قصيده اهداء للشاعر نجم ضاوي والشاعر وله [الأرشيف] - منتديات مسك الغلا

مشاهدة النسخة كاملة : قصيده اهداء للشاعر نجم ضاوي والشاعر وله

المعنّا

04-21-20, 01:09 PM

السلام عليكم ورحمة الله
اعضاء منتدا مسك الغلا
عساكم طيبين وبخير غيبنا عنكم ورجعنا
وشكلي خالمره بقعد هنا وماعاد باروح

هذي الابيات بوجهها لـ الشاعر وله
والشاعر نجم ضاوي
ودي بمجاراتهم
اتمنا تنال اعجابكم

اقول
هجرس يابوضاوي وهوجس هات جزلات القصيد
وان جيت لك لا تقول لالا لاتزيد ولا تعيد
لين ما همسات يفتك بانعوّد له ..هنااااك
بس خلينا هنا الين ....يرجع.. من... جديد
والله ان قلبي تشوّق...يابو ضاوي.. للنزال
اقبل اقبل كان كفك يابو ضاوي من حديد
والـ وله ...قله ..تعاله... الثلاثه... نجتمع
نخلي هذا .المنتدا ..بحروفنا ..يرعد ...رعيد
اسرعو خلو البطى من بعد .باكر.. بانصووم
مدري. تلقوني ..ولا ..عنكم.. ببعد ...بعيد
المهم... اليوم... هذا... بانشعللها ...هنا
النجم ابن ..الملوح... والـ وله ..كنه.. لبيد
شاعر مخضرم ونايف صيته .اتعدا.. الغمام
دايم ابياته. جزيله.. مايجيب ..الا ..الفريد

وسلامتكم
بقلمي اخوكم المعنّا
حصريه لمنتدا مسك الغلا

وهذيك القصيده اللي وجهتا لي وللنجم
يا وله
والله اني رديت عليها
لكن الاداره حجزوها قالو فيها مخالفه :MonTaseR_68:

مادريت يمكن مشغلين نظام ساهر

مساحة قلم

04-21-20, 01:11 PM

ابيات جزيله... قويه المعنى
صح لسانك يامبدع

يختم ل3ايام
تقييمي
خمس.نجوم

المعنّا

04-21-20, 01:15 PM

ابيات جزيله... قويه المعنى
صح لسانك يامبدع

يختم ل3ايام
تقييمي
خمس.نجوم

صح بدنك اخوي مساحة قلم
تسلم ماعليك زود
مشكور على الختم هذا من طيبك
لاهنت

بس بسألك سؤال
ليه مقدر ارسل رسائل خاصه
او رساله زائر للاعضاء
حتى التقييم ماقدر اعطي حد تقييم
ممكن تقلي ليه

الوله

04-21-20, 07:44 PM

المعنّا

04-21-20, 08:03 PM

‌

وعليكم السلام ورحمة الله وبركاتة

أهلاً أهلاً بشاعرنا الرائع المعنا

تفضل والجود بالموجود

*صح نومك يا المعنا صح لسانك والقصيد
من بعد ما غبت عنا جاي تقصد من جديد

بس صراحه يا صديقي مثل ما لمحت انتا
باقي يومين ويتصفد هاجسك / هذا اكيد :icon10:

وهذا حل افضل وتدري كيف منه تستفيد
اعبد الخالق تقرب وعن صراطه لا تحيد

وفصل ثاني يا المعنا كلهم غاليين عندي
لي هناك اصحاب وأيضاً لي هنا جمع ورصيد

كم لقينا قلوب بيضاء كلها طيب و وفاء
ويش احكي لك لاحكي وهذا هو الرائي السديد

.
.
.

وعن ردك على قصيدتي اعتبر الرد وصلني
وما قصرت يا شاعرنا

لك كل التقدير والود .

الله عليك صح لسانك
عجبني والله ردك

وعسى الله يبلغنا رمضان وهو راضي عنا
ويوفقنا لصيامه وقيامه
اللهم امين

خذ هذا هو ردي على قصيدتك هناك

لفاني ياوله قافك ولكنه لفى ملغوم
ضربت ثنينا ولالك على ماقلت تبريري

ولكن ابشر بسهمٍ يصيبك ياوله مسموم
يخليك تترك الشعر وتعوّد تاكل الـ ريري

نزلت فبحرنا وانته متعرف حتى كيف تعوم
مسيكين لو تنادي ماتلاقي واحد يغيري

الله يخارجك لو هو توحّد جيري ويا توم
امانه لايخلونك تقوم تغني علمسيري

عجبني ياوله نظمك وخليت الفرح مرسوم
على وجهي ونساني همومي والمكاديري

اسمع
لمحت اليوم انا مهره تمشي من وراها كوم
لحد الان مالاقيت لذاك الكوم تفسيري

ولولا قافك اضحكني بقيت بحيرتي مهموم
بعمري ماشفت كبره يرج وخطوه مثيري:nosweat:

لاموني على البيتين الاخيره:MonTaseR_145:

المعنّا

04-21-20, 08:56 PM

هذي قصيدة الشاعر وله

يقول وله
وانا جالس ادور وين غابوا عننا هالتوم
نجم هو و المعنا لا لحقهم خير من خيري :19:

وحظي جابني همسات جالس لي اسوي زوم
لمحت اللي على بالي وقلت الخير يا طيري

قبل أسبوع كانوا عندنا جيري يعادي توم
ولكن توم اتنازل و قاعد يمدح بـ جيري !

وانا محتار مستغرب وكنها مسرحية يوم
وبعد هذا تعود المعركة ع حسب تقديري

وانا ما ودي اتدخل وبهم افطر تالي الصوم
و اخليم مّثل للي يفكر يوم تدميري

وهاجس لي مثيل الصقر دايم ع الفريسه يحوم
واذا قالوا عكس هذا يمشوها على غيري

ولا هو قصدي استنقاص وكلٍ له قدر محشوم
وكلٍ غالي عندي* واظن ان هذا تبريري

كتبت اللي على بالي مباشر جالكم مختوم
لهذا الشعر يشكرني على إبدا تصويري

الوله

04-21-20, 09:24 PM

الله عليك صح لسانك
عجبني والله ردك

وعسى الله يبلغنا رمضان وهو راضي عنا
ويوفقنا لصيامه وقيامه
اللهم امين

خذ هذا هو ردي على قصيدتك هناك

لفاني ياوله قافك ولكنه لفى ملغوم
ضربت ثنينا ولالك على ماقلت تبريري

ولكن ابشر بسهمٍ يصيبك ياوله مسموم
يخليك تترك الشعر وتعوّد تاكل الـ ريري

نزلت فبحرنا وانته متعرف حتى كيف تعوم
مسيكين لو تنادي ماتلاقي واحد يغيري

الله يخارجك لو هو توحّد جيري ويا توم
امانه لايخلونك تقوم تغني علمسيري

عجبني ياوله نظمك وخليت الفرح مرسوم
على وجهي ونساني همومي والمكاديري

اسمع
لمحت اليوم انا مهره تمشي من وراها كوم
لحد الان مالاقيت لذاك الكوم تفسيري

ولولا قافك اضحكني بقيت بحيرتي مهموم
بعمري ماشفت كبره يرج وخطوه مثيري:nosweat:

لاموني على البيتين الاخيره:montaser_145:

‌

هههههههههه صح الله لسانك ي صديقي

رد شافي وكافي ومميز ابدعت فيه

تعقيب بسيط تفضل

وقع فيها وانا اللي كنت اظنه شاعرٍ شغموم
بعد هذا الوحل واجب عليك ان تغسل بفيري ههههههه

صديقي فتح اعيونك واحذر تبدأ اي هجوم
علامك جيت لي مدرعم وهذا الخط خط سيري

وانا ابقى في الشعر دكتور وانتا في الشعر دبلوم
توزان بـ اتزان القاف والزم نحو تعبيري

احلام عابره

04-21-20, 10:16 PM

شفت عنوان القصيده وجيت أطالع.. المظمون
عجبني اسلوب الشاعر ال كما العقد .... الفريد

فيه مشاكسه وفيه مدح وفيه عذب ... لحون
موج برد وموج حر. يسكن ...... بجو .القصيد

المعنا جا وتعنا فيه ثوره وفيه ........ سكون
ناوي للوله والضاوي وده يصيدهم ....صيد

يالضاوي ماظنتي انك ترضى بالقوافي الدون
خابرك تلوي بقوة ذراع الحرف ........ العنيد

والوله ماهو قليل ولا يعرف هزل ... ومجون
يهز القلم وتجيه القوافي ........... عما يريد

الشاعر القدير
المعنا
تقبل مروري
واعتذاري لتطفلي على القصيده
لك ودي واحترامي