((دمعة فيها ابتسامة))

[القارظ العنزي]

دمعة فيها ....... ابتسامة
شفتها بعيون ........ رامة
بلغ المزيون .... ..... عني
كانه ينشد عن ..... غرامه
حروتي برق ..... القصايد
برق يلمع ......... بالغمامة
وصاحبي المطنوخ حولي
انشده وش به ..... علامه
دمت ودام الود ...... فينا
وفيكم يا ولد ... الشهامة
ودنا بالشوط ....... الاول
كل يثبت في .. .. كلامه
وان بدينا بشوط ... ثاني
نبدا الموت بجدع .. هامة
ودي دمع العين .... يدرج
والا تبكيني ....... النعامة
التحدي قام ........ سوقه
وكل يطمع في .... سنامه
الحقوا والا ..... ... مشينا
يا حبيب في ....... منامه
والولد ما له ......... قرابة
الا بالخال ......... وعمامه
ربي يستر من ..... غيابك
وارجي ترجع ... بالسلامة

القارظ العنزي

[أعد النجوم]

الله عليك يالقارظ

قصيدة سلسه وجميلة


بورك فيك



يختم ل 3 ايام

تقييمي

خمس نجمات

[خفايا أنثى]

ابياااات في قمة الروعه
يعطيك الف عااافيه
ابدعت

[القارظ العنزي]

يسلم مرورك اعد النجوم
وانت الاجمل في الحضور
والمرور والتقييم

[القارظ العنزي]

انت الروعة خفايا انثى
يعطيك العافية

[ابو معتز]

صح لسانك أبدعت يا شاعرنا ألكبير يعطيك ألف عافيه.

[القارظ العنزي]

صح بدنك ابو معتز
تسلم يا غالي

[احلام عابره]

دمعه فيها .ابتسامه
تهنيك......بالسلامه

بعد غياب... الغوالي
القلب زادت .سقامه

ينوح خلف .ظلوعي
مثل نوح....الحمامه

سقالله ايام ن ..فيها
نال الهوى..... مرامه

يالي تبي ... العلامه
عالوفا خذ.. العلامه

من عين هلت دمعها
كما همال... الغمامه
ياعاذليني .. بالهوى
بالله كفو .. . الملامه

خل ن سكن خفوقي
واستباحه.. فصيامه

اليا سدد .. بالنظره
صوبتني.... سهامه

واليا تبسمت شفاته
اقول يالله. السلامه

[القارظ العنزي]

انت برق ... القصايد
وانت راع ... الفهامة
مثلك ما به .. خرايد
مثلك عالي ... مقامة
متى تجي ... وتعايد
وتحيي .... بالسلامة
يا بو قاف ... الفرايد
لك بالشعر ... العلامة
وبالادب انت . القايد
وايضا حزت الكرامة
الشعر دونك .... بايد
من دونك ما له هامة
انت السيد . والسايد
معرب من .... عمامه

دوم عذبة مرورك عذب احلام عابرة