((ياحلام قدرك على راسي))

[القارظ العنزي]

ياحلام قدرك على ..... راسي
مير ان مزاجي ما هو بالكيف
لو شفت ي الحال .. محتاسي
قلل من لومك لنا .... والحيف
كرهت انا الناس .... مع ناسي
واخاف نفسي تعاف . الضيف
ياحلام ظرفي غدا .... قاسي
ما عاد نفرق شتانا ... وصيف
يا حلام محتاج انا .... الدافي
صديق وافي ما به .... تكليف
القاه دوم معي .......... وافي
ما يعتذر لو حداه ..... السيف
ان كان من زين .... الاوصافي
والا شغموم يجي .... بالكيف
وانا بلايه ما هو ........ خافي
شي حقيقي ما هو .. تزييف

القارظ العنزي

[احلام عابره]

صح لسانك والله
ولي عوده
وتكرم بالرد الوافي

تسلم

[القارظ العنزي]

ياحلام وينك يا مواعيد عرقوب
مثل الذي في كل وادي يهيمون
اما هات لي الرد كامل ومحبوب
ولا تركنا القاف بالصدر مسجون

[احلام عابره]

دعيت القلم واستنفرت.. هوجاسي
علهم يجيبولي القاف على ..الكيف

يالقارظ انت خيرة الغزوة والناسي
يمعرب الجدين فريد.... التواصيف

والله ما تتقدر بالذهب.. والماسي
حضورك بالمجالس يزيدهاتشريف

يالقارظ انت تاج ن على ... راسي
حنا معازيبك اليا جيتنا...... ضيف

يهون لك الصعب ويلين كل قاسي
وتفداك روح الي دونها الف .سيف

انا اشهد انك كريم ن ...... ووافي
هذي الحقيقه اقولها دون.. تكليف

القارظ العنزي
صح الله لسانك وسلم بنانك

[أنا فداهم]

صح لسانك أخوي الشاعر الكبير القارظ العنزي

و صح لسانك أيضاً أختي الشاعرة القديرة أحلام عابرة

القصائد هذي لا توزن بالذهب بل بالألماس

فقصيدة موجهة لأحلام من القارظ أكيد هي قصيدة كبيرة وعظيمة

بحر و وزن و قافية مترابطة و جميلة

كل الشكر والإحترام لكما

:MonTaseR_1:

[القارظ العنزي]

يا بنت فريس العرب بالمحاس .. ي
في ساعة يجدع بها الراس بالسيف
هلا هلا بك يا بعد كل ........ ناسي
يا مرحبا بالقاف منكم على . الكيف
جوابك خفف البلا .... .... والمآسي
اللي تولتني مع الوقت ... يا حيف
من له وفي ن مثلكم ... ما يقاسي
مهما تكون اشرار وقته ... ملاقيف
عز الله انت معزبي وعز .... راسي
ولي الشرف لو جيتكم يالغلا ضيف

صح السانك احلام وفيتي وكفيتي
ونعم بك وبهلك وبعشيرتك كلها

[القارظ العنزي]

صح بدنك وحياك الله يا فداهم
نورت الصفحة ما عليك زود واحلام
تستاهل جميل الاطراء على جمال الاداء