الحقيقة جتك كل .... الحقيقة
ذنبك كبير ويغفر الذنب ...... باريه
اخشى عليك الاخرة ..... والحريقة
ينشدك ربي عن القارظ .... وطاريه
دام انك تدري الجفا ..... ما نطيقة
قللي وش اللي يا هوى البال تجنيه

القارظ العنزي

أعد النجوم

04-08-20, 10:32 AM

صح لسانك منجم الشعر

يختم ل 3 ايام

تقييمي

خمس نجمات

القارظ العنزي

04-08-20, 10:41 AM

صح بدنك الغالي
اعد النجوم وما عليك زود

احلام عابره

04-08-20, 10:42 AM

صح لسانك
لي عوده باذن الله

القارظ العنزي

04-08-20, 10:52 AM

صح بدنك احلام
وحياك الله وبياك

آياز !

04-08-20, 12:32 PM

الله الله
صح لسانك ياأخوي
وماستغرب روعة القصيدة اذا ختمها اسمك
فلك مني ارق التحايا
وسجل اعجابي لسطورك الراقيه
ودي
:ah11:

القارظ العنزي

04-08-20, 01:05 PM

صحة روعاتك
آياز ! كلك ذوق

نجم ضاوي

04-08-20, 02:23 PM

الله الله يا القارظ على هذه الرائعه ...
صح لسانك مليون وسلم نبضك وبنانك ...
بصراحه اطربتني اطربتني حيل ...

يا رفيق الضاوي وصاحب طريقه
ماله ابو سلمان .. قول ويش فيه

اشعلت في وسط . جوفي حريقه
لهبها واصل داخل القلب ومحانيه

جروحك .. يا بعد حيي . . عميقه
من الذي . . داخل ضلوعك تخبيه

عطني من وقتك يا رفيقي دقيقه
يمكن بوسعي قلبك الحاير اهديه

خل الذي .. خلى فؤادك ..شهيقه
خله يروح . . لعيون غيرك تراعيه

بكره تبان .. في عيونه . الحقيقه
القلب أعمى .. والمشاعر .. تقديه

قلبك أبيض .. ذهب صافي بريقه
عيب ن على مثله يبيعه ويشريه

دامه أختار .. في حياته . عشيقه
خل الزمن . يا صاح . بكره يوريه

وسلامتك ...

تراها من الكيبورد مباشره ...
اعجبني القاف وحبيت الجاريه ومثلك لا يجارا ...
والعذر من الله ثم منك إذا فيها قصور ...
ومثلك من يعذر ويدمح الزله ...

القارظ العنزي

04-08-20, 02:52 PM

يا نجم ضاوي لو تعرفها ... شفيقة
مير اني من الزعل . ..... حاط فيه
يا نجم احبه بين كل ...... الخليقة
لكنه غير وجهته يم ........ اهاليه
بنت حبيبة وحبها ........ بالسليقة
ما هي من اللي باعت الحب بجنيه
هي ارفعتني فوق حبي ... حقيقة
تطلب لي الجنة وانا جنتي ... فيه
وشلون ابا انسى خدها مع . بريقة
الله اكبر والحلا في ....... اشافيه
ماظني القى بالصبايا .. .. عشيقة
مثل الغضي ولا يقرب .... حواليه
نحيفة الخصرين .. بيضاء رشيقة
الله يرحم كيف ابا انسى . مواريه