المساعد الشخصي الرقمي

مشاهدة النسخة كاملة : يالله يارحمن ياذا الجلالي .. تغفر ذنوب العبد َتمحي اثرها


ابوخالد القصيمي
04-09-20, 08:34 PM
اسعد الله اوقاتكم
عشرين بيت واسف على الاطاله واتمنى ان تروق لكم
يالله ياللي بالسماوات عالي
رب الخلايق وانت محصي عددها

وحدك ولا غيرك عالم بحالي
واللي يسر النفس واللي كدرها

يقرب من الانفاس والا الظلالي
ياللي تسوق الشمس هي مع قمرها

سبحانه المعبود جل امتعالي
يامنبت النخله وطيّب ثمرها

يالله وانت عالمً بالحمالي
اللي تعيق الروح هدة ظهرها

همن يغمت الروح ياعزتالي
بيّن على حالي من الضيق اثرها

يالله ياللي شايفن ما جرالي
ياعالم ان الروح ضوّت جمرها

من حظه السيئ وشبه الرجالي
كم ليلتن زانت وجاء من دمرها

بعض الرجال اليا طرا ماطرالي
في ضيقة الايام والا عسرها

ماينفعك والله لو بالخيالي
حسود حتى على الغيم ومطرها

يعني تبي نفعه والله محالي
لوّك تعد رمل الصحاري وحجرها

بعض الرفاقه خلهم بالليالي
جلسات ليله حتى تقضي سمرها

والله يابعض النساء والعيالي
تغرق لها كومة رجال ببحرها

بفعالها تلامس مزن الخيالي
وخلك تحت بالقاع نام بوكرها

لكن عسى الله يصلح اليوم بالي
وتصفي لي الدنياء وتمثر شجرها

اللي ماشفته امس بكرى قبالي
كلن ورزقتن له ربي حصرها

ويالله عسى جنه ماله زوالي
بشجارها وثمارها مع نهرها ..

وختامها صلو على خير مرسالي
اللي اتانا بالرساله ونشرها

محمد اللي حاربوه الجهالي
وابو لهب له ناره اللي خبرها

يالله يارحمن ياذا الجلالي
تغفر ذنوب العبد وتمحي اثرها

احلام عابره
04-10-20, 02:22 AM
آمين

صح لسانك ملايين
اخي ابو خالد
مبدع وربي
ماشاء عليك
تقبل مروري يسبقه
احترامي وتقديري


SEO by vBSEO 3.6.1