((يا نجمنا الضاوي))

[القارظ العنزي]

يا ضو لو تدري عن الحال ما صمت
وخطر ن على مثلك يجاهر .. بكفرة
حيثك وفي وبالوفاء دوم .... تممت
اكيد ما ترضى والقارظ ..... بحسرة
يا نجمنا الضاوي اقبل لو ... تكرمت
هات الجواب الان ما بيه ...... بكرة
ارجي عسى يا صاحبي .. ما توثمت
في شيلة القيفان والقاف ..... فكرة
لكن لقيت القاف ما صام وان صمت
يرقص على راسي وبالراس . سطرة
يا ضو انا من الضيق طايح وسلمت
كني سجين للدواعش .. ... بحفرة
عز الله اني من ظروفي .... تسممت
واللي فزع في ظرفنا جاز .... شكره

القارظ العنزي

[أعد النجوم]

الله الله ياالقارظ


ابيات جزله من شاعر جزل



يختم ل 3 ايام

تقييمي

خمس نجمات

[عمـر]

صح لسانك
بيات روعه كعادتك
بانتظار جديدك المميز

[القارظ العنزي]

صح بدنك اعد
النجوم تسلم
على التقييم

[القارظ العنزي]

صح بدنك
عمر مرورك
الروعة

[أنا فداهم]

صح لسانك

إن كنت عن ما في خفا الضيق علمت
لا لا تلوم الحرف و تشكي من الحره

ماظن بوه دوا للضيق كود هالصمت
خلك جبل للريح ما تحرك قدر شعره

ما يبرى الجرح لو إنت له إستسلمت
خذها نصيحة من واحدٍ طال شبره

إفهم كلامي و اشعل الحرف يا صمت
أو إقتل حنينك و جهّز للقلب ..، قبره !


صح لسانك يالقارظ

أبيات إستفزتني واسمح لي بهذي المجاراة التي اتمنى أن ترتقي لذائقيتك

أخوك

أنا فداهم

[القارظ العنزي]

عز الله اني بحالتي ... ما توهمت
واللي جرا لي ما هو وخزات ببرة
ومع ذلك عند اللازمة . ما تجهمت
بحضورهم همي على جنب ذكره
والياشكينا من دنيانا ... . وتكلمت
قبلي شكى مثلي من الناس كثرة
وياما دمحت من البلاوي وعتمت
وصبرت نفسي والقدم فوق جمرة
حياك الله يا فداهم كل .. ما قمت
وحي القوافي حيها وحي سطرة
هيضتني وهيضت قافك وسلمت
ما عاد بي حيل على كل ... نشرة
القاف يزهى بك وبحرفه تحكمت
والقارظ صارت قوافيه ..... نكرة

صح السانك فداهم مجاراتك جات بوقتها
حركت الشجن شوية لاهنت

[احلام عابره]

تسلم يمينك ياناظم القاف لا هنت
عز الله قافك علم ماهوب.....نكره

عطني دقيقه اشكيلك لو.. تكرمت
واعلمك بقصة قلب ن طال صبره

ياكم كواني جمر الفقد... وتالمت
واقول ياعل دنياي تزينلي.. بكره

[القارظ العنزي]

عز الله اني في قافك همت
يا سيد الزين ....... يالخفرة
يزهاك الملثم ... الياتلثمت
يحصد قهر سارق ... النظرة
ياحلام شوفي عيني مانمت
اسهر مع دموع ...... منتثرة
ومع ذلك صابر ... لو تبرمت
مع شلية القاف ..... بالسهرة

[مسافر]

... صح لسانك شاعرنا
.. احساس قوي..
وطيبة قلب ..
..سلمت اليد الي كتبت
...
احترامي....

[القارظ العنزي]

يسلم احساسك
مسافر هذا من
لطفك وذوقك
صحة أيامك كلها