سعود الربيلي
06-04-20, 07:23 AM
البارحه والصدر قام ايتشره
على الزمن وانا هجوسي نخيته
قمت اطلب الجزل الفريد أبمقره
وامشي مع الهاجوس حسب اتيكيته
اركب سبوقن لاجل الاولى مُصره
تسبق ولو كلن حضر مع ونيته
وانا إلا غصت البحر جبت دره
وآخذ من اعماق البحر ما بغيته
عشت الزمن شامخ بحلوه ومره
وتعاملي لناس كلن وصيته
الطيّب احفظ له مقامه وأبره
والدرب لو طال المسافه مشيته
افل لحجاجي لا شفته وأسُره
وان غاب عهده وسط صدري وفيته
والكفو لو طيبه كمثقال ذره
اشوفه بعيني ذهب ما حصيته
اشوش له وأعيد كره وكره
ولو قال ابي روحك وفيت وعطيته
وأهل النفاق وحاملين المضره
بدعس برجلي هروجهم لا لقيته
والنذل في وسط العجاجه مقره
ولا راح عنّي في دقايق نسيته
لو كان جرحي بالخفا تقل حره
لاهل الشماته والغدر ماطريته
واصبر واعيد الصبر مره ومره
وبيت المعزّه راسياً طنب بيته
كلمات الشاعر / سعود الربيلي
على الزمن وانا هجوسي نخيته
قمت اطلب الجزل الفريد أبمقره
وامشي مع الهاجوس حسب اتيكيته
اركب سبوقن لاجل الاولى مُصره
تسبق ولو كلن حضر مع ونيته
وانا إلا غصت البحر جبت دره
وآخذ من اعماق البحر ما بغيته
عشت الزمن شامخ بحلوه ومره
وتعاملي لناس كلن وصيته
الطيّب احفظ له مقامه وأبره
والدرب لو طال المسافه مشيته
افل لحجاجي لا شفته وأسُره
وان غاب عهده وسط صدري وفيته
والكفو لو طيبه كمثقال ذره
اشوفه بعيني ذهب ما حصيته
اشوش له وأعيد كره وكره
ولو قال ابي روحك وفيت وعطيته
وأهل النفاق وحاملين المضره
بدعس برجلي هروجهم لا لقيته
والنذل في وسط العجاجه مقره
ولا راح عنّي في دقايق نسيته
لو كان جرحي بالخفا تقل حره
لاهل الشماته والغدر ماطريته
واصبر واعيد الصبر مره ومره
وبيت المعزّه راسياً طنب بيته
كلمات الشاعر / سعود الربيلي