ردي على الشاعر .. انا فداهم .. على قصيدته .. إهداء .. لنجم ضاوي ..

[نجم ضاوي]

السلام عليكم يا .. آل مسك الغلا .. صبحكم الله بالخير ...

هذا ردي على قصيدة الشاعر .. انا فداهم .. إهداء إلى نجم ضاوي ...
وأتمنى أن تروق له ولكم وترضى ذائقتك ...


... يقول ... نجم ضاوي ... لانا فداهم ..


يا مرحبا باللي رسل عشرة ابيات
يحكي بها . . نار المحبه الوقيده

يشرح بها للنجم . عذب العلاقات
والروح اللي وياه . كانت سعيده

وأنا معه نوبه .. واسرح للحظات
عيا القصيد .. يمشي معي سيده

فتحت يا فداهم .. قديم الملفات
ومن عقب باليها .. صارت جديده

يا صاحبي سقت . عذب العبارات
رجعتني خلف . . سنين ن عديده

جريت وناتي .. على عمر قد فات
والقلب .. جمد دمه . . في وريده

زلت قدم .. خير من اللسان زلآت
احذر يا صاحبي الشرهه وانقيده

الحب يا فداهم .. نكد او مسرات
ونادر ما تجي له .. عقبي حميده

شايب . . واملك شهاده وخبرات
وشفت في الحب مواقف عديده

حب ن بليا ساس .. اخره عبرات
ونهايته يا خوك . . تحبس بقيده


... وسلامتكم ...

... بقلمي ...

... اخوكم الشاعر .. نجم ضاوي ...

إهداء وحصريه .. لمنتديات .. مسك الغلا ..

[pure]

صح لسآنك نجم ، ولسان افدآهم .. :رحيق:

ماشالله شعار .. وابياتكم جززلة ، ومن جزآلتها تهيضت وحبيت اشارككم بكم بيت سريعي ان شالله قد المقام :رحيق:

واقول فيها ..

-


الحب مثل الشوك يقوى ليا مات ------- هَنٌـي منهو مجنٌـب طريقة

عدٌت حيآته علي خير وسلآمات ------- وقلبـه ولآ شي ن .. يعيقـة

عاداتنا ضده ولا بـة .. مجآلآت ------- الحب ابعد عليك من الحقيقة

شفني وانا كلي .. علآمـات -------- هم .. وفالـصدر باقي حريقـة

وحنين . وشوق . وجرعة اهآت ------ تعب فقد وحب لآخر .. دقيقة

--
--


وسلآمتكم :رحيق::نبض:

[نجم ضاوي]

أثاريك صابك من الحب نسمات
وعن عذاب الحب . تملك وثيقه


مسكين يا بندر . . تطلق الونات
من إللي كان . مثل العسل ريقه


شفت في قافك كثيره علامات
مالك غنا عنه . . لو هي دقيقه


عليك من ربك . . برد وسلامات
والأمل في دنياك .. يظهر بريقه


صح لسان وسلم نبضك وبنانك اخوي .. بندر ..
ابيات جميله وراقيه ...
باين عليك ذقت لوعة الحب ومرارته ...

اسعدني مرورك الراقي وإطرائك العذب يا الغالي ...

لا خلا ولا عدم ...

[المعنّا]

الله الله صح لسانكم
ثلاثتكم مبدعين


الا قلي يانجم
هو رجعو سكرو المنتدا هذاك
ولا انا بس اللي حظروني
ههههههه
جيت اليوم ادخل ماقدرت

[ذويقة]

ما شاء الله مبدعين وربنا مبدعين
والله يا اني استمتعت بهذي الصفحة
وانا اقرا حروف وابياتكم المليئة بالابداع
عموما ..
صح الله لسانكم
ودمتم ودام قلمكم
:رحيق:

[نجم ضاوي]

الله الله صح لسانكم
ثلاثتكم مبدعين


الا قلي يانجم
هو رجعو سكرو المنتدا هذاك
ولا انا بس اللي حظروني
ههههههه
جيت اليوم ادخل ماقدرت



هلا بك مليون اخوي .. المعنا .. ولا يسدون ...
صح بدنك وانفاسك وكلك ...
اسعدني مرورك الراقي وإطرائك العذب ...

لا لا اخوي اغلقوه الشركه لصيانه يقولون ثقيل ...
وراح يفتحوه إن شاء الله في اليومين القادمه ...

يسلمك ربي ويعافيك يا الغالي ...

لا خلا ولا عدم ...

[نجم ضاوي]

ما شاء الله مبدعين وربنا مبدعين
والله يا اني استمتعت بهذي الصفحة
وانا اقرا حروف وابياتكم المليئة بالابداع
عموما ..
صح الله لسانكم
ودمتم ودام قلمكم
:رحيق:



مرحبآ الووف أخيتي .. ذويقه ..
الإبداع هو في مرورك الراقي وإطرائك العذب ...

صح بدنك وإحساسك وكلك يا .. ذوق ..
ودامت ايامك بالفرح والمسرات ...

يسلمك ربي ويعافيك ...

لا خلا ولا عدم ...

[القارظ العنزي]

يا كثر ما بينك وبينه ........... شكايات
هذا يصيح وذاك يقطع ........... وريده
موتوا عسى ترتاح كل ....... الخوندات
وترتاح منكم الهنوف ........... الخريدة
فداهم يشكي من عذاب ....... العذيات
والنجم الضاوي موقه ينثر ..... صديده
موتوا وخلوني ادردش على ..... الشات
مع الحبيب اللي يحب ......... القصيدة
واكتب له حروفي بلمسة ..... وهمسات
لعله يسمح نلمس خده .......... وجيده
والعب على الحبلين مع هذي ..... وذاة
لعب حقيقي مع تزايد ........... رصيده
وانعش بهن روحي وقلبي .... وهالذات
اللي معذبني من سنين .......... عديدة
وخلك يا بو ضاوي على الهامش وهات
كل اللي عندك مع هذا ........... الوليدة
فداهم اللي غرقك ............ بالشكايات
يا كثر ما يشكي بحزنه ........... وعيده

صح السانك ابو ضاوي وصح السان انا فداهم . وكل من شارك . واذا حبيت تنقل ردي بموضوع مستقل اذا احد بيرد عليها بقصيدة فافعل

[مساحة قلم]

صح لسانكم يا الغاليين
ربي يحفظكم
يختم ل3ايام
تقييمي
خمس نجوم

[أنا فداهم]

من خرم الإبرة تنفتح لك مساحات
وتشوف يالضاوي من مسافة بعيده

فداهم قريب لو باعدته المسافات
أقرب من إشاعة تنشرها الجريده

ما أتعب ورى طرد احلى البُنيات
يومٍ غيري لهن هدر دم وريده :x37:

والقارظ اللي تعب من نظم الأبيات
اصبح يدور موتنا و يفك قيده

شايب و يبي يقصد معاهن بالشات
يبغي يجيب الفرايد لميسا و عيده :29:

وحنا بنينا القصايد بني الأهرامات
والقارظ ناره ما تذوّب جليده

ولا أشكي بس القصيدة كذا جات
لو يشكي لساني من فمي أبيده

الحمد لله عدْ مزن السماوات
مشكاي لغير ربي مذلة أكيده

ويالقارظ لا تصدق هروج الحكايات
بعض الحكي لو طلع ما نستفيده

الله يا شاعر لـ كبار الشخصيات
جبت القصايد كل أبوها جديده

لكن علينا شنيت اليوم هجمات
و رديت طرشي على ما تريده



صح لسانكم جميعاً
الغالي "نجم ضاوي" و الغالي "بندر" و الغالي "القارظ العنزي"

أبدعتوا واستمتعت جداً جداً في مجاراتكم لقصيدتي

[أعد النجوم]

صح لسانكم شعرائنا لكرام

ابدعتو وامتعتو

ربي يعطيكم العافية

[قيثارة]

ما شاء الله
أبدعتوا جميعاً
أبيات جزلة منتهى الروووعة
صح لسانك اخوي .. ودام نبض قلمك
وربي يعطيك العافية

[Άмό0όĻα]

الحب يا فداهم .. نكد او مسرات
ونادر ما تجي له .. عقبي حميده

لفتني هالبيت .. جميل لكن فيه نظرة تشاؤم
خليني نتفاءل ونصفي النيـة والباقي ع الله (:
الله يلم شمل جميع المحبيـن

صح لسانك خيـو
تسلم
:ورده:

[احلام عابره]

شاعر المسك ونجمه الضاوي
صح لسانك ملايين
رد كافي ووافي
وصح لسان شعراء المسك على ردودهم العذبه
احترامي وتقديري للجميع