((لا تنتظرني طابت النفس يا شوق))

[القارظ العنزي]

لا تنتظرني طابت النفس .. يا شوق
تحطمت ذكرى المحبة ... والاشواق
حرمت انا من عقبكم طبة .. السوق
لاجل اتناسى ذكرياتك .. .. بالاسواق
حتى عروق القلب ما عادت .. عروق
ماتت عروقه وحبنا مات ..... ما فاق
ودي اتعايش مع سهر عيني .. وموق
واصبر على وقت غدر بيه .... وضاق
وانتم لكم ذوق وحنا لنا ......... ذوق
وتعددت فينا المشارب ..... والاذواق
دربك يمين ودربنا صار من ..... فوق
وبان التباين في هوانا ..... والاطباق
الله يسهل دربنا يمكن .......... نروق
وانتم عسى الله يرزقك زين الاوفاق

القارظ العنزي

[ابو معتز]

صح لسانك يا عزيزي وسهل الله دربك ياذوق .

[القارظ العنزي]

لاهنت على المرور الطيب
يالطيب ابو معتز ، دمت
ودامت ايامك بالمسرات

[رونق]

:دموع الورد:
وماخلفه الانتظار ، الا خيبات متكرره
من الامل المفقود،
سلم لنا خطك عزيزي

[القارظ العنزي]

يسلم عمرك
Baby-face4

[شبح الشمال]

صح السانك ملايين على الأبيات الشعريه الرائعه والجميله
بحروف يملؤها الود وبنبضات قلوبنا التى تكن لك كل
مشاعر الحب والود والاحترام والتقدير

[القارظ العنزي]

صح بدنك وطال
عمرك الغالي شبح
الشمال لاهنت على
جمال المرور يالذوق