طيحة وجه ! حصرية [الأرشيف] - منتديات مسك الغلا

أنا فداهم

04-26-20, 12:02 AM

،

،

ليه الإنسان لا ناشه من الوقت عوق
كل علمٍ على لسانه جديد اهرجه

واجب يدسمه عنده لو إنه صدوق
ويتجنب عن أدنى موقفٍ يحرجه

لا يكب المذلة تستبيح العروق
ولا يخلي مشاريه العرب تسهجه

زان لا صارت ظروفه تجرّ الطروق
كل برقٍ خفي للناس لا يزعجه

ما تفيد الأزرّة مع وساع الحلوق
كان ما أرهب غموضه عالم البهرجه

البشر ما توفّي نوب بعض الحقوق
لا يعلق مقاديره على الملحجه

يكفي إنه يدينه فوق والوجه فوق
لا طلب واحد يقدر يجيب إفرجه

لا يحط الرجا في درب كل مخلوق
فيه مدة يدين وفيه طيحة وجه

،

،

وسلامتكم

ŢαŢμαŊα

04-26-20, 12:09 AM

صح لسانك شاعرنا المتالق
تساؤلات جميله وابيات اجمل
دمت بهالأبداع والتمييز

عمـر

04-26-20, 12:12 AM

صح لسانك
ابيات جميله

عناق الغيم

04-26-20, 12:19 AM

صح لسانك انا فداهم ..
مو غريب عليك هذا الابداع في القصيد
يعطيك العافيه :دموع الورد:

أعد النجوم

04-26-20, 01:02 AM

الله عليك شاعرنا انا فداهم

ابيات راقيه وجميلة جداً

يختم ل 3 ايام

تقييمي

خمس نجمات

القارظ العنزي

04-26-20, 01:04 AM

المتعافي بالملا يركض ........ سبوق
ما شكى من حفرة في ...... مدرجه
وان شكى يشكي حبيب له .. سروق
سنته سرق الحبيب ......... ومنهجة
ما شكى من غصة وسط .... الحلوق
والخيول المدميات ......... المسرجة
المهادي اشتكى من عوق ..... وعوق
من ظروف الوقت وجار ..... مزعجه
والخلاوي اشتكى من جور ... وبوق
ولولا شعره ما عرفنا ........ مخرجه
والعواجي اشتكى لحماة ...... النوق
ظلم ربعه والظروف ....... المحرجة
والقحطاني شالح نومه .... ما يروق
عقب فقده ذيب ونومه ..... مابهجه
وان شكينا من بعض شر .... وعقوق
ما تسمى يا نديمي .... .. .... بهرجة
والقصايد وان خلت من شوق وذوق
اسمها بين المعاني ........... لجلجة

صح السانك انا فداهم ، فاسمح لي بهذه المجاراة المتواضعة والتي هيضتني فيها في ابياتك المعبرة لاهنت

Tell him

04-26-20, 02:02 AM

الصراحة كلام كثير لم أفهمه.
لكني أحب هذا النوع من الشعر.

أحسه فخم,
قافيته رائعة أعجبتني كثيرا.
ما شاء الله عليك يا شاعر.

نجم ضاوي

04-26-20, 02:09 AM

قصيده لها أبعاد ولها معاني وبها مقصد ...
هذا إذا ما خاب ظني ...

صح لسانك يا .. أنا فداهم .. وسلم نبضك وبنانك ...
قصيده جميله اجدت فيها المعاني ...

وصح لسان .. القارظ العنزي .. مجاره ...
رائعه وعذبه منه ...

راق لي ما نثرته هنا يا الغالي ...

لا خلا ولا عدم ...

احلام عابره

04-26-20, 12:35 PM

يكفي إنه يدينه فوق والوجه فوق
لا طلب واحد يقدر يجيب إفرجه

لا يحط الرجا في درب كل مخلوق
فيه مدة يدين وفيه طيحة وجه

هذه الرائعه لم تأتي من فراغ

صح لسانك يافداهم
دائما تجيب الجوله
بانتظار ما تتحفنا به من بوك قلمك
احترامي