المساعد الشخصي الرقمي

مشاهدة النسخة كاملة : الهنـــــوف المترفـــــه


بو نوره
04-13-20, 07:25 PM
أتمنى ان تنال رضا البعض منكم
وتلامس أطراف ذائقتهم...والعذر والسموحة من التقصير

بسم الله ابدأ

أجمل ليالي العمر في وصـل الهـنوف المتـرفه
يسري غلاها في الحشى مسرى الشراره في الهشيم

في ليـلةٍ غـاب القـمر في ذمّـتي إنها منصفه
واثـنى عليّ بـدر البـدور النور في ليل العـتيم

منه التعـطّف في غـنــَج وأنا عليّ التكـلفه
وأعـطيه نفحـاتٍ تـداوي عـلّة القـلب السقيم

يــ أسمر تـباين عودك المـيّاس لين و هـفـهفه
يميل ميل الغـصن مع نـفح الهوا عند الصريم

أنا أشهد إنا مسرفـين وخـلق ربي مسرفه
يا الله تغـفر ما مضى لي يا غـفور ويا رحيم

يا فايق التوصيف يا زين ٍ عجزت أوصّــفه
يا ديمة ٍ يمطر غلاها لوّ ما في الجو غيم

فتحت لك باب المحبه وانت كلك معرفه
تعرف غلاك وعارفٍ سر الجديد من القديم

كل المشاعر تحت راياتك مشت متحالفه
تعلن ولاها من مفاهيم ٍ تغـذت في الصميم

دونك ينابيع الهوى والدلو بيدك وأغرفه
وإليا أرتويت إسق النديم اللي ورد عـدّ النديم

لا تعتذر والعذر يا سيد الغلا وين أصرفه ؟
وأنا على جال الرجى خـلّــتـني أشواقي مقيم

مانيب من ياتي على صدفه و يمكن تصدفه
أما دسَم وإلا سمَح من مَــدّة الكف الكريم

أنا ملازيم الوعد وإليا عطيته ما اخلفه
وآتي على دعوى حميم ٍ يرتجي شوف الحميم

خل الوصل يمسح مذاريف العيون الذارفه
ويعزز اركان القلوب اللي شجنها مستديم

يوم المعزه سيّـرت بعض البشر متوالفه
غصب ٍ على العذال والواشين وإبليس الرجيم

بعض القلوب تعيش في ديره وهي متخالفه
والحب يجمع ساكن الطايف بـ سكان القصيم

قلم- بو نوره

أعد النجوم
04-13-20, 08:35 PM
قصيدة جدا رائعه

ابدعت وامتعت

تقييمي
خمس نجمات

نجم ضاوي
04-13-20, 11:06 PM
الله الله يا .. ابو نوره .. هكذا يكون الشعر وإلا فلا ...
وخالقي اطربتني بجزل ما نثرت ...
نثرت درر وجواهر القاف ورب الكعبه ...

صح اللسان والاحساس والبنان ...
كفيت ووفيت وفالك البير لله درك ...
ولا فوض فوك ...

لا خلا ولا عدم ...

كهله بقلب طفله
04-14-20, 12:32 PM
صح لسانك قصيدة جميلة
تحياتي

بو نوره
04-14-20, 02:34 PM
اشكر واقدر واثمن من مر هنا
علق او لم يعلق

على راسي والله

بو نوره
04-18-20, 01:53 PM
الاشراف

الرجاء نقلها لهمس القوافي لأنها ليست حصرية

شكرا لمساعدتكم

بو نوره
06-15-20, 01:18 AM
قصيدة جدا رائعه

ابدعت وامتعت

تقييمي
خمس نجمات

شاعر المناجاة
اشكر حضورك وتقييمك يا بعدي

ابو معتز
06-15-20, 01:58 AM
صح لسانك شاعرنا ألفذ بو نوره
دمت بود وسعاده دائمه ياغالي.

بو نوره
07-11-20, 09:34 PM
الله الله يا .. ابو نوره .. هكذا يكون الشعر وإلا فلا ...
وخالقي اطربتني بجزل ما نثرت ...
نثرت درر وجواهر القاف ورب الكعبه ...

صح اللسان والاحساس والبنان ...
كفيت ووفيت وفالك البير لله درك ...
ولا فوض فوك ...

لا خلا ولا عدم ...

هلا والله بشاعرنا الفذ

شرفتني هنا كما شرفتنا في مسك الغلا

ارق التحايا

ابو معتز
07-12-20, 06:20 AM
صح لسانك يا شاعرنا ألكبير بو نوره
أمتعتنا واسعدتنا بهذه القصيده
دمت لنا ودام لنا قلمك الراقي الجميل .

بو نوره
07-12-20, 11:25 PM
صح لسانك يا شاعرنا ألكبير بو نوره
أمتعتنا واسعدتنا بهذه القصيده
دمت لنا ودام لنا قلمك الراقي الجميل .

شكرا لك يا استاذي

شكرا لك

بو نوره
02-11-21, 09:49 AM
صح لسانك قصيدة جميلة
تحياتي

صح بدنك
تحياتي

بو نوره
02-11-21, 09:50 AM
هذه من أعز القصائد على قلبي


SEO by vBSEO 3.6.1