((الصدر ضاق وضاق بالصدر صبري))

[القارظ العنزي]

الصدر ضاق وضاق بالصدر .... صبري
وغديت ما بين الكرونا ...... والانذال
يالله فرج همنا قبل ... ......... قبري
وارفع كرونا عننا وضيقة ........ البال
عديتها عشرة وعشرة ........ وعشري
يا طولها ايامنا وثقل ......... الاحمال
حملي ثقيل وغبنتي وسط ... صدري
جرحي عطيب ولا درا فيه ... محتال
يمرني المحتال وينظر .......... لعمري
يظنني مسكين ولا افهم .... بالاحوال
انا الذي يفهم ويعلم ............ ويدري
باللي مضى واللي معي واللي وباقبال
قضيت عمري بين يومي ..... وشهري
واسبوعي وعامي مع العلم ... وامثال
وعشت الحلا والمر وناري .... وجمري
والحمد لله يخلق البرد........ واظلال
ربي كريم ويقبل اليوم ... .... عذري
وابا احتسب ما صار وصبر لنا .. طال
وابا احتسب ظلم مع العرق ... يسري
زود على ما صار من قيل ....... وقال

القارظ العنزي

[أعد النجوم]

صح لسانك شاعرنا المبدع العذب

ابيات جزله من شاعر جزل


يختم ل 3 ايام

تقييمي

خمس نجمات

[هاجس الذكرى]

صح لسانك يالذيب ..

[ابو معتز]

صح لسانك يا شاعرنا ألكبير
يعطيك ألف عافيه .

[رونق]

:Dl3:

صح لسانك ويعطيك العافيه
مررت من هنا فتقبل ذلك

[مساحة قلم]

صح لسانك ياراقي ولله درك جميله هي قصيدتك

[احلام عابره]

الله من هم ن رافقني . بعمري
يوم الولاده وطفولتي.. ولازال

قصة عذاب يحكيبها....القمري
تصلح حكايه بليالي شتا طوال

حملني الزمن همي......بصغري
وعلى كاهلي مسؤوليات.ثقال

ياوجد يكفيك بالشراين. تسري
جفت دموع العين والسهر طال

[القارظ العنزي]

اشكر كل من مر وعطر متصفحي
بدون استثناء لاهنتم ابدا . شهر
كريم وعيد سعيد ان شاء الله