المساعد الشخصي الرقمي

مشاهدة النسخة كاملة : ((يالمسك انا فكري يضيع وتشتت))


القارظ العنزي
04-12-20, 10:26 PM
يالمسك انا فكري يضيع . وتشتت
بين الحبيب وبين ورع وصديقي
الورع ورع لو حت حالي .. وحتت
مير البلا اليامن وطاك .. الرفيقي
والا الحبيبة لو تحدر ....... وكتت
ترجع والا نلقى بداله .... عشيقي
الله من روح تذوب ........ وتفتت
والبال ضايق والصدر به . يضيقي
الضيقة اللي صيفت بي ... وشتت
باسبابها عجزت اميز ...... طريقي
حتى عشيري عشرته .... ما توتت
راح وتركني معتفس .. بالمضيقي
اخشى على العشرة تموت وتبتت
كل ما تمدد الخطا ....... بالفريقي
يا حسرتي على حياة ........ تلتت
تفقد شعاع انوارها ...... والبريقي
شدت ظروف الوقت بيه .. وعتت
ولا به صديق يتحسس .. حريقي
لا والله الا صدق حالي ...... ترتت
وبديت اسلم واعترف .. بالعويقي
حتى الثعالب قامت يمي ... تلفت
تشره على خزيزة سبع .... مويقي
يالله دخيلك عن ممات .. التختت
موتة عزيز حطمه ....... منجنيقي

القارظ العنزي

كهله بقلب طفله
04-13-20, 11:34 AM
صح لسانك يالقارظ وسلامتك من الضيق والتشتت
ربي يفرج همك
تحياتي

القارظ العنزي
04-13-20, 01:01 PM
صحى ايامك كهلة
كلك لطف وذوق

أعد النجوم
04-13-20, 06:11 PM
الله عليك يالقارظ

وانا اعتبرني صاحبك ورفيقك

تقييمي

خمس نجمات

القارظ العنزي
04-13-20, 06:38 PM
بل اقرب الى القلب
والروح من الصاحب
والرفيق . انت أخي
الأكبر اعد النجوم لاهنت
على المرور اللطيف

أعد النجوم
04-13-20, 06:47 PM
الله يسعدك حبيبنا القارظ

ولكني لست اخوك الاكبر الله يصلحك كبرتني وانا توني شباب


الا قل اخوك الاصغر يابعد راسي

القارظ العنزي
04-13-20, 06:53 PM
أقصد تكبير مقام
وتقدير يالغالي والا
عارف انك من احدث
اخوتي سنا ههههه
اشكرك على لطفك


SEO by vBSEO 3.6.1